生活
- 雪翎
- 2022年05月23日
《聲生不息》炎明熹衣錦還鄉與家人相擁而泣 母見獎座爆喊：我知道特別特別不容易
炎明熹（Gigi）近日因為拍攝音樂真人實境節目《聲生不息》而人氣急升，除了在香港吸納了不少粉絲外，其微博粉絲人數更激增多倍。不過由於疫情關係，Gigi已經有兩年多時間沒有與家人相聚，而現在終於可以趁著節目空檔時期，回到家鄉汕尾與家人見面。 母親嫲嫲見獎後喜極而泣 無綫節目《東張西望》前日（5月21日）播出炎明熹的汕尾之旅，片中可見Gigi的媽媽和妹妹一早就在馬路迎接Gigi，兩人見面後立即相擁。回家後，Gigi馬上拿出在歌唱比賽《聲夢傳奇》所得的獎座給家人，媽媽看到後立即爆喊說：「你真的付出了很多很多，真的很不容易，我知道特別特別不容易。」而Gigi聽到後亦眼紅紅回應：「她搞到我都想哭，我不會哭，我的媽，眼淚這麼多。」最後連嫲嫲聽到後都喜極而泣，Gigi馬上上前安撫，場面感人。 兩嫲孫一起準備家鄉小食 家人得知Gigi回家，立即為她準備了不少家鄉小食，例如層糕粿等，令自稱「吃貨」的Gigi大飽口福。然後，Gigi更與嫲嫲一起炮製汕尾傳統特色小食鹹茶， Gigi起初煮到手忙腳亂，但幸得嫲嫲幫忙完成，最後成品相當不錯，Gigi立即裝起一碗孝敬嫲嫲。 「你係家人嘅驕傲」 不少網民見到後表示十分感動，並留言說「你係家人嘅驕傲，亦都係我哋好多人嘅驕傲」、「好幸福好感人嘅畫面，Gigi終於衣錦還鄉，見到屋企人」、「真係好感動，Gigi真係好乖女，不斷努力唱歌，依家終於可以同屋企人重逢團聚」。 （全文完） 推薦閱讀： 《聲生不息》｜炎明熹母為女獻唱《月光光》 劉惜君曝合唱《念親恩》原因超感人 《聲生不息》曾比特紅遍中港 盤點5件你要知的事 成功入行全因郭偉亮 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月23日
海鮮檔小鮮肉似陳柏宇？網民激讚：靚仔過荃灣豬肉檔AK！
自從「荃灣豬肉檔AK」阿威爆紅後，不少街坊現在去買餸，都金睛火眼留意一下街市有無靚仔。早前《有線生活》為大家集合了多區街市的靚仔，近日又有網民發現街市海鮮檔有靚仔，更指他似歌手陳柏宇，又謂靚仔過「荃灣豬肉檔AK」。 網民大讚海鮮檔小鮮肉 有網民在社交平台分享了幾張照片，表示是海鮮檔的店員，直言靚仔過「荃灣豬肉檔AK」。從相中可見，該海鮮檔男子身穿藍色短袖上衣、防水圍裙，皮膚白皙，一頭俐落短髮，吸引大批網民留言激讚「小鮮肉」、「真係幾靚仔」、「呢個樣幾好」。 靚仔過「荃灣豬肉檔AK」？ 亦有不少人認同樓主，認為海鮮檔小鮮肉比「荃灣豬肉檔AK」阿威更靚仔，「我都覺得佢靚仔啲」、「呢個靚仔好多」、「嘩，這個好點」，亦有人認為不應比較，「各有各靚，唔好比較」。 另外，又有網民覺得似歌手陳柏宇，「海鮮檔陳柏宇」、「有啲似陳柏宇」。 「荃灣豬肉檔AK」冧爆Fans 而「荃灣豬肉檔AK」阿威，近日不止獲運動品牌垂青，接拍了他的首個廣告，更正式開設官方社交網及YouTube頻道。日前，他更新Instagram，上載了一張擺出愛心手勢的半身照，冧爆一眾粉絲「威威豬」，魅力確實不容小覷！ （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企 淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月22日
移民｜以移民為條件拍拖 港女IG呻男友臨出發反口 網民撐分手：一開始就呃緊你！
移民外國是近年不少人談論的話題，近日有位正打算移民英國的網民在IG「couple.murmur」匿名投稿，大呻自己在拍拖前與已經男友達成共識，將來會到英國結婚生仔，但男友在她準備填寫表格，找搬屋資料時卻反口說想留在香港，令事主不知所措，決定投稿問網民意見，以下為原文節錄： 以移民生仔為拍拖條件 「今年28，同男朋友同齡，我哋係透過婚姻介紹所認識嘅。間介紹所係我家姐同朋友開，初期因為啱啱開業就遇到社運，加上我當時單身，所以如果有啲對象適合我，我都會去食個飯咁。我想要嘅條件係黃，計劃5年內移民英國或澳洲同埋生2個小朋友。我好鍾意小朋友，但香港唔係一個適合生小朋友嘅地方，我甚至覺得香港唔適合人生存，周圍發生嘅事真係令人好抑鬱。咁啱個陣有個男仔提出嘅條件幾乎一樣咁濟，佢希望同女朋友移民英國同埋佢都希望32歲前生兩個或以上小朋友組織家庭。我家姐就比咗啲資料我，一切順利我哋成為咗男女朋友。」 「其實我哋喺香港都可以生小朋友」 「因為我之前係做護士，但唔太開心，所以再讀關於it嘅degree，今年畢業都順利搵到一份可以work form home嘅工作，意思係即使移民都可以返，唔洗擔心移民會失業。男朋友份工都係咁，我哋兩個各有大約80萬儲蓄，經濟上無大問題。按我哋一直計劃，我哋應該會係下年年頭或年中走，咁我就開始做啲實質嘅工作，填表格，睇吓英國租屋同搬屋資料咁。點知有日佢同我講，其實我哋喺香港都可以生小朋友呀，佢呀哥都生咗三個，都無諗過走都生活得好幸福呀。」 「想知咁嘅家庭點叫幸福」 「我真係好驚愕，問佢係咪認真，佢話係。佢呀嫂無業mk妹嚟，佢呀哥收入得萬三，排緊上公屋未上到，依家住啲好細間嘅套房，五個人一間房，三個小朋友訓上格床，佢同老婆訓下格床。三個小朋友要喺間屋生活都唔容易，特別係細仔升咗小學，每次做功課其中一個小朋友要坐係床用枱仔，另外兩個小朋友用飯枱，睇到都「牙煙」。或者有人會話窮可能都生活得好開心，但佢呀嫂都唔太理啲小朋友淨係玩手機煲劇，啲小朋友就喺屋企睇YouTube同Netflix。連個小朋友跌親都唔知，佢個仔打俾我男朋友話媽咪訓覺叫唔醒，想知咁嘅家庭點叫幸福。」 政治因素決心離港 「最大嘅問題係政治，身邊好多護士朋友已經有小朋友，佢哋好多都移咗民，因為佢哋見到19年開始多咗好多人因為社會事件而自殺，好多人因為抑鬱入院。醫院嘅做法就係同個病人講比自己時間休息放鬆下，暫時都係唔好睇新聞啦。究竟我要點教我小朋友？「呀仔，呢幾個字唔可以再講，再講要坐十年監㗎」「我知，我知佢哋係無後果係唔啱，但佢哋有槍。」如果到時候再有社運，我係咪要比個小朋友出去定抑或我要教佢唔好睇新聞？ 咁我將以上嘅想法同佢講，佢同我講佢再諗下。明明我哋一直為移民做好計劃，甚至佢係我畢業寫咗張卡比我話希望我哋後年嘅今日我哋會Tower Bridge唱london bridge is falling down，我以為我哋一直向同一個目標前進，但到依家我再問佢，佢同我講佢唔肯定，佢唔知道佢到底移唔移民。」 偷睇男友電話揭發謊言 「我有日偷睇佢電話，我見到佢同佢呀哥傾計，話「我一開頭以為我會改變到佢嘅諗法」「我一開頭無諗清楚」。依家講起移民嘅嘢佢就會靜咗，但咁根本無可能一齊落去，上個星期我同佢講如果你唔移民，其實我哋可能一齊唔到落去，係愛嘅，但每個人都有自己想要嘅嘢，就係因為唔想經歷咁嘅場面，咁我一開始先會用嚟啲條件揀男朋友，我以為我哋傾好咗。但佢喊得好犀利，又話求下我唔好咁快作決定，唔好分手。其實我都好兩難，佢對我好好，我都好愛佢，於是傾好話佢最遲下年2月要話比我知個決定，因為最遲我下年年尾真係要走。」 「係咪應該長痛不如短痛？」 「依家即使同佢拍拖好開心，佢比好多驚喜我，但開心完又好唔開心，好似佢一話決定好唔移民我哋就會分手咁。覺得佢好自私，佢好似呃咗我咁，依家連想買嘢比佢，都會放返低，會諗或者我哋聽日就分手。成日會諗或者我哋只係一齊多一年，即使依家幸福好似倒數緊咁，成件事好辛苦。大家有無咩提議，其實係咪應該長痛不如短痛？」 網民撐分手 帖文引來大批網名留言，其中大部分都支持事主分手：「如果佢堅持都係唔肯移民嘅話，真係建議你分手會比較好；繼續喺埋一齊摩擦同爭執只會越來越多，無謂浪費自己時間。」、「直接斷吧，老實講由一開始真係講好咗了，所以無拖嘅必要，最後真係移咗幾年後佢又話要返香港，到時先唔知點。」、「根本你男朋友一開始就係呃緊你，諗住一齊左就可以氹到你留低，你咁清楚自己想點，其實都唔洗上嚟問，信自己、忠於自己。」亦有網民提議事主最好移民後再找對象才最實質。 （全文完） 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 張韋怡7歲兒子一週內第二次受校園暴力 IG出文怒訴：今日被拳打肋骨！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月21日
雪橇犬因牙痕咬傢俬而10年不得入屋 鄰居一個舉動 終令周身傷狗狗重獲自由
對於主人來說，狗狗可能只佔他們人生一部份，但對狗狗來說，主人卻是牠們的一生。發佈寵物領養資訊的Facebook專頁「唐不甩家族」日前發文指，有狗狗因為在6至7個月大時牙痕咬傢私，而被狗主鎖在花園長達十年，幸好有鄰居幫忙，才令狗狗順利獲救。 因咬傢私而10年不得入屋 狗狗名叫阿Dee，是一隻雪橇，現在已經十歲。十年前阿Dee在寵物店被主人買下，享受家庭生活，可是到牠6至7個月大時，卻因為牙痕咬傢私而被主人放逐到花園，從此不得入門。 因長時間無人照顧而周身病 工人因為怕狗，所以只會用洗花園的水喉離遠為阿Dee洗涼，而下雨時，天阿Dee被雨水淋濕也沒有為牠抹乾身上的水，導致最後患上皮膚病，義工來接走牠時嗅到身上有陣陣臭味。 除此之外，阿Dee還因為長時間在花園生活，而產生了其他身體問題。由於沒有人帶牠出去散步，導致後肢肌肉明顯無力，眼睛因為長時間曝曬，所以出現了乾眼症，需要長期滴眼藥水，而耳朵亦有發炎，目前正接受治療。 鄰居不忍而出手相助 鄰居因為不忍阿Dee長時間被主人這樣對待，所以向義工求助，並成功遊說到主人將Dee交出來讓人領養。義工在接走阿Dee後，為牠進行了全身檢查，並暫時托家照顧，令牠盡快適應屋內生活。阿Dee亦十分溫馴和乖巧，沒有做任何破壞傢俬的行為，雖然阿Dee已經十歲，老毛病亦開始已經浮現，但仍然希望有好心人願意領養，給阿Dee安享生命最後的時光。 雪橇小知識 網民在帖文下紛紛留言祝福阿Dee，希望牠在生命最後階段，可以擁有開心快樂的時間。其實雪橇本身是生活在冰天雪地上，在赤道附近的香港又濕又熱，而且冬天也不太寒冷，要飼養雪橇，就要在室內長時間開冷氣給牠們，故且狗主在飼養前，必須要了解清楚狗狗的習性，才能給予最適當的照顧。 （全文完） 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 張韋怡7歲兒子一週內第二次受校園暴力 IG出文怒訴：今日被拳打肋骨！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 大C
- 2022年05月21日
東京地鐵失物認領中心短片見證職員超認真保存失物 網民：還會清洗便當盒！也太貼心！
日本人路不拾遺、有公德心、也有職業操守，並不是空口說白話。NHK日本放送協會facebook上一段紀錄東京地鐵失物認領中心（東京地鐵失物招領處）工作日常的短片，雖然片長只有約2分鐘，但卻吸引網民2.6千個讚好，更有不少人留言讚嘆日本人工作貼心，又說只有在日本才有可能尋回失物。 該段短片來自facebook專頁「NHK World-Japan Chinese – traditional」，描述是「通勤路上行色匆匆，掉了東西怎麼辦？日本的東京地鐵失物招領處，每天從全線 179 站拾獲超過 2000 件乘客們的家當。一起來看看東京地鐵失物招領處的最強整理術，以及他們如何展現『OMOTENASHI』的敬業精神，齊心協力物歸原主。」 OMOTENASHI款待哲學 根據網上資料，OMOTENASHI是指真誠地為客人著想的款待精神。據短片介紹，職員每天都會處理超過2000件失物，為它們分門別類，看下圖： 超細心保管 「無論是甚麼東西，對物主來說都可能非常珍貴。」認領中心職員表示，他們會為各種失物作紀錄，又會分門別類，還會細心保存。有幾細心？看下圖！ 網民大讚貼心 雖然短片只有2分鐘，不過已吸引網民留言讚好，「還會清理飯盒，是家的感覺」。不少網民留言稱曾在日本遺下物品，但最後都能尋回。「我手機放在東京地鐵上，還能找回來真的厲害！」、「曾經背包忘記在頭頂架上，隔天去車站問就找到了，感謝他們！」、「曾經把雪靴丟在新幹線行李架上，也是順利找回來」。有網民更說，去旅遊只有在日本可以找回失物。 據資料顯示，東京地鐵失物認領中心每年平均有三分一失物被領回，大多是較貴重物品，而最多人遺下的物品是手巾。 （全文完） 推薦閱讀： 的士｜伯伯推車仔遭的士拒載危站馬路 暖男司機落車幫手 網民大讚：好人好事 外傭打工30年 湊大3兄妹 新娘結婚邀請工人姐姐做姊妹：我哋係一家人 😊 為生活增值 Like👉有線生活facebook💪 睇健康貼士 Like👉有線健康facebook🔔 接收最新生活資訊 follow 👉 有線生活ig @icable.life
- JL
- 2022年05月20日
素食小店遭棄單320份食材 梁祖堯FB呼籲幫襯 網民極速掃光
香港人真係好有愛！日前，梁祖堯（阿祖）在社交平台發文，指灣仔一間素食小店「麗姐廚房」遭客人棄單，涉及320份食材。因不忍心浪費和店主的心機，緊急求助呼籲網民幫襯。沒料到阿祖帖文一出，網民隨即一呼百應，小店大排長龍，食材極速清空。 素食小店遭棄單 日前，梁祖堯上載多張照片，其中一張為自己與店主的合照，形容麗姐廚房是全香港最好食的素食店，「基本上我帶任何食肉獸去食冇一個唔滿意」。接著表示自己剛才去幫襯的時候，發現店主麗姐愁眉苦面，向她了解後，得知原來有客人棄單。 客人開空頭支票落訂 梁祖堯指：「原來有客人叫咗四日大單外賣，連續四日每日80人份，麗姐要求佢落訂（都好合理啫），對方開頭唔肯，但係後來就畀咗支票。」阿祖續說：「事情發展落去你都估到，第日支票兌現唔到，對方又聯絡不上。但係食材已經預備晒，好似相中嘅彩虹腐皮卷，仲有蒸咗好多我最愛嘅芝麻糕紅豆糕，辛辛苦苦預備而家喺度將要浪費。」 網友大排長龍幫襯 他指店主一向非常善良，不認為她會得罪人，但無論是否被整蠱也好，自己都不忍心浪費食材和糟蹋了店主的心機，於是呼籲網民去幫襯一下，又慨嘆：「呢排經營已經好困難，咁樣真係雪上加霜。」 沒料到帖文一出，隨即引起網民迴響，不但大讚該店好食，更立即響應前往幫襯，令小店大排長龍，當日食材極速清空。梁祖堯看到大家一呼百應，非常感動，並留言：「多謝你哋呀！係愛！好人有好報！」 （全文完） 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 全港18區街坊發掘街市靚仔 唔止荃灣豬肉佬 賣菜賣魚都有！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月20日
尋人記II｜投訴王安仔5大威水史！揚言林鄭、彭定康都識佢 方東昇都被投訴
由方東昇主持的無綫TVB節目《尋人記II》終於播出！昨晚（5月19日）第2季首播，打頭陣的主角，是40年前的「投訴王」梁安國（安仔）。當年因報警投訴燒味檔「賣燒肉搭燒骨」而成名。多年後，安仔仍然事事關心、樣樣投訴，不但自稱為「元朗特首」，更指特首林鄭月娥及港督彭定康都認識他，到底他有甚麼威水史？ 1. 林鄭、彭定康都識佢？ 時隔40年後，安仔主動聯絡節目組，要求成為受訪對象。他表示自己「唔係搞事」，又著方東昇致電特首辦，表示特首林鄭月娥都認識他，「你打去特首辦，問林鄭月娥，問佢識唔識梁安國，佢實識㗎！」 除了林鄭，安仔更表示連港督彭定康都認識他，「彭定康實識我！」原來安仔曾於1996年的《港督問答大會》中，與彭定康面對面對話，談及當時香港失業問題，更獲在場人士熱烈鼓掌。 安仔又自稱「元朗特首」，叫節目組到元朗尋他。節目組抵達元朗，在搵路途中，獲不少街坊幫忙引路，又謂安仔在元朗十分出名。最後方東昇等人遲到了10分鐘，安仔已馬上致電公司投訴，「投訴王」果然並非浪得虛名，連方東昇亦「中槍」！ 2. 獲特首辦「專人」招待 安仔把特首辦電話記得滾瓜爛熟，直言「唔使查都記得」。在節目上，安仔即時致電特首辦，向政府人員投訴，安仔向接線人員稱「我係梁安國」，立即便有專人為他服務。安仔接著便開始翻起記事簿，向對方投訴違泊、路政署未有興建欄杆、過往投訴未獲跟進等問題。 3. 幫街市檔主投訴 解決渠口淤塞 安仔經常投訴，其實為己為人。有街市檔主指，曾經因為渠口淤塞而感到非常困擾，多次向政府部門求助不果，幸獲安仔出手相助。該檔主表示向安仔求助後，不久便有高官前來處理，大讚安仔：「佢好犀利！好過搵區議員。」安仔積極為檔主投訴，事情迅速解決，最後更與檔主成為好友。 4.「買燒肉搭燒骨」問題不再 當年安仔到燒味店買1斤燒肉，聲稱不要骨頭，但回家發現當中有部份是燒骨，安仔認為被「呃秤」，於是致電999報警投訴。他在節目上表示，當年被他瘋狂投訴的燒味店，已在數年前結業。 而近年的燒味店，亦已很少再出現「賣燒肉搭燒骨」的情況，安仔與節目組去到一間燒味店，詢問店主：「老闆，燒肉會唔會搭骨？」對方指「燒肉無骨，買幾多就幾多。」令安仔大感滿意。 5. 堪稱收藏家 30多年來，安仔都有收藏物品的習慣，而且經常囤貨。方東昇到其居所參觀，場面壯觀。安仔在家中收藏了大量山珍海味，包括20包螺頭、5斤魚翅、4斤鮑魚、2箱陳皮等，似足海味舖。 安仔更有10個雪櫃，全部均上鎖，以防小偷。另外，又有多達60部錄音機、數百盒錄音帶等，被問到估計可以用多久，安仔揚言：「用唔晒咪下世用。」認真霸氣！ （全文完） 推薦閱讀： 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月19日
荃灣靚仔豬肉檔AK阿威首接廣告 應援團粉絲：佢生硬嘅pose好可愛！
早前因為被街坊上載合照到Facebook群組，而火速爆紅的「荃灣豬肉檔AK」阿威，現時除了擁有過萬粉絲的Facebook「荃灣鮮肉威威應援團」外，還得到時尚及運動品牌Skechers青睞，邀請拍攝一輯工作鞋廣告，令一眾粉絲十分驚喜！ 身為專業肉類分割員的阿威，表示自己每星期都需要工作六天，而每天凌晨5點半更需要回店準備，加上豬肉檔環境比較濕滑，而自己又要長時間站立，所以雙腳經常站到水腫，甚至有街坊會送足貼到店給他。Skechers正看中這點，於是便找來阿威為他們拍攝主打防滑舒適的工作鞋。 消息一傳出後，阿威的應援粉絲立即留言說「真係型到超爆呀」、「要去買返一對一樣款呀」、「直接入Skechers問有冇威威嗰對鞋」。相信由今日起，各位老公以後都不用再日日食豬肉了！ （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企，淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 張韋怡7歲兒子一週內第二次受校園暴力 IG出文怒訴：今日被拳打肋骨！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月19日
徐天佑康城影展過39歲生日 大晒靚仔相被指似郭富城、豬肉檔AK
前組合Shine成員兼演員徐天佑，正於法國出席康城影展，日前是他的39歲生日，他在社交平台上載了兩張靚相，網民除了大讚靚仔和向他送上生日祝福，更留言指他與天王郭富城、近日爆紅的「荃灣豬肉檔AK」阿威撞樣。 康城度過39歲生日 徐天佑於康城度過39歲生日，在IG連續發文貼出兩張靚相，並不禁回憶起當年，表示自己18歲生日同樣身處於同一地方：「18歲入行就喺康城影展過生日，人生匆匆，廿一年兜咗個大圈又返番嚟，估唔到又係一個新開始。」 網民以為係郭富城 相中可見，徐天佑穿上黑色西裝，一頭金髮，相當帥氣，獲網民大讚靚仔：「廿年後更有型靚仔」、「依然靚仔，多咗D男人味」。不過更多人指「以為係郭富城」、「第一眼睇成郭富城」、「側面真係好似阿王（Aaron）」、「你首「愛的呼喚」好好聽」。原來是因為郭富城以前都留過同樣的髮型。 又似荃灣靚仔豬肉佬 而徐天佑上載的另一張街頭照片，則被「荃灣豬肉佬AK」阿威的粉絲分享到「荃灣鮮肉威威應援團」群組，指徐天佑與阿威撞樣，「原來徐天佑同佢（阿威）戴咗口罩都幾似喎」，引起一眾粉絲熱議，「又真係好似」、「我一早都覺得似」、「頭先見到以為係威威，再看真係徐天佑！真係勁似！」 而其實徐天佑早在入行時已被指似郭富城，二人曾在電影《父子》和《風再起時》中合作。他亦曾在訪問中透露，其姐姐也覺得他似郭富城，自己亦因此買了郭富城的CD。 （全文完） 推薦閱讀： 家庭主婦若有糧出 年薪可達$100萬 19項家務 人工最高係呢樣？ 全港18區街坊發掘街市靚仔 唔止荃灣豬肉佬 賣菜賣魚都有！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 大C
- 2022年05月19日
YouTuber Arho挑戰荃灣海之戀劣食放題 海膽有臭襪味 炸蠔腥到嘔
荃灣海之戀商場內一間日式放題店最近於網上人氣爆燈，全因網民劣評如潮，更有食客「嬲到報警」。最近YouTuber Arho Sunny、Creamy（易健兒）與兩位同事去挑戰這間劣食名店，結果證實該店確實名不虛傳。 食客嬲到報警 YouTube頻道arhoTV擁有51.7萬訂閱，兩位主持Sunny與Creamy，近日連同經理人德仔及一名女同事，一共四人前往「挑戰」該間劣食放題店，短片播出兩日已經超過36萬觀看次數。該間放題店最近在網上飽受食客批評，原因是該店疑透過多個食玩買平台發放「打手文章」，一味唱好，然而當食客去到卻發現水準極差，令食客嬲上加嬲，據稱更有人「嬲到報警」。 實試三大伏 綜合網民批評，Sunny一行人實試「刺身不新鮮？出餐45分鐘？份量極少？」等三大伏位。不過，他們懷疑甫進店便被店員認出，因此獲得疑似老細親自招待，幾乎一落單，便有食物送到，所以「出餐45分鐘」這指控在他們實試片段中不成立。 份量少其實係好事？ 透過短片可見，該店每款食物的確份量非常少，有圖有真相，例如手卷便超迷你，Sunny打開紫菜更見下半部是中空的。另外，鵝肝壽司也只有極細粒疑似鵝肝。不過，Creamy笑說食物份量少也有好處，讓你可以嘗試更多不同菜式。 食物又臭又霉？ 食店質素高低，最關鍵當然是味道。一行四人點了多道菜，幾乎全是劣評。例如海膽刺身他們形容是有臭襪味，甜蝦刺身又苦又霉，至於蟹籽，Creamy形容「係嗰種擺咗落雪櫃好耐、有雪櫃味蟹籽，你諗吓擺咗一個月左右就係嗰種味」。兩人還實試了多款壽司，總體來說，食物是「喺雪櫃溝咗好多味道嘅感覺」。 炸蠔腥到嘔？ 除了刺身壽司難食，熟食一樣劣評。沒有上鏡的女同事咬了口炸蠔便馬上去洗手間，「嗰蠔呢係勁腥勁腥勁臭，咬落去嗰吓已心知不妙……我依家個口都有陣蠔味，聞落去都係好臭」。 除了炸蠔，他們形容碗仔翅都有陣苦味。而Creamy則發現該店唯一好味食物，就是炸鮮奶，「係真係好好食」，她又指其實各類炸物都外皮都控制都好，味道不錯，只因餡料難食，才變成劣食，認為負責炸物的員工應該加薪。 5分滿分得1分 4人點了最貴的套餐價格，包含鮑魚和松葉蟹刺身，但味道同樣強差人意，松葉蟹更不是刺身，而是已煮熟。最後結帳平均每人消費400元，若以5分為滿分，這一餐4人同樣都給出1分。 （全文完） 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 的士｜伯伯推車仔遭的士拒載危站馬路 暖男司機落車幫手 網民大讚：好人好事 😊 為生活增值 Like👉有線生活facebook💪 睇健康貼士 Like👉有線健康facebook🔔 接收最新生活資訊 follow 👉 有線生活ig @icable.life
- 雪翎
- 2022年05月19日
盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾
MIRROR成員盧瀚霆（Anson Lo）近年人氣爆登，除了憑《大叔的愛》成功「入屋」外，亦在2021吒叱樂壇頒獎典禮及Chill Club頒獎禮獲獎。不過人紅是非多，近日人稱「教主」的Anson Lo就在YouTube以「帶你去工作」為題，拍片同「神徒」（粉絲暱稱）大玩Q&A，剖白入行三年的辛酸事。 如可揀多次仍願意入行 今年26歲的Anson Lo，三年前獲「花姐」黃慧君邀請參與《全民造星》，以「eye catching idol」身份直入比賽55強，可惜因為分組賽落敗，最後只能在30強止步，不過最後都成功成為MIRROR成員。 片中Anson Lo表示如果沒有入行，就沒有機會做自己喜歡的事，例如可以在觀眾面前表演唱歌跳舞，享受舞台，而且更不會有機會認識各位粉絲，所以並不會後悔入行。 出道前後最大改變是強化了心臟 去年與梁祖堯（阿祖）拍攝《調教你MIRROR》時，阿祖要求12子練習回顧人生路，由出世一刻開始幻想，每越過一個困難就向前行一步，到加入MIRROR時就蹲下，離開MIRROR時就站起。 Anson Lo到蹲下時就立即崩潰大哭，期後表示是因為在成立MIRROR後發生了很多事，而令自己傷心和感到大壓力的有很多，不開心的日子佔多數，但自己卻沒怎樣向其他成員展示過脆弱一面，所以儲起了很多情緒沒有處理。然而，在這段Q&A短片中，教主重提事件，表示現在的他心理已強大了很多，也比之前看得開。 決心要人對自己割目相看 有fans問出道三年最辛苦是甚麼？Anson Lo坦言是面對一些流言蜚語、誇張傳言和不實報導。因為這些都令其他人對他的人品、行為、道德、操守產生誤會，而他相信每個人包括他，都不會想被別人誤會。 他說：「用自己推出的作品，令不相信自己的人，誤信傳言的人，終有一日對自己割目相看。」 彩蛋：爸爸瞓低喺梳化 凌晨12時45分才完成工作回家的Anson Lo，繼續拍片回答大家的問題，而等門的爸爸竟然在梳化睡著了，教主立即拍下教父的睡姿，場面十分溫馨。 （全文完） 推薦閱讀： 《聲生不息》曾比特紅遍中港 盤點5件你要知的事 成功入行全因郭偉亮 張韋怡7歲兒子一週內第二次受校園暴力 IG出文怒訴：今日被拳打肋骨！ 😊為生活增值 Like👉 有線生活facebook💪睇健康貼士 Like👉 有線健康facebook🔔接收最新生活資訊 follow👉 有線生活ig @icable.life
- JL
- 2022年05月19日
離婚｜前香港先生陳志健與羅樂林女兒羅苡之宣佈離婚 因疫情只能電話道別
前香港先生陳志健與資深演員羅樂林女兒羅苡之結婚十年。今日（5月19日）凌晨，二人各自在社交平台宣佈離婚，並透露因疫情分隔兩地的關係，二人只能隔著電話忍痛道別。 各自宣佈離婚 陳志健與羅苡芝於2012年結婚，二人婚後生活美滿，經常在社交平台上大晒恩愛。今日（5月19日）二人各自在社交平台宣佈離婚。陳志健表示懷念伴侶依偎時，但分開是最好的祝福：「我們都想大家好，懷念伴侶依偎時的，每一分、每一秒。此刻的分開放手，則是我們能給對方最好的祝福。一日愛人，一世親人。希望你會永遠快樂，前路彼此共勉珍重。」 互相陪伴逾10年 而羅苡之則上載一張二人手拖手的背影照片，感謝和祝福對方，「最終，我們也沒能夠一起走到底。起碼我們曾經愛過、笑過、哭過、活過。其他都已經不再重要了。謝謝你陪伴了我十多個年頭。你說你浪費了我的青春，我說我賺了無價的回憶。」 隔住電話忍痛道別 她又表示因疫情的緣故，二人分隔兩地，只能透過電話道別，「疫情緣故，大家沒能夠抱頭痛哭，只能隔著電話屏幕無奈跟傷痛的道別。我們的離別是帶著遺憾和悲傷，但亦同時充滿著愛和祝福的。」並希望大家可以給予他們空間及時間，自己會努力過新生活。 經歷兩次婚姻失敗 陳志健於2006年參選香港先生，獲得「健力組」冠軍。曾出演多套電視劇集，如《鐵探》、《法證先鋒IV》、《反黑路人甲》等。陳志健曾於2009年與一名圈外女友結婚，對方為他誕下女兒，二人於2011年離婚。其後於2012年與羅樂林的女兒羅苡之結婚，今日各自宣佈結束十年婚姻。 （全文完） 推薦閱讀： 家庭主婦若有糧出 年薪可達$100萬 19項家務 人工最高係呢樣？ 全港18區街坊發掘街市靚仔 唔止荃灣豬肉佬 賣菜賣魚都有！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life