樓上單位滲水,樓下住戶受罪,當然希望樓上業主盡快處理,但如果樓上單位空置,又可以點做呢?免費電視77台節目《一線搜查》報道,有住戶天花滲水至今19年,但一直無法接觸到樓上單位業主,問題拖延至今仍未解決,業主女兒困擾得服藥方能入睡。有資深驗樓師形容,受影響單位天花嚴重損毀,「樓板就塌落嚟」。 曾有大如洗臉盆石屎剝落 「冇人明白我呢種感受,只係覺得你亂諗,你諗到自己黐線,咁我可以點樣做?」業主女兒接受《一線搜查》訪問時情緒激動,她表示,滲水情況早於2003年已開始,後來越來嚴重,到2017年時,浴室天花更曾有一塊大如臉盆的大石屎剝落。天花剝落情況,由浴室漸漸伸延至對出走廊,再到業主女兒房間,她說:「晚晚受住啲好驚情緒瞓覺,而你係瞓唔到覺,因為你唔知幾時(石屎)再跌落嚟。」 驗樓師:損毀嚴重 資深驗樓師賴達明檢查過該單位天花,他表示:「天花樓板損毀相當嚴重,包括有大量石屎剝落,鋼筋外露,都有嚴重生鏽情況,典型長期滲水現象所導致結果。」他又指部份鋼筋嚴重生鏽,甚至已斷裂,「如果鋼筋斷咗,成個樓板就塌落嚟」。由於該單位所在的大廈是單幢式樓宇,一梯一伙,又沒有與其他大樓相連,加上檢查外牆後,牆身和