#楊屋道街市
- 大C
- 2022年09月22日
一線搜查｜全港涉行人車禍5大黑點灣仔最多 團體指取消行人路欄杆意外更少
馬路如虎口，去年全港有17,831宗交通意外，即平均每日超過48宗。團體「街道變革」自發搜集車禍數據，整理出全港行人車禍互動地圖，並得出多個車禍黑點，前5位黑點中，有兩個都在灣仔區。免費電視77台節目《一線搜查》訪問了「街道變革」成員，他們認為香港街道設計未能配合行人習慣，並提出多項建議，包括取消行人路欄杆。 有欄杆令駕駛者更放心加速 「行人都責任保護自己安全，但當我哋見到路上面係好多人都咁樣過馬路嘅時候，我哋就開始要諗下，究竟係一個設計上嘅問題，定係個別行人唔小心？」團體「街道變革」發起人嚴卓衡表示，街道設計應該要考慮更加多行人習性，而不是一味只依靠欄杆去將人車分隔。 根據研究顯示，有欄桿位置，行人死亡及重傷比例，比其沒有欄杆地方，高出接近百分之八。嚴卓衡表示，從外國的數據分發現，當行人路有欄杆時，司機會認為行人有欄杆保護，從而更放心加速，因此如有行人突然走出，發生車禍時所造成的傷勢往往更嚴重，「我哋希望如果能在適當地方拆除欄杆，反而（駕駛者）係會自覺收慢車速，更加留意行人會否衝出嚟」。 建議拆欄杆，設置路口減速平台 「街道變革」建議參考外國做法，擴闊行人路，拆除欄杆，設置路口減速平台，限制內街車速。「街道變革」研究員黃翹昊表示：「我哋希望係就算你撞到，都只係輕傷。」事實上，2017年運輸署曾進行「提升香港易行度」的顧問研究，當中亦有拆除欄杆、增設緩速設施等建議。當年運輸署曾經考慮過在涉及行人車禍黑點之一的深水埗市集區，採用改善措施，但到2020年，運輸署只在區內福榮街等地區試行，設置了低速限制區，亦移除了90個非必要交通標誌，以及800米長欄杆。 5大行人車禍黑點 要等運輸署改進及落實新道路設計，相信還許多時間，但作為道路使用者，可以掌握更多資訊，提高警覺保護自己。「街道變革」搜集2015年至2019年交通意外數據，再轉化成互動地圖，上面列出意外地點及涉事車輛資料，原來交通意外有超過一半死亡個案，受害者都是行人，以下是5個交通意外宗數最高的黑點，當中2個都在灣仔！ 【第5位】荃灣近楊屋道街市市集區 推算每公里車禍總數：132.5 行人相關車禍總數：99 重災區路段長度：747米（川龍街、海壩街、新村街、河背街、鱟地坊） 【第4位】黃大仙新蒲崗工業區 推算每公里車禍總數：139.4 行人相關車禍總數：24 重災區路段長度：186.5米（新蒲崗、爵祿街、康強街） 【第3位】灣仔莊士敦道春園街 推算每公里車禍總數：160.9 行人相關車禍總數：19 重災區路段長度：118.1米（莊士敦道與春園街之間路段） 【第2位】深水埗市集區 推算每公里車禍總數：166.3 行人相關車禍總數：126 重災區路段長度：757.5米（北河街、桂林街、基隆街、大南街及汝州街） 【第1位】灣仔道 推算每公里車禍總數：243.4 行人相關車禍總數：21 重災區路段長度：86.3米（克街與巴路士街之間路段） 有關「街道變革」對行人路設計意見，以及交通黑點所在問題，可於網上觀看《一線搜查》完整內容。 免費電視77台《一線搜查》 播出日期 逢星期一至五 播出時間 20:00-20:30 （全文完） 推薦閱讀
- 大C
- 2022年09月06日
一線搜查｜東涌居民長年捱貴餸 4餸1湯要$600 荃灣豬肉平3成 街坊：幾時有公營街市？
早前有團體對比東涌、天水圍及荃灣街市物價，發現最貴食材主要集中在私營街市，而東涌4個街市全是私營，居民長年都要「捱貴餸」。免費電視77台節目《一線搜查》跟着街坊去買餸，再對比東涌、荃灣及美孚價格，發覺東涌買餸的確貴得多。為何街坊盼望已久的公營街市遲遲未出現？ 東涌買齊4餸1湯600多元 《一線搜查》跟隨居住東涌15年街坊Brenda去東涌買餸，6位成年人煮4餸1湯，足足花了600多元。其中一味餸涼瓜排骨，同樣排骨份量，東涌富東街市$54、荃灣楊屋道街市$38、美孚荔灣街市$40，至於苦瓜，同樣是東涌較貴，東涌要$38、荃灣$24、美孚$20。Brenda表示：「（東涌）幾乎我冇選擇，一係呢度（富東街市），一係遠啲去逸東，（價格）差唔多。」 私營街市呎租持續上升 東涌有4個街市，全屬私營，其中兩個是領展管理及另外兩個外判予建華管理。《一線搜查》翻查資料，私營街市每月呎租由2006年23元，到2022年62.7元，16年以來增加了172%。事實上，2022年領展街市和熟食檔位續租租金也增加，加幅19%，領展行政總裁王國龍於早前業績發布會上表示，因為租戶生意反彈，因此相信集團有空間調整租金。 東涌街坊Brenda認為，東涌買餸貴正是由於街市都屬私營，租金持續上升，令街市商販都要加價，「其實好希望有一個市政街市，我哋希望有多一個選擇。」她又說，街坊為買餸慳錢，不少都會跨區買餸，例如荃灣、深水埗、美孚，甚至西環都有。 團體指私營街市存在壟斷 監察公營街市發展聯盟發言人吳天楠於《一線搜查》中表示：「之前都有啲新聞話，管理商將租金提高，趕走小商戶，然後將自己『艇戶』加進去，所以一個壟斷情況同租金貴嘅情況，就會令到物價會高啲……有啲房署外判街市，可能幾個檔位都係同一個老細，係壟斷咗街市。」她補充，街市規模大小也影響價，以東涌富東街市為例，街市內只得40多檔，選擇少價格便貴，「如果公營街市好似荃灣咁，一個街市入面有百幾二百檔，競爭大啲，物價自然會低啲，東涌相對上選擇係少好多」。 公營街市未有落成日期 其實2017年《施政報告》中提出會於東涌區內興建公眾街市，2018年落實選址於東涌港鐵站旁，但至今2022年仍未有落成時間表。反觀同年宣布會興建的天水圍街市，則已有設計圖，預計2027年落成。政府曾解釋，因東涌街市選址港鐵旁，為免影響港鐵運作，因此要考慮因素較多。 面對東涌居民訴求，政府計劃於今年第4季於東涌開設臨時街市，但監察公營街市展聯盟發言人吳天楠以天水圍臨時街市為例，只有36檔，貨品並不齊存，「我哋做格價時發現，凍肉、急凍豬扒和雞翼都冇」。她擔心東涌臨時街市同樣攤檔少、貨品少，未能滿足街坊需要。有關東涌居民捱貴餸情況，可於網上重溫《一線搜查》。 免費電視77台《一線搜查》 播出日期 逢星期一至五 播出時間 20:00-20:30 （全文完） 推薦閱讀
- PL
- 2022年08月11日
荃灣「楊屋道吳彥祖」樣貌曝光 網民讚好Charm 有人話更似房祖名｜附18區街市靚仔
荃灣豬肉檔威威有勁敵了！最新有女網民貼出「楊屋道吳彥祖」側面照，更大讚他好Charm：「唔知佢有經理人未」。帖文一出，隨時引起其他網民起哄，有人認為這位街市「新星」可以與威威一起出道，不過也不少人認為他更似房祖名，又或者韓星阿Rain。 繼豬肉檔威威（劉宋威）爆紅後，荃灣區街市再有「隱世靚仔」出沒。上周六（8月6日）有女網民在facebook群組「扮工室Online」出Post指：「今日發現，楊屋道吳彥祖，好charm！靚仔過豬肉威，唔知佢有經理人未。」該照片雖然只是曝露了當時人側臉，但已成為網民討論焦點。 據照片所見，楊屋道吳彥祖的身材尚算高挑，執起大魚的時候Show出「麒麟臂」，相當有睇頭。 網民：一山還有一山高 照片傳出後，多個facebook群組都熱烈討論，不少網民都讚他「幾靚仔」、「大隻仔」、「一山還有一山高」，身材樣貌可與威威匹敵。不過也有網民不苟同：「都係普通一個人。」、「好似喎！都有手有腳！」有人更認為他的樣貌更似房祖名，又或者韓星阿Rain。 除了威威及楊屋道吳彥祖，全港18區其實也出過不少街市靚仔，一齊睇睇！ 黃大仙有禮菜檔小鮮肉 早前有網民在「黃大仙區友」群組貼出照片，留言「阿媽分享：牛池灣街市菜檔哥仔都唔差」。從圖可見，該菜檔男子身穿黑色背心，皮膚白皙，一頭啡色齊瀏海，眼大有神，吸引一眾網民留言大讚「小鮮肉」、「真係唔差」、「對眼好靚」等。亦有多名街坊認得該店員，表示他有禮，「佢唔止靚仔，仲非常之有禮貌。」、「呢個哥仔好有禮貌！」結果引來這位「靚仔小鮮肉」現身，回覆表示「多謝大家」。 黃大仙魚檔紋身猛男 除了黃大仙區，前港姐冠軍陳庭欣亦在IG分享，指荃灣街市仲有另一名靚仔，她寫道：「據知情人士報料，除咗豬肉檔，有檔賣海鮮嘅都好『值得』去幫襯。」並貼出兩張照片，表示過兩日會親自去證實一下。雖然照片只見側面和背面，未能清楚看到樣貌，但這位海鮮檔店員與阿威一樣手臂有紋身，穿上一件貼身背心，用強勁的麒麟臂舉起魚檔巨桶，身材確實吸睛。有網民更形容「猶如漆黑中嘅螢火蟲一樣咁鮮明，咁出眾。」 屯門海鮮Tyson Yoshi 另外，「元朗生活誌」專頁亦分享了一名位於屯門新墟街市的「屯門海鮮Tyson Yoshi」，寫道：「肉粉唔洗（使）去荃灣咁遠，屯門都有新貨到！」從相中可見，該海鮮檔店員身材高大，一頭俐落短髮。有網民認為相比起Tyson Yoshi，他更似周柏豪，又有人指是「屯門古天樂」。 （全文完）
- 雪翎
- 2022年06月25日
港男FB呻$660買死蟹被搵笨 荃灣楊屋道街市老闆千字文回應：絕無欺詐
不少港人都是海鮮愛好者，喜歡時常到街市購買新鮮海鮮烹調，近日有港男在Facebook群組出文控訴荃灣楊屋道街市某檔口出售發霉死蟹，卻被不少網民反嘲他「貪平就係咁㗎喇」，檔口老闆收到指控後，立即以千字文回應事件，並說自己打到眼濕濕。 「滿膏滿肉好鮮甜多汁」 事主在Facebook群組「香港街市魚類海鮮研究社」出文表示，自己在荃灣楊屋道街市某老字號檔口以$660購買長腳蟹，從圖中可見，長腳蟹蟹肉非常霉爛，與新鮮活蟹的一絲絲質地相比是完全不同，而事主在帖文中就反嘲長腳蟹品質「滿膏滿肉好鮮甜多汁」。 事主續指，檔口老闆當時說長腳蟹「啱啱死抵食」，因為活蟹價格比死蟹貴，所以事主就決定以$660買下「啱啱死」的長腳蟹，怎知進食時才發現蟹肉霉爛不能入口，更指：「六、七舊水買教訓，後生仔唔識揀千祈唔好買死蟹，隨時俾人搵笨血本無歸，分享經驗希望少啲人中伏。」 老闆千字文回應指控 檔口老闆得知事主的指控後，以文字作出了公開回應，指自己連日來飽受壓力，店員當時已說明長腳蟹已死，不存在欺詐行為，而且肉質會受天氣、路程、處理手法等多個因素影響。不過他們願意向事主作出賠償，並希望事主可以親臨檔口，他們會親自解釋，以及提供好折扣。最後檔主更表示自己「打到最後竟然眼濕濕」。 網民：自己攞嚟賤！ 帖文隨即引來大批網民回應，不少網民都嘲笑事主貪平惹禍，當交學費買教訓，又指：「明知死蟹仲買」、「你依啲咪以為自己好醒平少少」、「貪平咪上咗一課囉，海鮮海鮮，鮮咪就係要買生嘅咁解」、「貪平就係咁㗎喇，唔識嘅話又唔問」、「你大可以同舖頭啲人講我想食隻靚啲嘅蟹，人哋都唔會要你買隻死蟹啦，都係只怪貪平」。 亦有部份網民認為檔口做法有問題，指：「本應係掉落垃圾桶嘅嘢攞嚟賣俾客，客人未必有專業知識去分辨好壞，亦可能會貪平，但平唔代表要食根本唔食得嘅死蟹。店家完全有責任處理掉變壞／不新鮮／不適合食用嘅商品。」 （全文完） 常見問題： 問：死蟹活蟹有何分別？答：死蟹肉質霉爛，不能入口，但活蟹… 詳情請睇 問：蟹肉質地會受甚麼因素影響？答：肉質會受天氣、路程、處理手法等多個因素影響… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年06月20日
東張西望丨楊屋道街市買餸遭魚拮傷 港女食肉菌感染三度做手術險截肢
日前，《東張西望》報道了一位女士在楊屋道街市魚檔買魚，伸手付款時不慎被魚刺傷手部，最初傷口就如針孔一樣小，因此都不以為然，簡單用紙巾擦拭一下就沒理會，怎料當晚手背突然腫脹得像三隻雞蛋般大，手部完全麻痺，原來是被食肉菌感染，情況嚴重。 被魚刺傷 最初傷口如針孔 《東張西望》觀眾王小姐於5月29日在楊屋道街市買餸做節，期間在海鮮檔買魚付款時，不慎被魚刺傷手部，她憶述：「我付款時，我的手剛好在盤子上面，魚一跳，就扎到我，我意識到被扎了，馬上用紙巾擦拭。」當時王小姐的傷口就如針孔一樣小，她簡單處理傷口後，看似無大礙，當晚便如常煮飯、洗澡及睡覺，豈料睡到半夜，情況急轉直下，「我睡到大概三點左右，我的手好像完全麻痺了。」於是立即前往急症室求醫。 手背腫脹發麻 食肉菌感染三度開刀 抵達急症室不到三小時，王小姐的手已腫得像三個雞蛋般大，醫生指其手部被食肉菌感染，情況十分嚴重，很快便替她進行手術，將手背剖開，清理受感染的地方。由於食肉菌擴散速度迅速，醫生擔心食肉菌會蔓延至手臂，於是為王小姐進行第二和第三次手術，清理食肉菌。從王小姐提供的圖片可見，其前臂被𠝹開見肉，非常恐怖。 幸及時就醫 嚴重需截肢 王小姐指，幸好及時入院，否則嚴重的話，要將手切除，若傷到神經線，更可能會影響到生活機能。王小姐又表示，曾向衛生署和食環署呈報個案，惟對方處理手法怠慢兼馬虎，只回覆會將其個案放到衛生署網頁，並到街市巡查，未有顧及市民受感染的風險。因此公開自己的個案，希望沒有下一位受害者。 醫生：延誤治理 可致器官壞死 家庭醫生林永和接受訪問時指，食肉菌的感染稱為「壞死性筋膜炎」，即是細菌進入皮膚的傷口後，在筋膜和軟組織處發作，他指：「它會蔓延得非常快，會破壞組織，甚至進入血液，造成嚴重的細菌感染。」又謂表徵就像普通的紅腫痛熱，但可以惡化得極快，「如果組織被嚴重破壞，就要截肢；若醫治太晚的話，可以擴散到全身，進入血液，出現血栓的現象，更會引致器官壞死。」 另外，林醫生亦建議，若有需要接觸有刺的海產時，應戴上手套，並且小心處理，又提醒市民，去街市買餸時，最好不要徒手接觸海鮮。 常見問題 問：點解會導致食肉菌感染？ 答：王小姐買魚付款時，手剛好在盤子上面，不慎被魚刺傷手部… 👉🏻詳情按此 問：點解會搞到咁嚴重？ 答：由於食肉菌擴散速度很快，醫生擔心食肉菌會蔓延至手臂… 👉🏻詳情按此 （全文完） 推薦閱讀： 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life