司機違泊被抄牌（發出罰款告票）無可厚非，但免費電視77台節目《一線搜查》報道指，有旅遊巴司機稱，全港不少旅遊巴專用泊位太細，導致旅遊巴泊車時車身凸出，甚至會佔用了兩個車位，即使司機有入錶，仍會被抄牌，深感無奈。為何旅遊巴專用泊位會「衣不稱身」？ 一車泊兩位入錶也抄牌 旅遊巴司機梁先生表示，位於浸會大學道的旅遊巴專用車位非常細小，只夠泊半截車身，如車身凸出，警員會抄牌，他稱曾有行家停泊時佔用了兩個泊位，即使兩個車位都已入錶，警員照發告票，「有行家被佢（警員）發過告票，佢話一架車只可以泊一個位，但你依家泊咗兩個位，雖然你入兩個錶，但係都係唔得」。他指警員有時都會酌情不發告票，但「佢話你都好礙眼，因為你始終霸咗兩個位」。 司機形容車位「超級細」 有旅遊巴駕駛經驗10年的司機李先生形容該處車位「超級細」，他表示中型巴士勉強可泊到，如旅遊巴使用該車位，必然會佔用兩個位，「我車都係一架，但我又要泊兩個位，又要入兩個錶，咁你話公唔公道呢？」然而，同一條路另一個旅遊巴泊位大小則正常，足以容納旅遊巴，「你話同邊個反映好？佢應該自己自動自覺劃返大啲位……我哋旅遊巴嚟㗎嘛，係咪先，你
