#神徒
- 大C
- 2022年06月20日
Anson Lo《King Kong》瀏覽量破314萬！首執導MV要求高拍到受傷fans心痛
MIRROR成員、教主Anson Lo（盧瀚霆）新歌《King Kong》，於YouTube上架未夠兩星期，瀏覽量已經突破314萬人次，人氣爆燈！教主於個人YouTube頻道上載了《King Kong》MV的拍攝花絮，原來這是他「人生第一次做導演」，因此拍攝其間非常緊張，同時要求高，拍打戲時更受了傷，睇到fans「神徒」直呼心痛。 King Kong = 做到最好 教主在拍攝花絮前先為《King Kong》下了一個定義，他說：「呢首歌係講緊世累競爭，兩個月前突然諗起，我家姐細個嘅時候其實已經好多競爭，Daddy媽咪好鍾意比較同家姐嘅學業啦，嚟到依家做緊呢一行，更加一定有競爭有比較，所以好想講，喺呢個充斥住競爭世界之下，應該係你自己能力範圍內做到最好，其實你就已經係自己心目中嘅KING KONG！」 為何想做導演？ 要做到最好，自然會處處緊張，所以教主Anson Lo希望做到導演，他說：「以前《Mr. Stranger》或者《Megahit》，好多時我諗完個theme，但可能鏡頭上很多時都係阿水導演佢會自己諗，諗完之前返去到剪嘅時候我哋再慢慢一齊傾……我好想喺每一個shot，甚至係每一個set，都係自己100%想要嘅嘢！」 要求高拍打戲受傷 透過教主的花絮片段可見，除了鏡頭前落力跳唱外，Anson Lo每拍攝完一組鏡頭，都會與攝影師、舞蹈人員、工作人員等等討論細節，例如燈光畫面的顏色，鏡頭運用是否緊湊，以至舞蹈員的動作是否切合劇情。而拍攝其中一場打戲時，教主更弄傷了手指，他說：「唔夠精神打係好容易受傷……要記住一連串打鬥動作其實係好複雜，（拍打戲）似演戲多過似跳舞。」 「係好好學習機會」 總結今次執導經驗，Anson Lo表示，每個MV華麗完成品背後，其實都要克服好多困難，形容是排除萬難，「過程係好累，但係好好學習機會」。神徒們都大讚偶像勤力又認真，「教主日以繼夜趕拍劇又要趕製MV辛苦程度，真心佩服教主堅毅耐性」、「辛苦晒盧導演！睇得出你放咗好多心機落去哩個MV」，fans當然都為偶像受傷心痛：「忙完之後快啲休息，受傷嗰度拍完嘢要小心唔好搞佢。」 （全文完） 常見問題 問：《King Kong》主題是甚麼？ 答：Anson Lo解釋，是要盡力做到最好，不要是和人比較…👉🏻詳情請看 問：Anson Lo為何受傷？ 答：Anson Lo在拍攝其中一幕打戲時手指受傷…👉🏻詳情請看 推薦閱讀： Anson Lo新歌《King Kong》被威威豬TG狂踩 COLLAR、湯令山被鬧樣衰 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 盤點MIRROR ERROR最新感情狀況 除Frankie外還有哪位成員回復單身？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年06月13日
Anson Lo新歌《King Kong》被威威豬TG狂踩 COLLAR、湯令山被鬧樣衰
MIRROR成員Anson Lo盧瀚霆新歌《King Kong》在6月8日首播，不少網民大讚曲風造型有驚喜。不過，YouTuber苦男Bitterboy近日就出片指，荃灣豬肉檔阿威粉絲「威威豬」突然在Telegram（TG）群組狂踩Anson Lo，連湯令山也中槍，一眾Anson Lo粉絲「神徒」入群組呼籲威威豬尊重別人。 「做得威嘅fans就要支持Gigi」 苦男在6月11日以「豬肉佬威威大罵Anson Lo!!」為題，出片指收到觀眾報料，一眾威威豬在TG群組「威威應援團（劉宋威）」中，突然大罵「MIRROR COLLAR fans全部傻X」，又說「Day一早畀韓國淘汰咗，有能力你估佢留低咩，Candy造星之前連fam j都不算」然後又再指Anson Lo新歌唱功沒進步「歌唔得，舞唔得，樣唔得」。甚至有威威豬說：「做得威嘅fans，唔該放下面子支持Gigi，都唔好支持Candy」。 「滿口英文accent都係低賤嘅味道」 威威豬續指，即使不談論Anson Lo的樣貌和身高，單說歌曲也很難聽，而且rap很尷尬：「英文唔好，真係唔好rap英文，只係一個local u嘅degree仔，滿口英文accent都係低賤嘅味道，聽到佢咁有自信咁rap出嚟，真係好尷尬」。同時，歌手湯令山也無辜中槍，被形容為「另一個樣衰歌手」。 苦男就指，自己剛剛拍完《King Kong》MV反應影片，覺得歌曲未至於難聽，Anson Lo英文還不錯，很疑惑何謂「滿口英文accent都係低賤嘅味道」，有感這個攻擊有點過份。另一名威威豬回覆指Anson Lo「作又唔掂，填又唔掂，天時地利造就呢個廢柴」。苦男就質疑：「威威咁紅，佢又有邊方面才能？」 神徒入群組呼籲威威豬尊重人 有神徒得知偶像被狂踩，就立即入群組說「喺呢個group嘅各位或者Admin可唔可以唔好咁低質，你可以唔鍾意人哋偶像，但你冇權去diss人哋」，但威威豬卻指「diss人係好正常嘅事」，還說「威威有個身份冇同你講，除咗係斬豬肉嘅，其實亦都係一個業餘Rapper」，令神徒不禁回應「等聽」。 「威威群組唔使尊重人」 神徒決意不再與威威豬交談，但威威豬再指「你哋都幾好笑，呢個係我威威嘅群組，入嚟同我講尊重其他人，喺呢個群組唱好anal即係等如入印度廟講聖經，自己諗下係邊個唔尊重邊個」。後來更說「好多失敗者敗退」。 「粉絲行為偶像埋單」 不少網民看完影片後，紛紛留言指「與其不斷批評別人抬高自己，不如實實際際做啲嘢得到人哋嘅認同好過啦」、「班人啲問題，第一唔尊重，第二你唔鍾意人可以唔睇唔理，冇必要去侮辱人㗎喎」、「Even唔係講緊Anson Lo，而係講緊其他明星都好唔應該，大家都要俾返啲尊重」。同時也有人質疑「可能係借anson去炒作」。 （全文完） 常見問題： 問：威威豬為何狂罵Anson Lo？答：Anson Lo新歌《King Kong》首播後… 詳情請睇 問：威威豬指阿威除了是豬肉檔職員，還有另一個職業？答：威威豬指：威威除咗係斬豬肉，其實亦係一個業餘Rapper… 詳情請睇 想回顧威威整個爆紅之路，以及其他趣事？即看下列文章！ 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企，淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 阿威接拍首個廣告：👉 荃灣靚仔豬肉檔AK阿威首接廣告 應援團粉絲：佢生硬嘅pose好可愛！ 網民列3點指阿威爆紅有人佈局：👉 荃灣豬肉檔AK連登流出除口罩新相 網民列3點指阿威爆紅有人佈局？ 荃灣豬肉檔威威生日會5大亮點： 👉 荃灣豬肉檔威威生日會5大亮點 薛影儀都係威威豬？阿威大爆被男粉絲熱情摸Pat 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 盤點MIRROR ERROR最新感情狀況 除Frankie外還有哪位成員回復單身？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life