#移民
- News Editor
- 2022年10月20日
緩解移民潮｜施政報告推人才通行證 比較新加坡、英國最新人才簽證 一文看清申請條件、特色
【有線新聞】香港近年出現移民潮，雖然多名政界人士認為港人最終會回流，港澳辦更曾言移民潮說法不恰當，稱香港作為國際城市，人口流動性一直很高，但行政長官李家超昨日發表施政報告，首度透露過去兩年勞動人口流失達14萬，決定推出「高端人才通行證計劃」吸納海外人才。而經常拿來跟香港比較的新加坡，當地早前亦推出類似計劃—「頂級專才准證」（Overseas Networks & Expertise Pass，ONE Pass），吸引不同界別專才移居星洲工作。至於港人熱門移民地點英國亦在今年5月推出「高潛力人士簽證」（High Potential Individual visa，HPI），向頂級學府畢業生打開大門。以下將會整理三大計劃的申請條件，以及簽證特點。 香港：「高端人才通行證」（Top Talent Pass Scheme） 申請條件 過去一年年薪達港幣250萬或以上，或 畢業於百強大學，並在過去五年累積三年或以上工作經驗 特點：事前未獲聘用亦可留港 李家超今早透露，申請者獲批通行證後，毋須獲公司聘用也可留港兩年，人數不設上限。如不符合工作經驗要求，且近五年內畢業的百強大學生亦可申請，惟每年申請人數僅限10,000人。雖未有實際推出日期，但有外界人士認為計劃有誠意，有助本地企業招攬外地人。而中原地產董事局主席施永青則認為門檻過高，對人才吸引力不大。 新加坡「頂級專才准證」（Overseas Networks & Expertise Pass） 新加坡早在8月份亦宣佈推出頂級專才准證（ONE Pass），部分申請條件較寬鬆，亦無指定學歷要求。 申請條件 過去一年或將於新加坡企業賺取固定月薪30,000坡幣（約16.5萬港幣），或 於市值5億美金或年收入2億美金的國際企業累積一年工作經驗或將於同等規模的新加坡企業工作，或 在藝術文化、體育、科技、學術研究方面有卓越成就 特點：可同時任職多家企業 配偶可工作 申請者獲批後可逗留五年，其後每五年續期一次。另外簽證者更可同時經營或任職多家企業，即使轉換工作亦無須再次申請簽證，更享有醫療等福利，而配偶獲批准書後可同在新加坡工作。計劃將於明年1月1日推出，同樣不設人數上限。（計劃網站） 英國「高潛力人士簽證」（High Potential Individual visa） 英國同在今年5月份推出HPI簽證吸納人才，對學府要求更高，只接納海外首50強大學，當中包括兩間香港大學（中大、港大），無須經驗及年薪要求，適合剛畢業高材生。 申請條件 海外首50強大學、最近五年內畢業生 精通英語 須通過安全和犯罪審查 擁至少1,270英鎊（約1.1萬港幣）的資金證明 特點：毋須工作經驗 可自僱、外遊 申請者獲批後可逗留兩年，若擁博士學位或其他博士資格則留三年，惟及後繼續留英須轉用其他簽證。不過優點是可以當自僱人士，更可外遊、做義工，亦可攜合資格的家庭成員一同赴英。（計劃網站） 施政報告｜推人才通行證 李家超否認遜於新加坡 指措施進取、未獲聘亦可留港兩年 施政報告｜初創公司稱降人才來港門檻有助招聘 施永青：住滿7年才可退額外印花稅、吸引力低
- 雪翎
- 2022年08月11日
黃夏蕙｜夏蕙姨8.11移民美國 自揭每年去黃大仙上頭炷香 背後有個洋蔥原因
91歲的黃夏蕙（夏蕙姨）早前在社交平台宣佈，決定今日（8月11）移民到美國與女兒一家團聚，夏蕙姨上機前在Facebook出文指：「大家唔好掛住我，因為我只係一個傳說，傳說總會過去，不要迷戀我」，又向大家交代轉機行程，令一眾網民依依不捨。不過，夏蕙姨早前接受港台訪問時，表示過答應了黃大仙會上香，所以希望明天有機會回港，以「兔女郎」造型上頭炷香。她近日更自爆，每年堅持上頭炷香原因，全因與老友一個「心酸約定」。 夏蕙姨宣佈離港：我會好掛住大家！ 近年香港移民潮不斷，除了多位熟悉的朋友和家人計劃離港外，陪伴港人成長的夏蕙姨於6月10日早上，都在Facebook宣佈8月離港，隨即就再開帖透露確實離港日子是8月11日。夏蕙姨依依不捨地向大家說：「我懷着好唔捨得嘅心情！我要同大家講一句，8月我要走啦！我唔知幾時可以再喺香港同大家見面！我唔知大家會唔會掛住我！此時此刻，我只會同大家講，我無論身處世界某一個角落，我都會好掛住大家！」並多次感謝大家，希望有緣再會。 離港前夕祝福港人身體健康 離港前夕，夏蕙姨在Facebook發文指自己因社運期間表態關心年輕人，而遭廣告商和商會朋友截停9成工作，但仍然不感後悔，夏蕙姨希望「香港社會未來棟樑嘅每一個人」都可以身體健康和生活愉快。至於所以愛她和不愛她的人，夏蕙姨也祝福身體健康、生活愉快、心想事成。 年年堅持上頭炷香 全因一個約定 夏蕙姨被網民封為「頭炷香KOL」，皆因她年年風雨不改到黃大仙上頭炷香，但夏蕙姨原來上香背後是有段感人故事。夏蕙姨接受ViuTV節目《晚吹 – 總有一瓣喺左近》訪問時表示，去黃大仙上頭炷香是個人傳統，因為以前每年年三十，都會相約鄧碧雲、鳳凰女及司徒關佩英一齊上頭炷香，一次，司徒關佩英因為家中有事而不能出席，翌年更不幸離世。 後來，鄧碧雲和鳳凰女都相繼因為各種原因沒有再上頭炷香，現在事隔多年，好友們都紛紛過身，只剩夏蕙姨一個堅持上香。夏蕙姨說：「依家得返我一個，其實我都好驚，我每年都同黃大仙講，叫佢畀我長命啲，等我可以繼續代佢哋（好友）拜，同埋為社會做多啲事，做到佢唔畀我做嗰時，我先唔做囉！」 12生肖造型成網民熱話 夏蕙姨每年都會以不同的生肖造型示人，成為網民熱話，以下即為大家重溫幾個經典打扮！ 豬年造型 虎年造型 狗年造型 猴年造型 牛年造型 雞年造型 大批網民得知夏蕙姨即將離港，都紛紛留言表示：「保重，一路順風平安」、「到美國繼續出post update近況啊」、「多謝你帶比香港人歡樂同祝福」。 （全文完） 推薦閱讀
- JL
- 2022年07月25日
居港日本女生返日後懷念香港5大優點！天氣潮濕竟是好事？不慣日侍應太有禮貌？
移民潮持續，有些人嚮往外國生活，有些人卻熱愛香港。一名移居香港的日本女生，因疫情影響，事隔兩年半最近終於能回鄉。不過，已在香港生活一段長時間的她，在YouTube頻道指出香港5大特點，令她回到日本後特別難適應，並大嘆不習慣。 回國後不慣的5件事 居住在香港的日本女生May，在其YouTube頻道《May in Hong Kong 私の香港生活》中分享，指自己早已習慣香港的生活，直言香港多方面都比日本更方便，令她事隔兩年半後再次回到家鄉日本，大感不慣。她在影片中提到香港5大特點，及回國後不慣的事。 1. 日本服務員太有禮貌 May指，無論在餐廳、藥房和商場，整體而言日本的服務態度都比香港更親切有禮。她指，日本餐廳侍應會細心覆單，甚至會「踎低」去遷就客人坐下的高度；在日本藥房購物，即使詢問一些較為麻煩複雜的問題，店員都仍然不厭其煩，並且面帶笑容地逐一解答。May笑言初回到日本時，為此感到相當不習慣，言下之意就是香港服務員較隨意。 2. 香港天氣潮濕 May第二樣最不習慣就是日本的天氣。因當地天氣較乾燥，濕度較低，導致皮膚又乾又痕。May坦言，雖然香港天氣潮濕，夏天總會汗流浹背，而且十分悶焗會令人感到不適，但亦有好處，皮膚因此可以經常保持在濕潤的狀態，不用每日搽保濕霜。 3. 不能講電話 日本安靜的環境，亦令May感到不習慣。她指，在日本等紅綠燈時不會聽到「Du Du Du Du的聲音」、超市亦較靜，像不能聊天的氣氛等，又謂當地很少會有人在公眾場合講電話，特別在交通工具上，更是不能講電話的。 4. 不慣冇WiFi May指香港隨處都有WiFi，十分方便。但在日本，特別是在並非城市中心的地方，WiFi信號都很差。她更分享，回鄉不久時，家中WiFi突然停了，而WiFi公司又未能即時前來處理，當打算去電訊商商店租借「WiFi蛋」時，卻發現原來沒有這項服務，而職員的表情更是大感疑惑。May最後問了6間電訊公司，惟全部都表示沒有WiFi蛋，令她大嘆「WiFi方面，香港真係太方便！」 5. 交通不便 除了WiFi，May亦指日本的交通不方便。她表示，在香港有小巴、的士、地鐵及巴士等，全部都很方便，幾分鐘便有車。而日本雖然有時間表，但並非幾分鐘一班，而是幾個小時才有一班、甚至一日只有一班車，坦言如果遲到趕不到車，便很麻煩。 （全文完） 常見問題 問：香港天氣潮濕，為何較日本好？答：May指，日本天氣較乾燥，濕度較低，導致皮膚… 👉🏻 詳情按此 問：日本沒有WiFi？答：May指，香港隨處都有WiFi，十分方便，但在日本… 👉🏻 詳情按此 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- PL
- 2022年07月14日
移民英國｜00後港人麥當勞打工1個月 揭行內6大秘聞 英文差完全無問題？
移民英國｜近年有不少香港人打算移民英國，連登討論區有位00後的網民自稱，去年中學畢業後便跟家人到英國居住，趁9月開學前到當地一間麥當勞上班，還自爆6大行內人才知的秘聞，當中有不少都令人意外，最意想不到的是，原來英文差都可以在英國麥當勞返工。 一名自稱中學畢業的連登網民稱，去年便跟家人移居到英國，趁9月開學前到當地麥當地做兼職工作，賺取零用錢。該網民日前在討論區發起你問我答，順便分享他在麥當勞工作的的所見所聞，引起大批網民好奇。《有線生活》綜合樓主的答案，整理出內行人才知的6大秘聞： 英國麥當勞秘聞｜1. 當地M記人工有多少？ 事主指，英國西南部麥當勞的時薪為£9.75（約91港元），如果計算扣除國民保險後大約為£9.3（約87港元）。 英國麥當勞秘聞｜2. 入職要求需要英文好？ 事主指，如果英文水平較差，最難頂崗位相信會是收銀員，尤其是Drive thru（駕車外賣，途中不用下車）需要靠對講機工作的人。事主分享指，第一日返工時受訓過兩、三個鐘，但完全無法應付：「完全搞唔掂，不過佢可能都知我唔得，冇再要過我去做。」 但他指，除了收銀工作，做其他崗位的員工英文水平都無需好好，最基本要求是出餐能正確讀出單號，以及聽得明客人要求：「聽得明要salt定ketchup定紙巾就掂。」 英國麥當勞秘聞｜3. 員工有何福利？ 事主指，上班8小時以上會包一餐員工餐。公司會用計分制（每人每餐預算有4分），Frappe、Wraps同期間限定食物計2分；大部分食物飲品如Burger、汽水、雪糕、咖啡、薯條，則計算1分。 英國麥當勞秘聞｜4. 為何每次等餐要十幾分鐘？ 事主解釋，堂食、外賣、Drive thru同Delivery都排同一條隊，如遇到大單等候需時會較長。他補充，客人大部分時間都是等食物，而飲料通常比較快準備好。 英國麥當勞秘聞｜5. 為何每次外賣麥樂雞都無醬？ 事主指，他任職的分店，會將醬料放入盛載飲品的袋內，但未必所有分店都一樣。他分析指，無醬的原因，有可能是店員太忙漏放，也有是店員之間推卸責任：「砌嘢食以為飲品嗰個負責，飲品嗰個以為嘢食負責。」他提醒，如果用外賣平台叫餐的話，也可嘗試找車手幫忙。 英國麥當勞秘聞｜6. 為何英國麥樂雞完全冇味？ 事主指，英國法例禁止食店採用不少添加劑，因此店內大部分食品，包括醬汁的味道都較香港差一點。 （全文完） 常見問題： 問：為何英國麥樂雞被指完全冇味？答：有可能與英國法例禁止食店採用不少添加劑有關… 詳情請睇 問：英國麥當勞店員入職要求需要英文好？答：未必，要視乎工作崗位… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月22日
移民｜以移民為條件拍拖 港女IG呻男友臨出發反口 網民撐分手：一開始就呃緊你！
移民外國是近年不少人談論的話題，近日有位正打算移民英國的網民在IG「couple.murmur」匿名投稿，大呻自己在拍拖前與已經男友達成共識，將來會到英國結婚生仔，但男友在她準備填寫表格，找搬屋資料時卻反口說想留在香港，令事主不知所措，決定投稿問網民意見，以下為原文節錄： 以移民生仔為拍拖條件 「今年28，同男朋友同齡，我哋係透過婚姻介紹所認識嘅。間介紹所係我家姐同朋友開，初期因為啱啱開業就遇到社運，加上我當時單身，所以如果有啲對象適合我，我都會去食個飯咁。我想要嘅條件係黃，計劃5年內移民英國或澳洲同埋生2個小朋友。我好鍾意小朋友，但香港唔係一個適合生小朋友嘅地方，我甚至覺得香港唔適合人生存，周圍發生嘅事真係令人好抑鬱。咁啱個陣有個男仔提出嘅條件幾乎一樣咁濟，佢希望同女朋友移民英國同埋佢都希望32歲前生兩個或以上小朋友組織家庭。我家姐就比咗啲資料我，一切順利我哋成為咗男女朋友。」 「其實我哋喺香港都可以生小朋友」 「因為我之前係做護士，但唔太開心，所以再讀關於it嘅degree，今年畢業都順利搵到一份可以work form home嘅工作，意思係即使移民都可以返，唔洗擔心移民會失業。男朋友份工都係咁，我哋兩個各有大約80萬儲蓄，經濟上無大問題。按我哋一直計劃，我哋應該會係下年年頭或年中走，咁我就開始做啲實質嘅工作，填表格，睇吓英國租屋同搬屋資料咁。點知有日佢同我講，其實我哋喺香港都可以生小朋友呀，佢呀哥都生咗三個，都無諗過走都生活得好幸福呀。」 「想知咁嘅家庭點叫幸福」 「我真係好驚愕，問佢係咪認真，佢話係。佢呀嫂無業mk妹嚟，佢呀哥收入得萬三，排緊上公屋未上到，依家住啲好細間嘅套房，五個人一間房，三個小朋友訓上格床，佢同老婆訓下格床。三個小朋友要喺間屋生活都唔容易，特別係細仔升咗小學，每次做功課其中一個小朋友要坐係床用枱仔，另外兩個小朋友用飯枱，睇到都「牙煙」。或者有人會話窮可能都生活得好開心，但佢呀嫂都唔太理啲小朋友淨係玩手機煲劇，啲小朋友就喺屋企睇YouTube同Netflix。連個小朋友跌親都唔知，佢個仔打俾我男朋友話媽咪訓覺叫唔醒，想知咁嘅家庭點叫幸福。」 政治因素決心離港 「最大嘅問題係政治，身邊好多護士朋友已經有小朋友，佢哋好多都移咗民，因為佢哋見到19年開始多咗好多人因為社會事件而自殺，好多人因為抑鬱入院。醫院嘅做法就係同個病人講比自己時間休息放鬆下，暫時都係唔好睇新聞啦。究竟我要點教我小朋友？「呀仔，呢幾個字唔可以再講，再講要坐十年監㗎」「我知，我知佢哋係無後果係唔啱，但佢哋有槍。」如果到時候再有社運，我係咪要比個小朋友出去定抑或我要教佢唔好睇新聞？ 咁我將以上嘅想法同佢講，佢同我講佢再諗下。明明我哋一直為移民做好計劃，甚至佢係我畢業寫咗張卡比我話希望我哋後年嘅今日我哋會Tower Bridge唱london bridge is falling down，我以為我哋一直向同一個目標前進，但到依家我再問佢，佢同我講佢唔肯定，佢唔知道佢到底移唔移民。」 偷睇男友電話揭發謊言 「我有日偷睇佢電話，我見到佢同佢呀哥傾計，話「我一開頭以為我會改變到佢嘅諗法」「我一開頭無諗清楚」。依家講起移民嘅嘢佢就會靜咗，但咁根本無可能一齊落去，上個星期我同佢講如果你唔移民，其實我哋可能一齊唔到落去，係愛嘅，但每個人都有自己想要嘅嘢，就係因為唔想經歷咁嘅場面，咁我一開始先會用嚟啲條件揀男朋友，我以為我哋傾好咗。但佢喊得好犀利，又話求下我唔好咁快作決定，唔好分手。其實我都好兩難，佢對我好好，我都好愛佢，於是傾好話佢最遲下年2月要話比我知個決定，因為最遲我下年年尾真係要走。」 「係咪應該長痛不如短痛？」 「依家即使同佢拍拖好開心，佢比好多驚喜我，但開心完又好唔開心，好似佢一話決定好唔移民我哋就會分手咁。覺得佢好自私，佢好似呃咗我咁，依家連想買嘢比佢，都會放返低，會諗或者我哋聽日就分手。成日會諗或者我哋只係一齊多一年，即使依家幸福好似倒數緊咁，成件事好辛苦。大家有無咩提議，其實係咪應該長痛不如短痛？」 網民撐分手 帖文引來大批網名留言，其中大部分都支持事主分手：「如果佢堅持都係唔肯移民嘅話，真係建議你分手會比較好；繼續喺埋一齊摩擦同爭執只會越來越多，無謂浪費自己時間。」、「直接斷吧，老實講由一開始真係講好咗了，所以無拖嘅必要，最後真係移咗幾年後佢又話要返香港，到時先唔知點。」、「根本你男朋友一開始就係呃緊你，諗住一齊左就可以氹到你留低，你咁清楚自己想點，其實都唔洗上嚟問，信自己、忠於自己。」亦有網民提議事主最好移民後再找對象才最實質。 （全文完） 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 張韋怡7歲兒子一週內第二次受校園暴力 IG出文怒訴：今日被拳打肋骨！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life