#簡淑兒
- 大C
- 2022年10月27日
移民英國｜林師傑自爆在港曾有輕生念頭 太太陪移英後變開心：後生唔怕試｜離鄉別井的故事
林師傑（Auston）與太太歐陽巧瑩（Tammy）帶同兩隻愛狗移民英國，是模範寵主。（HOY TV節目《離鄉別井的故事》截圖）
- 大C
- 2022年10月25日
移民英國｜200萬買860呎獨立屋 港情侶諾定咸開Cafe談生意艱難爆喊｜離鄉別井的故事
免費電視77台HOY TV節目《離鄉別井的故事》第11集的故事主角是Yammie和阿晞，兩人由中學時代起到英國留學，最後更選擇定居英國，並於諾定咸（Nottingham）開Cafe追夢。不過，萬事起頭難，他們接受節目主持簡淑兒（Jessica）訪問時，講到生意艱難及家人支持，Yammie忍不住爆喊。 200萬買860呎獨立屋 大部份香港人居住環境狹窄，去到外國自然想「住大啲」。Yammie和阿晞之所以選擇定居諾定咸的Arnold區，正因為看中當地的獨立屋，招呼親友玩都可以更盡情，不怕騷擾到鄰居。Yammie表示，單位約80平方米，即約860平方呎，樓價約200萬。阿晞表示，單位裝修都是他們親力親為，盡量節省開支，花了約1萬英鎊，即約9萬港元。 開Cafe辛苦追夢 阿晞16歲到英國，大學修讀市場學；Yammie則17歲到英國，修得建築學碩士學位。不過，Yammie表示，曾經寄出過逾200封求職信，但大部份都沒有回音，最終兩人決定追夢開Cafe，希望可以將亞洲美食帶到英國。 不過，創業絕不容易，阿晞表示，Cafe早上11時開門，他們10時便要開始備貨，因此9時便要起床，工作一整天到晚上10時餐廳關門，但他們仍要清潔，所以要11時半才回到家。開業時Cafe水準不穩定，兩人默默改進，例如要調較出一杯港式奶茶，兩人便請教了不少香港人，做到茶餐廳風味。 生意差每日100鎊營業額 除了付出努力，資金更是不可或缺。名為「幸福駅」的Cafe開業成本20萬元，來自兩人積蓄加上家人財政支持。Yammie表示，店舖租金已比市價略低，全因業主是香港人，「佢以前都喺度讀書，好照顧我哋」。然而，儘管成本已降低，但英國稅率高，Cafe經營不易，Yammie表示，初期周末試過營業額達到1,600英鎊，平日則介乎100至300鎊，到拍攝前一段時間生意非常差，每天僅得100英鎊營業額。 說著說著，Yammie忍不住爆喊，不單因為生意經營不易，也因家人一直支持，令她既感恩也感到壓力，「佢哋（父母）會問我嘅，『得唔得，你交唔交到租？』但我就算交唔到都唔會同佢哋講交唔到……佢哋已經好多嘢俾晒我。」 【看更多移英港人故事】👉 90後女編劇患癌 男友棄高薪陪移民英國養病超感人👉 棄中學教師職移民英國 港男110萬買500呎樓：香港只買到廁所👉 有機農夫移英種香港菜回饋社區 「唔想俾人話我哋嚟搶福利」 兩人一方面要在英國奮鬥，另一方面因為疫情封關，已接近3年沒有回港，阿晞表示：「一定好掛住（家人）嘅，亦都有屋企人今年都走咗（離世），又返唔到去見最後一面，其實係一個遺憾嚟。」Yammie亦表示非常想念家人，感恩有他們一直支持。有關Yammie和阿晞在英國生活的故事，他們有甚麼話想對香港家人說，可於網上重溫《離鄉別井的故事》第11集及12集。 免費電視77台《離鄉別井的故事》 播出日期：逢星期一至五 播出時間：晚上9時 （全文完） 推薦閱讀
- 大C
- 2022年10月21日
移民英國｜有機農夫移英種香港菜回饋社區 「唔想俾人話我哋嚟搶福利」｜離鄉別井的故事
有人認為移民要有充份準備，但經營有機農場的阿Wing，則是在往英國的飛機上才下決定，落機後要在英國繼續他的「耕田夢」。《離鄉別井的故事》第10集的故事主角阿Wing，在香港經營有機農場12年的他，原本既能實踐抱負，又有可觀收入，他接受節目主持簡淑兒（Jessica）訪問時透露，自己到上飛機一刻才發覺，原來真的要離開香港，而到了英國後他一直努力融入社區，究竟Wing的心態是如何轉變？即睇下文！ 飛機上決定繼續耕田夢 Wing在香港經營有機農場12年，既有一班支持者和熟客，也有可觀收入。2020年決定移民英國，他表示主要是太太安排，笑說當時曾想過，只要未上飛機，仍然有轉機，而且對於英國環境陌生，因此沒計劃在英國繼續務農，直至登機後才感覺到真的要離開香港。Wing表示，在往英國飛機上收看電視節目，重溫到自己接受訪問的片段，才激發起在英國繼續務農的想法。 【更多移民英國故事】👉棄中學教師職移民英國 港男110萬買500呎樓：香港只買到廁所 憑種植融入社區 「香港人喺世界各地，只要你係認真地、努力地生活，你都可以有個好嘅生活環境。」Wing表示，相信只要認真耕耘，便可得到認同。他和家人落腳在倫敦西南部的小市鎮新莫爾登（New Malden），將後花園化為菜田，一邊種植，一邊努力融入社區。既會將收成帶到市集發售，也向當地議會等政府及民間機構，申請公共地方花圃種菜，用作回饋社區鄰里，以及做義工維護、綠化環境，及舉辦工作坊，「種植出嚟嘅香港菜，我哋分享返俾社區，等佢哋食到我哋香港人嘅作物，例如菜心……」 【看更多移英港人故事】👉 90後女編劇患癌 男友棄高薪陪移民英國養病超感人 盼香港人身份獲接納 要重新適應新環境，不少人都覺得很困難和沮喪，Wing就認為是心態問題，他說：「例如你做超市收銀，你覺得『我唔鍾意呢啲嘢』，咁你自然會做得好辛苦，但你覺得超市每日都有唔同嘅人過嚟，俾你接觸到，你覺得『呢個係令到我好快融入社會嘅渠道喎』。」Wing認為轉變心態是適應關鍵，「去到每一個地方，你都可以有新睇法」，而他一直努力融入社區，還有一個原因： 「嚟到英國，我喺度開展新生活，我唔想成為一家嘅負擔，唔想我嚟到呢度係分薄咗大家資源，你香港人嚟到呢邊搶咗我哋嘅工作機會，搶咗我哋嘅福利，我唔想有呢種負面感覺俾大家。」 「所以我過到嚟好積極去希望做吓義工，可以服務大家，亦都好想將香港人一個榜樣做好，令到將來香港人呢個身份喺英國更加被接納，咁如果往後會有其他香港人嚟到，會有好啲或者平坦啲道路可以行。」 對於Wing的努力，新莫爾登居民以及其他在地港人有甚麼評價呢？Ｗing在訪問中提到家人關係時還感觸落淚，有關Wing的詳細訪問內容，請留意免費電視77台10月21日晚上9時播出的《離鄉別井的故事》，或於節目播出後，到網上重溫👉《離鄉別井的故事》第10集。 免費電視77台《離鄉別井的故事》 播出日期：逢星期一至五 播出時間：晚上9時 （全文完） 推薦閱讀
- 大C
- 2022年10月13日
移民英國｜棄中學教師職移英 港男110萬買500呎樓：香港只買到廁所｜離鄉別井的故事
於香港任職中學教師的Roby去年移民英國，到不少香港人選擇落腳的曼徹斯特（Manchester）。最近他接受免費電視節目《離鄉別井的故事》主持簡淑兒（Jessica）訪問，透露自己當年未出發、先買樓，110萬買下近市中心的500呎單位，形容「香港應該只係買到廁所！」Roby又提到離開香港的原因，以及在英國的生活情況，即睇下文！ 【去韓國玩】👉韓國首爾親子酒店10間推介 2分鐘到弘大站＋有廚房＋室內嬉水池🤩 遙距買樓一度擔心是騙局 Roby原是中學教師，任教經濟科，一年多前辭去穩定又高薪的職業，決心移民英國，「好多人問我點解揀曼徹斯特，我都會答佢我鍾意曼聯！」Roby形容「自己係一個好憎搬屋嘅人」，加上曼市樓價相對倫敦便宜，因此一早便決定買樓而不是租住。2021年3月獲批簽證後，Roby即時「做功課」，希望在7、8月出發前，買心水單位。現在回想起來，他笑說當時會覺得「唔係好實在」，他說：「當時會幻想會唔會係一個局嚟，會唔會嚟到佢又扮埋地產經紀又扮埋律師，搞一大輪其實係冇呢個單位存在嘅，會有呢啲胡思亂想。」 【日本開關】👉 東京6間$400以下酒店！按摩浴池＋3分鐘到JR山手線 新宿、新橋都有🤩 放棄教職嘗試創業 結果Roby當然沒有被騙，而是以110萬港元買下約500呎單位，一房一廳，主持簡淑兒都大讚闊落又舒適，Roby更笑說，同樣價錢「香港應該只係買到廁所」。Roby所選地點走路到市中心只需半小時，到愛隊所在的奧脫福球場更只需20分鐘路程，他形容當地有多個住宅項目動工，非常有潛力。 有了遙距買樓的經驗，Roby體會到移民港人物色單位時的徬徨和困難，「要有人幫喺當地睇樓同跟進過程，言語相通會清楚啲」，因此他註冊公司，替移英港人擔任中介橋樑角色。被簡淑兒問到有沒有想過到英國繼續教書，Roby表示曾了解過，如要到英國任教，需要花2萬英鎊修讀英國教育學碩士證書，就算之後覓得教職，也要從新教師做起，但英國教師薪酬遠不如香港，因此打消念頭。 【看更多移英港人故事】👉 90後女編劇患癌 男友棄高薪陪移民英國養病超感人 移民原因：香港生活不開心 放棄穩定又高薪職業，去到陌生城市居住，Roby表示，原因是在香港生活不開心。一方面是過去兩年香港大環境因素，另一方面是因為離婚，「想試下擺低晒以前，無論係同前妻嘅嘢，以前喺香港發生嘅嘢。」來到英國初時，Roby表示有情緒低落時候，「特別英國冬天好難捱，又早天黑，天氣又差」，後來多與朋友聚會和結伴出遊，便會有開心的時候。 當然唔會好假咁話俾你聽，嚟到英國一定好開心，絕對唔會，如果有香港朋友想過嚟，亦都唔好抱呢個好假嘅期望，嚟到一個新地方一定有好多挑戰好多困難，就睇你點克服同點調整自己嘅心態。 Roby Roby記得當年母親曾問他：「咁你去到英國你覺得你會唔會開心？」Roby當時回答：「我好誠實咁答佢，其實我喺香港都唔開心。」簡淑兒問他現在開心嗎？他笑說：「一半一半啦！」Roby又提到：「有時都會問自己：『我喺呢邊咁辛苦其實為啲咩呢？』有時係會有啲負面情緒彈出嚟。」而移民英國最大遺憾是無法陪伴父母身邊，未能為父母盡一份孝心，有關Roby移居英國的詳細故事👉 可以到網上重溫《離鄉別井的故事》。 免費電視77台《離鄉別井的故事》 播出日期：逢星期一至五 播出時間：晚上9時 （全文完） 推薦閱讀
- 大C
- 2022年10月12日
移民英國｜90後女編劇患癌 男友棄高薪陪移英養病超感人｜離鄉別井的故事
曾任職電視台編劇的90後女生Heidi，2年前不幸確診癌症，加上工作壓力，又患上焦慮症，更一度質疑男友Chris的心意。結果Chris與Heidi手牽手克服重重考驗，更毅然移民英國，最近他們接受免費電視節目《離鄉別井的故事》主持簡淑兒訪問，談到當年患病時會否擔心拖累男友，Heidi激動落淚說：「有諗過佢屋企人係咪介意，佢又咁後生，會唔會想佢搵一個更加後生更加健康女仔。」 英國生活不方便？ Chris與Heidi於2020年移居英國，曾住過倫敦周邊，近半年搬到諾定咸（Nottingham）。這裡生活節奏比起香港慢得多，兩人喜歡這裡城市氣氛有活動、夠年輕，更重要的是有Heidi來到英國認識的一位好友Nigel大力推介，兩人有合作經營YouTube頻道，因此住在同一社區就更方便。 講到英國生活的不習慣，Chris與Heidi和大部份移英香港人都有類似體驗，Chris笑說：「你唔會搵到24小時嘅便利店……初初嚟有小小（唔慣），因為可能半夜三更想買零食，就一定唔會有選擇。」Heidi則表示：「以前喺香港好容易就會嗌到10個8個一齊出嚟玩、打邊爐，呢度可能得一兩個朋友。」 有了多次搬屋經驗，兩人也學會很多事要靠自己，Chris表示，曾試過家中「塞渠」，千辛萬苦找了一位師傅上門通渠，對方卻只是倒了一支通渠水，收費70英鎊，即約610港元，之後他便自己到超市買通渠水「自救」，只需3英鎊。 生活成本方面，兩人都表示電費非常貴，即使現時沒有開暖氣，每月平均電費都要150鎊，即約1300港元，因此會盡量減少使用電器。不過，也有不少日用品比香港便宜，例如一大隻無激素雞只需3鎊，即不需30港元，一包止痛藥同樣也只需3鎊。 【日本開關】👉 東京親子酒店10間推介 1分鐘到JR／小童免費住／Hello Kitty、哥斯拉主題🤩 曾憂拖累男友 來到英國的種種不便，對於經歷過重重考驗的兩人來說，只不過是生活小瑣事。Heidi接受簡淑兒訪問時表示，兩年前在香港與Chris拍拖時，彼此都忙於工作，一直存在很多誤會，例如自己確診乳癌，Chris都似乎漠不關心，Heidi要自己見醫生面對惡耗，也不敢告訴家人，「Chris見到我光頭先有我真係病咗嘅感覺」。 Chris也表示自己曾反省：「如果我連對女朋友都咁冷血嘅時候，咁我真係一個唔係咁好嘅伴……喺個刻我先意識我，其實我真係好鍾意呢個女仔。」Chris之後每次都陪Heidi化療，又會請假陪她行山養病。Heidi也表示，Chris的父母給予她很大支持，令她非常感動。 被簡淑兒問到有否想過會拖累男友時，她哭着說：「除咗諗佢，諗埋佢屋企人，因為知道佢爸爸媽媽都好想要小朋友，但我呢個病係食咗藥未必會有小朋友……有諗過佢屋企人係咪介意，佢又咁後生，會唔會想佢搵一個更加後生更加健康女仔。」 【去韓國玩】👉 5間首爾2022新開酒店，超近明洞、弘大之餘，房內更設私人泳池🤩 移居英國更了解彼此 Heidi受到乳癌和焦慮症困擾其間，有Chris陪伴著克服，當病情好轉，兩人認識到要活在當下，毅然決定移居英國，讓Heidi身心可以靜養。為此Chris放棄了外匯分析員的高薪厚職，Heidi則離開7年的編劇生涯，由決定到落實，只花了一個月。 到了英國後，Heidi形容兩人不再似香港時工作忙碌，有更多時「諗嘢」，兩人雖拍拖多年，但原來彼此有很多誤解，都在英國的「慢活」節奏下經過分享和磨合。Heidi和Chris表示，雖然已移英兩年，但仍在體驗階段，「有機會未必成個人生停留在諾定咸或英國」。 被問到有沒有後悔移英，Heidi表示沒有，但對家人卻有愧疚，有關Heidi和Chris移居英國的詳細故事👉 可以到網上重溫《離鄉別井的故事》第1、2、3集。 免費電視77台《離鄉別井的故事》 播出日期：逢星期一至五 播出時間：晚上9時 （全文完） 推薦閱讀