#網民熱話
- JL
- 2022年05月27日
唔止荃灣豬肉檔AK！網民捕獲兩餸飯Ali 少女極速被起底靚樣曝光
繼「荃灣豬肉檔AK」阿威、魚檔小鮮肉「賣魚MC」爆紅後，近日又有網民在一間兩餸飯店舖捕獲到一名靚女，有人大讚她似藝人李佳芯（Ali），封她為「兩餸飯Ali」。「兩餸飯Ali」被網民極速起底，不但令其靚樣曝光，更引來事主爆笑回應。 網民捕獲「兩餸飯Ali」 網民早前發掘了多位靚市靚仔，今次終於有靚女！有網民在網上討論區發帖，貼出兩張照片，並表示「呢間一定係全港最佳兩餸飯」。相中可見，一名年輕女子，束起頭髮、身穿貼身上衣，正在兩餸飯店舖添餸，引起大批網民迴響，更有不少人留言表示該店員似李佳芯（Ali），並表示「想即刻去幫襯」。 「兩餸飯Ali」現身爆笑回應 「兩餸飯Ali」被網民極速起底，她在社交平台回應：「唔係成日返鋪頭，但係竟然都比人影到。」又表示自己唔係靚女，認為網民將自己與Ali相比，實在誇大了，更搞笑地指自己：「戴口罩梗係好睇啦，除咗口罩就變莫文蔚。」 魚檔小鮮肉自認平凡 除了「兩餸飯Ali」，近日同樣被瘋傳的魚檔小鮮肉「賣魚MC」，皮膚白皙，一頭俐落短髮，亦非常受網民歡迎。惟他日前被傳媒追訪時，則表示自己只是平凡人，拒當明星，非常低調謙卑。 自從「荃灣豬肉檔AK」阿威爆紅後，不少市民現在去街市，都金睛火眼留意一下有無靚仔店員。早前有多名街坊「報料」各區街市都有靚仔，唔止賣豬肉，連賣菜、海鮮檔等都有！ 👉 海鮮檔小鮮肉似陳柏宇？網民激讚：靚仔過荃灣豬肉檔AK！ 👉全港18區街坊發掘街市靚仔 唔止荃灣豬肉佬 賣菜賣魚都有！ （全文完） 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 大C
- 2022年05月27日
好人好事｜孫仔生日想食酸辣米線 婆婆僅得20元發愁 地盤佬一個舉動惹哭網民
香港人向來有人情味！最近有網民於facebook分享一個發生在米線店感人故事，一名婆婆想請生日的孫仔食他最喜歡淨酸辣米線卻不夠錢，結果同為食客的地盤工仗義埋單，請兩婆孫食過橋酸辣米線。有關帖文吸引2.6萬網民讚好，有人留言：「睇到眼濕濕。」 網民慕容超日前在facebook香港米線關注組發文，講述這個感人故事。他說當時目擊一位老婆婆與約十歲小朋友到進入米線店，「個小朋友一入到嚟已經好雀躍好開心」。婆婆問孫仔今日生日想食甚麼米線，孫仔回答酸辣米線。 婆婆身上只得20元 婆婆於是想點一碗「淨酸辣米線」，但職員卻指淨米線不能轉湯底，婆婆說：「唔該你呀，我孫仔好鐘意食呢度嘅酸辣湯……俾一次呀，我得20蚊喺身咋。」此時一名地盤佬食客上前說：「幫佢叫一碗過橋酸辣米線，我幫佢埋單。」目擊事件的網民形容「（佢）之後輕鬆瀟灑咁走咗」。 該網民表示：「喺好多人眼中一個唾手可得嘅米線，突然變得咁奢侈。」他續稱：「係一間米線鋪原來除咗食到酸味麻味辣味，仲食到苦澀味同人情味。」 2.6萬網民讚好 不少網民都被故事感動，大讚地盤佬是「地盤真漢子」、「好MAN」、「型棍」，亦有網民表示「睇到眼濕濕」，指香港基層生活艱難，對故事「難過亦好感動」。另外有網民留言質疑「作故仔」，然而網民回應指即使是虛構故事，也同樣令人感動。 （全文完） 推薦閱讀： 連登網民憶20年前母親送冷衫到學校 今母親患癌自己送褸到醫院 網民感動到喊 移民｜以移民為條件拍拖 港女IG呻男友臨出發反口 網民撐分手：一開始就呃緊你！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月26日
智商排名｜全球104個地區香港人IQ第6 日本第2 冠軍竟是它！
香港人其實真係幾醒目！芬蘭智力測試機構「Worldwide IQ Test」，進行了一項全球智商測試，公佈了104個國家地區的IQ排名，香港人排第6，IQ平均有110.82，高於全球平均數100.47。而第一位連當地人也感到意外，反問「我們有這麼聰明嗎？」 全球排行榜Top 10 「Worldwide IQ Test」網站公佈了2022年全球104個國家地區的智商測試的最新數據，列出全球平均智商為100.47，以下為頭10位的排名： 【10】芬蘭平 — 平均IQ：108.92 【9】越南 — 平均IQ：109.22 【8】 意大利 — 平均IQ：110.68 【7】塞爾維亞 — 平均IQ：110.69 【6】香港 — 平均IQ：110.82 【5】伊朗 — 平均IQ：111.05 【4】南韓 — 平均IQ：111.32 【3】匈牙利 — 平均IQ：111.67 【2】日本 — 平均IQ：112.67 【1】台灣 — 平均IQ：115.14 香港排名第6 在104個國家地區中，香港排名第6，稱得上是名列前茅。而第1位為台灣，當地網民亦對此感到驚訝。而「Worldwide IQ Test」貼表示，台灣參與研究的人數相對較少，因此有機會造成較大的誤差。而排名第2的日本，則有較多人參與研究，結果更為可信。 亞洲排名高過歐美 另外，從數據可見，整體而言，亞洲地區排名相比歐美高，頭5名中，亞洲地區已佔了4名。而其他大熱地區，例如法國、澳洲、英國及美國，則分別排第44、56、64及76，平均IQ為100.43、98.62、97.85及96.58，都比研究得出的全球平均數100.47低。而在排行榜中排名最後的為非洲西南部的國家安哥拉，平均IQ只有89.98。 資料來源：「Worldwide IQ Test」 （全文完） 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月25日
荃灣豬肉檔AK連登流出除口罩新相 網民列3點指阿威爆紅有人佈局？
「荃灣豬肉檔AK」阿威人氣急升，既已接job賣廣告，又新設YouTube頻道。不過人紅是非多，網上流傳阿威走紅是某街市大集團佈局，本文將整理網民3個論點。此外，連登討論區有網民貼出3張疑似阿威沒戴口罩照片，形容「個豬肉威除左罩之後都幾一般下」。 【網民論點1】阿威豬肉檔由建華集團所擁有 有網民指出，阿威工作的豬肉檔來自建華集團，據維基講，是香港最大豬肉零售商。據傳建華已聘請阿威成為「包薪」員工，所有廣告和工作建華都會抽成，亦會派公司的區域經理「文哥」負責接洽阿威的採訪。建華過去經營手法有不少負面報道，網民甚至估計建華捧紅阿威目的之一是「洗底」。 【網民論點2】巧妙安排造勢出道 阿威除了在Facebook擁有過萬粉絲的「荃灣鮮肉威威應援團」外，還在5月19日於YouTube、Facebook、Instagram等社交平台開設官方帳號，還同時播出預告影片，剪片手法專業。由應援團忽然出現聚集粉絲谷人氣，到同步經營多個社交平台及預先製作短片，網民認為，阿威一個不懂內容創作、不懂娛樂圈的素人，沒可能短時間內做到如此安排，背後必有一個公關團隊。 【網民論點3】出道影片製作專業 阿威在自己的帳戶自我介紹寫上「熱愛下廚，分享生活」，並列明自己的工作邀約聯絡方法。另外，他的第一條影片就以「我嘅官方平台正式出世啦！第一次拍片！有啲緊張，希望大家唔好介意！ 以後多多支持！」作開首，令網民及陳志雲都質疑背後由專業團隊操作，並非個人隨便拍攝。 連登有新照流出 正當網民紛紛懷疑阿威走紅背後有人佈局時，連登討論區上網民「施丹覓腸請飲茶」以標題「個豬肉威除左罩之後都幾一般下…」發文，貼出3幅阿威沒戴口罩新照片，引來不少連登仔留言，有人表示「根本就係新界牛屎樣」、「成個mk送貨佬咁嘅樣」。比較正面的留言有「不過執下就會靚仔啦」、「戴口罩、gel返靚個頭至OK」。 （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企，淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 阿威接拍首個廣告：👉 荃灣靚仔豬肉檔AK阿威首接廣告 應援團粉絲：佢生硬嘅pose好可愛！ 推薦閱讀： 荃灣豬肉檔阿威爆紅背後有人造勢？ 3位隱世靚女店員成名過程及近況 海鮮檔小鮮肉似陳柏宇？網民激讚：靚仔過荃灣豬肉檔AK！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月25日
荃灣豬肉檔阿威爆紅背後有人造勢？ 3位隱世靚女店員成名過程及近況
最近成為全城熱話的「荃灣豬肉檔AK」劉宋威（阿威），早前因為被街坊上載合照到Facebook群組而火速爆紅。但近日有網民指出事件背後疑似有集團幫手造勢，皆因阿威的出道影片被發現有幕後工作人員負責。其實除了阿威外，過去幾年都曾經有3位隱世靚女店員都被懷疑透過此途徑進入演藝圈，下文為大家回顧事件及3人近況。 回顧3位隱世靚女店員 除了阿威外，在過去幾年都有不少女生被意外發現，然後爆紅，其中包括2017年的惠康女收銀、KFC女經理、2021年的九巴女車長，而當中亦有網民懷疑背後是有人造勢，為她們進入演藝圈鋪路。不過說到對為人熟悉的就有鄧月平、羅拉，和李美琪。 【1】鄧月平 鄧月平在2016年因為在銅鑼灣一間食店做侍應，而被網民偷拍上載到高登討論區，隨即引起大批會員留意而極速爆紅，當時網民還稱她作「巨胸翠如」。同年鄧月平便參加了ViuTV節目《美選D.n.A》，被人質疑背後有團隊刻意經營。 現時鄧月平不但進軍了演藝圈，除了拍攝ViuTV及奇妙電視的節目外，還在電影中擔任重要角色，例如《墮胎師》的壞腦肥妹仔。 【2】朱芊佩 有「港版羅拉」之稱的送貨員朱芊佩，在2017年因為被網民拍下其工作照片而爆紅。當時多間媒體公司，甚至《東張西望》都對朱芊佩進行了採訪，又封她為「港版羅拉」、「運輸界羅拉」或「最美搬運工人」等，令她得到不少拍廣告機會。後來朱芊佩更北上發展，到大陸拍攝節目《送一百位女孩回家2》和《新相親大會》，不過拍攝完成後，朱芊佩就沒有出現在幕前。 不過有不少網民都報料指，見到朱芊佩正繼續從事送貨工作，並經常會在各區出沒，所以不難見到她。 【3】李亦喬（原名：李美琪） 李美琪在2015年憑元朗牛雜檔太子女身份而參加《2015年度香港小姐競選》，雖然其後落選，但仍然成功谷起人氣，進軍演藝圈，在微電影《紙說愛》中擔任女主角。 後來李美琪又參加了ViuTV的《美選D.n.A》，雖然仍然落選，但她成功以特約演員身份參與ViuTV及無綫電視劇集，包括《黑市 — 嚇親萬理通》、《愛·回家之開心速遞》、《換命真相》等。在2019年，李美琪已改名為李亦喬。 （全文完） 推薦閱讀： 《聲生不息》｜炎明熹母為女獻唱《月光光》 劉惜君曝合唱《念親恩》原因超感人 《聲生不息》曾比特紅遍中港 盤點5件你要知的事 成功入行全因郭偉亮 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 大C
- 2022年05月24日
kkplus｜男童挨跌公仔賠3萬 母企凱知樂國際道歉並全額退款
一名男童5月22日在朗豪坊玩具店kkplus「挨跌」標價5萬多元的天線得得B公仔，最後父母賠償3萬多元，事件23日晚在網上曝光，網民質疑店方無妥善擺放物品責任更大。男童父親事後接受訪問時形容兒子當時好驚，而kkplus原發聲明撇清責任，其後已刪除聲明，母企凱知樂國際5月24日下午就事件道歉，並稱已全數退回賠償。 關於男童挨跌天線得得B事件經過，以及父母應否賠償3萬元，網民和律師意見 👉 兒子整跌天線得得B母賠3萬 大律師陸偉雄：10歲以下無法律責任 kkplus深夜曾發聲明，指事件已徹底解決，又稱是對方主動提出賠償，結果為事件火上加油 👉 kkplus｜幼童挨跌天線得得B賠3萬惹議 玩具店發聲明網民列6點反駁 kkplus改口認有責任 原本發聲明指有人散播謠言、誤導視聽的kkplus，其位於朗豪坊門市早上已有傳媒等候，中午開門時店舖負責人呂先生接受訪問，語氣溫和地表示：「今次呢件事大家都唔想嘅……我哋都有責任嘅，需要有嘢圍住，會跟進返。」他續稱會檢討流程和為員工提供培訓，現已收起1米高以上大型物品，確保為消費者提供安全購物環境，又指公司高層已接觸事主跟進。 母企道歉 至下午kkplus母企凱知樂國際向傳媒表示，對事主一家帶來不便致萬二分歉意，亦向關注事件的客人帶來不便致歉。該公司又表示已立刻作出內部跟進，並聯絡事主家庭，慰問小朋友及其家人，又稱已全額退款。該公司又表示十分重視大家建議，會作出改善避免同類事件再次發生。 父稱兒子好驚 至於男童父親接受傳媒訪問時就形容兒子好驚，「見到我個仔（當時）僵晒、好驚，完全冇動作，耷低頭望住個公仔」。他解釋當時賠償是由於「我淨係心諗快啲離開算數，跟住我話開張單嚟，埋單走」。 男童父親表示，當時店員指兒子「踢咗佢（公仔）一腳」，才令他以為是兒子踢跌公仔，直至有閉路電視短片流出，才知兒子只是不小心「挨跌」公仔，他說：「咁大件嘢而係挨一挨就會跌，係咪應該搵嘢圍住佢呢？」他又稱5歲大的兒子三度問：「點解個公仔咁恐怖嘅？」今天已請假沒上學。 （全文完） 推薦閱讀： 防癌｜美國癌症研究所認證 8種食物有助防癌 食堅果都得？ 猴痘6大症狀 患者青年為主 生殖器官有破損 可經性接觸傳播 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月24日
kkplus｜男童挨跌天線得得B賠3萬惹議 玩具店發聲明網民列6點反駁
旺角朗豪坊玩具店kkplus，一隻大型擺設公仔天線得得B，遭幼童不慎挨跌，家長賠償逾3萬元，引起全城熱議。kkplus於今日（24日）凌晨發出澄清聲明，當中提到：是事主主動提出賠償、強調沒有收取多於該貨品的售價等，結果引來公關災難，一眾網民不但唔收貨連番炮轟，更有人逐點反駁，而kkplus今早已將有關聲明刪除。 玩具店kkplus在Facebook指，為免有人散播謠言，誤導視聽，遂發出澄清聲明。該店表示，事發後已即時處理，並在雙方同意下徹底解決，而處理方法是由事主主動提出。 此外，有關擺設的售價，kkplus指：「該大型擺設為首版印刷之原型品，官方預售價格為52,800元，原型品之成本涉及多方面的費用，包括版權及設計、研發及打造模具、擺設的加固包裝費及運輸費等。而該擺設僅作觀賞之用，並沒有承受壓力的韌性。其同款產品之25cm版本為1180元，並沒有收取多於該貨品之售價。」 kkplus續指，該擺設從去年11月開始已於現位置展示，「期間並沒有為客人帶來任何不便」，將會重新審視所有擺設的展示安全。又指事件至今已為雙方帶來不必要之輿論壓力，將主動聯絡事主跟進事件。 不過，大批網民對於kkplus的回應表示不滿，認為「睇完仲火滾」，又指kkplus的聲明不但無助平息事件，反而造成「公關災難」。網民留言炮轟：「簡直就係火上添油」、「幾時出埋結業聲明？」、「真係好肉酸」，亦有不少人表示以後不會再去該店，甚至揚言「連朗豪坊都唔會再去」。另外，又有網民貼出照片，指以前展出該擺設時，有加上圍欄，質疑為何突然移走保護措施。 此外，更有網民就此提出6大反駁： 1. 出事發後kkplus的社交平台仍一直更新宣傳，更就該事發佈IG Story「抽水」，引起迴響後才刪帖，並選擇凌晨一點才回應，即是早已對醜聞知情，卻一直避而不談。 2. 該聲明寫道「散播謠言，誤導視聽」，等同指責所有曾經留言鬧過該公司的人，亦即是大部份網民，火上加油。認為出聲明的目的是為了挽救公司形象，態度則應謙虛一點。 3. 因涉事家長是賠錢後看到閉路電視片段，才感覺被欺瞞。即是他們認為當時是在不知情下被誤導，才同意賠錢。因此kkplus在聲明中寫道「雙方同意下徹底解決」是沒有意義。 4. kkplus當然需要解釋公仔的定價，但在聲明寫道「該擺設僅作觀賞用途，並沒有承受壓力的靭性」，是於事無補。因大家都知道公仔是用來觀賞，質疑的是「既然知道公仔易損，為何不作保護」，kkplus未有就此解釋，只強調公仔很脆弱，有什麼意義？ 5. 聲明寫道「期間沒有為客人帶來任何不便」，有否造成「不便」是非常籠統的概念，應由客人主觀認定，店舖無法知道，這樣說顯得店舖非常自大，認為店舖最多只能表示「沒有發生過類似意外」、「沒有收到客人投訴」等。 6. 聲明最後指「在此呼籲各位市民，為事主的隱私，避免轉發含有個人資料的任何訊息」，認為kkplus應「分清楚莊閒」，對方不需要由kkplus代言。 kkplus其後於今日（5月24日）早上約11時，刪除了Facebook上的聲明帖文，至截稿前未有最新回應。 （全文完） 相關文章： 兒子整跌天線得得B母賠3萬 大律師陸偉雄：10歲以下無法律責任 kkplus｜男童挨跌公仔賠３萬 母企凱知樂國際向事一家道歉並全額退款 推薦閱讀： 海鮮檔小鮮肉似陳柏宇？網民激讚：靚仔過荃灣豬肉檔AK！ 《尋人記2》｜投訴王安仔5大威水史！揚言林鄭、彭定康都識佢？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月24日
kkplus｜男童挨跌天線得得B母賠3萬 大律師陸偉雄：10歲以下無法律責任
昨日（5月23日）一名5歲幼童在旺角朗豪坊玩具店kkplus，因為弄跌大型天線得得B公仔，而被店方要求家長賠償。但隨著事發當刻的「天眼」片段曝光，令幼童家長及一眾網民質疑事件到底誰對誰錯，而大律師陸偉雄就表示，10歲以下小朋友並無法律責任，家長毋需賠償。另外，林作亦出post抽水，卻被網民鬧爆。 小朋友「挨」跌天線得得B公仔 該隻1.8米高的天線得得B「Laa-Laa」公仔標價為52,800元，幼童母親在FB出文指「突然聽到好大聲，轉身個公仔爆哂頭，個員工第一句就話我個仔踢個公仔」，但她與老公當即已接受事實，願意作出賠償。kkplus隨即開了收據給幼童家長，可見公仔折實後一共需要賠33,600元。 「天眼」片段曝光 其後，幼童家長收到事發當刻的「天眼」片段，從片中可見，小朋友並沒有如店員所講「踢」向天線得得B公仔，小朋友只是背向「挨」住公仔，然後公仔便跌低爆開。母親指「我都係收到人哋send條片先知我鬧錯個仔」，更質疑店家為甚麼「咁貴嘅公仔冇鎖住完全冇嘢圍住」，有感對方是詐騙。 大律師：10歲以下無法律責任 陸偉雄大律師就此事回應傳媒時解釋，10歲以下幼童本身毋須承擔刑事或民事責任，賠償與否是由家長及店方商討，但如果家長在賠償後證實店方在陳述過程時與事實有異，就可能涉及「欺詐誤導」，家長可向小額錢債審裁處討回賠償。 陸偉雄續指店方明顯未有採取任何措施及警告指示去保護公仔，因此店方責無旁貸，需要分擔責任，而且亦必須提出證明，去證實公仔價格及有沒有購買保險。他提醒市民如果遇上同類事件，可以與店方交換聯絡方法，或報警處理。 而陸偉雄向《有線生活》編輯補充，在民事上，案件需取決於小朋友是否具有承擔責任的心理質素，除此之外，家長亦有責任注意自己有沒有對小朋友疏忽照顧，或採取適當的監管，以免小朋友對任何人或事做成傷害。 林作IG FB抽水被網民鬧爆：抽少啲水啦 每逢有大事發生都會出來「抽水」的林作，馬上在IG和FB發文稱涉事家長「剛剛聯絡了我諮詢是否應該賠錢」，他本人就立即借機推銷保險，回應說「如果當年你有同我幫個仔買教育基金，今日你出事，就會第一時間打俾我問我點算。你打俾個律師friend都可能唔得閒睬你，但係我嘅工作就係睬人，所以我一定會即場幫你拆掂佢。咁妳就唔洗破財啦！」 帖文一出後，網民立即在FB鬧爆林作「冇圖冇真相，涉事家長根本冇搵你」、「抽少啲水啦」、「你開post擺明教人玩灰色地帶，俾人覺得你卑劣無恥，無賴」 （全文完） 推薦閱讀： kkplus｜幼童挨跌天線得得B賠3萬惹議 玩具店發聲明網民列6點反駁 kkplus｜男童挨跌公仔賠３萬 母企凱知樂國際向事一家道歉並全額退款 移民｜以移民為條件拍拖 港女IG呻男友臨出發反口 網民撐分手：一開始就呃緊你！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月23日
海鮮檔小鮮肉似陳柏宇？網民激讚：靚仔過荃灣豬肉檔AK！
自從「荃灣豬肉檔AK」阿威爆紅後，不少街坊現在去買餸，都金睛火眼留意一下街市有無靚仔。早前《有線生活》為大家集合了多區街市的靚仔，近日又有網民發現街市海鮮檔有靚仔，更指他似歌手陳柏宇，又謂靚仔過「荃灣豬肉檔AK」。 網民大讚海鮮檔小鮮肉 有網民在社交平台分享了幾張照片，表示是海鮮檔的店員，直言靚仔過「荃灣豬肉檔AK」。從相中可見，該海鮮檔男子身穿藍色短袖上衣、防水圍裙，皮膚白皙，一頭俐落短髮，吸引大批網民留言激讚「小鮮肉」、「真係幾靚仔」、「呢個樣幾好」。 靚仔過「荃灣豬肉檔AK」？ 亦有不少人認同樓主，認為海鮮檔小鮮肉比「荃灣豬肉檔AK」阿威更靚仔，「我都覺得佢靚仔啲」、「呢個靚仔好多」、「嘩，這個好點」，亦有人認為不應比較，「各有各靚，唔好比較」。 另外，又有網民覺得似歌手陳柏宇，「海鮮檔陳柏宇」、「有啲似陳柏宇」。 「荃灣豬肉檔AK」冧爆Fans 而「荃灣豬肉檔AK」阿威，近日不止獲運動品牌垂青，接拍了他的首個廣告，更正式開設官方社交網及YouTube頻道。日前，他更新Instagram，上載了一張擺出愛心手勢的半身照，冧爆一眾粉絲「威威豬」，魅力確實不容小覷！ （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企 淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月22日
移民｜以移民為條件拍拖 港女IG呻男友臨出發反口 網民撐分手：一開始就呃緊你！
移民外國是近年不少人談論的話題，近日有位正打算移民英國的網民在IG「couple.murmur」匿名投稿，大呻自己在拍拖前與已經男友達成共識，將來會到英國結婚生仔，但男友在她準備填寫表格，找搬屋資料時卻反口說想留在香港，令事主不知所措，決定投稿問網民意見，以下為原文節錄： 以移民生仔為拍拖條件 「今年28，同男朋友同齡，我哋係透過婚姻介紹所認識嘅。間介紹所係我家姐同朋友開，初期因為啱啱開業就遇到社運，加上我當時單身，所以如果有啲對象適合我，我都會去食個飯咁。我想要嘅條件係黃，計劃5年內移民英國或澳洲同埋生2個小朋友。我好鍾意小朋友，但香港唔係一個適合生小朋友嘅地方，我甚至覺得香港唔適合人生存，周圍發生嘅事真係令人好抑鬱。咁啱個陣有個男仔提出嘅條件幾乎一樣咁濟，佢希望同女朋友移民英國同埋佢都希望32歲前生兩個或以上小朋友組織家庭。我家姐就比咗啲資料我，一切順利我哋成為咗男女朋友。」 「其實我哋喺香港都可以生小朋友」 「因為我之前係做護士，但唔太開心，所以再讀關於it嘅degree，今年畢業都順利搵到一份可以work form home嘅工作，意思係即使移民都可以返，唔洗擔心移民會失業。男朋友份工都係咁，我哋兩個各有大約80萬儲蓄，經濟上無大問題。按我哋一直計劃，我哋應該會係下年年頭或年中走，咁我就開始做啲實質嘅工作，填表格，睇吓英國租屋同搬屋資料咁。點知有日佢同我講，其實我哋喺香港都可以生小朋友呀，佢呀哥都生咗三個，都無諗過走都生活得好幸福呀。」 「想知咁嘅家庭點叫幸福」 「我真係好驚愕，問佢係咪認真，佢話係。佢呀嫂無業mk妹嚟，佢呀哥收入得萬三，排緊上公屋未上到，依家住啲好細間嘅套房，五個人一間房，三個小朋友訓上格床，佢同老婆訓下格床。三個小朋友要喺間屋生活都唔容易，特別係細仔升咗小學，每次做功課其中一個小朋友要坐係床用枱仔，另外兩個小朋友用飯枱，睇到都「牙煙」。或者有人會話窮可能都生活得好開心，但佢呀嫂都唔太理啲小朋友淨係玩手機煲劇，啲小朋友就喺屋企睇YouTube同Netflix。連個小朋友跌親都唔知，佢個仔打俾我男朋友話媽咪訓覺叫唔醒，想知咁嘅家庭點叫幸福。」 政治因素決心離港 「最大嘅問題係政治，身邊好多護士朋友已經有小朋友，佢哋好多都移咗民，因為佢哋見到19年開始多咗好多人因為社會事件而自殺，好多人因為抑鬱入院。醫院嘅做法就係同個病人講比自己時間休息放鬆下，暫時都係唔好睇新聞啦。究竟我要點教我小朋友？「呀仔，呢幾個字唔可以再講，再講要坐十年監㗎」「我知，我知佢哋係無後果係唔啱，但佢哋有槍。」如果到時候再有社運，我係咪要比個小朋友出去定抑或我要教佢唔好睇新聞？ 咁我將以上嘅想法同佢講，佢同我講佢再諗下。明明我哋一直為移民做好計劃，甚至佢係我畢業寫咗張卡比我話希望我哋後年嘅今日我哋會Tower Bridge唱london bridge is falling down，我以為我哋一直向同一個目標前進，但到依家我再問佢，佢同我講佢唔肯定，佢唔知道佢到底移唔移民。」 偷睇男友電話揭發謊言 「我有日偷睇佢電話，我見到佢同佢呀哥傾計，話「我一開頭以為我會改變到佢嘅諗法」「我一開頭無諗清楚」。依家講起移民嘅嘢佢就會靜咗，但咁根本無可能一齊落去，上個星期我同佢講如果你唔移民，其實我哋可能一齊唔到落去，係愛嘅，但每個人都有自己想要嘅嘢，就係因為唔想經歷咁嘅場面，咁我一開始先會用嚟啲條件揀男朋友，我以為我哋傾好咗。但佢喊得好犀利，又話求下我唔好咁快作決定，唔好分手。其實我都好兩難，佢對我好好，我都好愛佢，於是傾好話佢最遲下年2月要話比我知個決定，因為最遲我下年年尾真係要走。」 「係咪應該長痛不如短痛？」 「依家即使同佢拍拖好開心，佢比好多驚喜我，但開心完又好唔開心，好似佢一話決定好唔移民我哋就會分手咁。覺得佢好自私，佢好似呃咗我咁，依家連想買嘢比佢，都會放返低，會諗或者我哋聽日就分手。成日會諗或者我哋只係一齊多一年，即使依家幸福好似倒數緊咁，成件事好辛苦。大家有無咩提議，其實係咪應該長痛不如短痛？」 網民撐分手 帖文引來大批網名留言，其中大部分都支持事主分手：「如果佢堅持都係唔肯移民嘅話，真係建議你分手會比較好；繼續喺埋一齊摩擦同爭執只會越來越多，無謂浪費自己時間。」、「直接斷吧，老實講由一開始真係講好咗了，所以無拖嘅必要，最後真係移咗幾年後佢又話要返香港，到時先唔知點。」、「根本你男朋友一開始就係呃緊你，諗住一齊左就可以氹到你留低，你咁清楚自己想點，其實都唔洗上嚟問，信自己、忠於自己。」亦有網民提議事主最好移民後再找對象才最實質。 （全文完） 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 張韋怡7歲兒子一週內第二次受校園暴力 IG出文怒訴：今日被拳打肋骨！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 大C
- 2022年05月21日
東京地鐵失物認領中心短片見證職員超認真保存失物 網民：還會清洗便當盒！也太貼心！
日本人路不拾遺、有公德心、也有職業操守，並不是空口說白話。NHK日本放送協會facebook上一段紀錄東京地鐵失物認領中心（東京地鐵失物招領處）工作日常的短片，雖然片長只有約2分鐘，但卻吸引網民2.6千個讚好，更有不少人留言讚嘆日本人工作貼心，又說只有在日本才有可能尋回失物。 該段短片來自facebook專頁「NHK World-Japan Chinese – traditional」，描述是「通勤路上行色匆匆，掉了東西怎麼辦？日本的東京地鐵失物招領處，每天從全線 179 站拾獲超過 2000 件乘客們的家當。一起來看看東京地鐵失物招領處的最強整理術，以及他們如何展現『OMOTENASHI』的敬業精神，齊心協力物歸原主。」 OMOTENASHI款待哲學 根據網上資料，OMOTENASHI是指真誠地為客人著想的款待精神。據短片介紹，職員每天都會處理超過2000件失物，為它們分門別類，看下圖： 超細心保管 「無論是甚麼東西，對物主來說都可能非常珍貴。」認領中心職員表示，他們會為各種失物作紀錄，又會分門別類，還會細心保存。有幾細心？看下圖！ 網民大讚貼心 雖然短片只有2分鐘，不過已吸引網民留言讚好，「還會清理飯盒，是家的感覺」。不少網民留言稱曾在日本遺下物品，但最後都能尋回。「我手機放在東京地鐵上，還能找回來真的厲害！」、「曾經背包忘記在頭頂架上，隔天去車站問就找到了，感謝他們！」、「曾經把雪靴丟在新幹線行李架上，也是順利找回來」。有網民更說，去旅遊只有在日本可以找回失物。 據資料顯示，東京地鐵失物認領中心每年平均有三分一失物被領回，大多是較貴重物品，而最多人遺下的物品是手巾。 （全文完） 推薦閱讀： 的士｜伯伯推車仔遭的士拒載危站馬路 暖男司機落車幫手 網民大讚：好人好事 外傭打工30年 湊大3兄妹 新娘結婚邀請工人姐姐做姊妹：我哋係一家人 😊 為生活增值 Like👉有線生活facebook💪 睇健康貼士 Like👉有線健康facebook🔔 接收最新生活資訊 follow 👉 有線生活ig @icable.life
- 雪翎
- 2022年05月19日
荃灣靚仔豬肉檔AK阿威首接廣告 應援團粉絲：佢生硬嘅pose好可愛！
早前因為被街坊上載合照到Facebook群組，而火速爆紅的「荃灣豬肉檔AK」阿威，現時除了擁有過萬粉絲的Facebook「荃灣鮮肉威威應援團」外，還得到時尚及運動品牌Skechers青睞，邀請拍攝一輯工作鞋廣告，令一眾粉絲十分驚喜！ 身為專業肉類分割員的阿威，表示自己每星期都需要工作六天，而每天凌晨5點半更需要回店準備，加上豬肉檔環境比較濕滑，而自己又要長時間站立，所以雙腳經常站到水腫，甚至有街坊會送足貼到店給他。Skechers正看中這點，於是便找來阿威為他們拍攝主打防滑舒適的工作鞋。 消息一傳出後，阿威的應援粉絲立即留言說「真係型到超爆呀」、「要去買返一對一樣款呀」、「直接入Skechers問有冇威威嗰對鞋」。相信由今日起，各位老公以後都不用再日日食豬肉了！ （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企，淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 張韋怡7歲兒子一週內第二次受校園暴力 IG出文怒訴：今日被拳打肋骨！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life