#荃灣
- 大C
- 2022年10月05日
一線搜查｜荃灣曹公潭成外傭樂園？溪邊生火BBQ、隨處大小便 遺大量垃圾
位於荃灣、鄰近大帽山的曹公潭，9月時才有一名外傭墮潭遇溺亡，但無阻外傭到該處玩樂。免費電視77台節目《一線搜查》報道，每逢假日有不少外傭到曹公潭野餐，她們會在溪邊生火燒烤，又隨地大小便，更遺下大量垃圾，破壞環境。 街坊：佢哋個個禮拜都係咁燒 《一線搜查》攝製隊去到曹公潭拍攝，期間便直擊多名外傭帶著大包小包物品，甚至整個行李箱上山，去到溪邊野餐。「前面行過嚟又見到一批開緊爐……佢哋個個禮拜都係咁燒」有街坊向攝製隊表示，外傭到曹公潭玩樂已一段長時間，每逢假日便有外傭聚集，有人說：「佢哋好少執（垃圾），見佢哋返嚟個陣都係好輕便。」攝製隊現場所見，地上有不少水樽、啤酒罐和燒烤網。 就地生火燒烤 《一線搜查》攝製隊拍攝當日，見到多批外傭三五成群去到曹公潭，然後各佔一處佈置好帆布或營地便開始玩樂，其後紛紛用碳或木枝生火燒烤，食物有肉有魚，火頭處處，產大量煙霧和氣味。一位伯伯表示，曾有鄰近住宅因煙味濃烈而報警，也曾有附近清潔工人指外傭隨地大小便，又遺下垃圾。 9月曾有女傭溺斃 曹公潭原本環境清幽，吸引行山客欣賞瀑布和潭景，但歷年來發生多宗遇溺意外，最近一次意外發生在9月，死者是一名35歲印尼籍女子。到郊野親親大自然首先要顧及安全，其次要愛護環境，自己垃圾自己帶走。有關外傭在荃灣曹公潭成造成環境破壞的詳細報道，可於網上重溫《一線搜查》。 免費電視77台《一線搜查》 播出日期：逢星期一至五 播出時間：20:00-20:30 WhatsApp報料熱線：68960931 （全文完） 推薦閱讀
- 大C
- 2022年09月06日
一線搜查｜東涌居民長年捱貴餸 4餸1湯要$600 荃灣豬肉平3成 街坊：幾時有公營街市？
早前有團體對比東涌、天水圍及荃灣街市物價，發現最貴食材主要集中在私營街市，而東涌4個街市全是私營，居民長年都要「捱貴餸」。免費電視77台節目《一線搜查》跟着街坊去買餸，再對比東涌、荃灣及美孚價格，發覺東涌買餸的確貴得多。為何街坊盼望已久的公營街市遲遲未出現？ 東涌買齊4餸1湯600多元 《一線搜查》跟隨居住東涌15年街坊Brenda去東涌買餸，6位成年人煮4餸1湯，足足花了600多元。其中一味餸涼瓜排骨，同樣排骨份量，東涌富東街市$54、荃灣楊屋道街市$38、美孚荔灣街市$40，至於苦瓜，同樣是東涌較貴，東涌要$38、荃灣$24、美孚$20。Brenda表示：「（東涌）幾乎我冇選擇，一係呢度（富東街市），一係遠啲去逸東，（價格）差唔多。」 私營街市呎租持續上升 東涌有4個街市，全屬私營，其中兩個是領展管理及另外兩個外判予建華管理。《一線搜查》翻查資料，私營街市每月呎租由2006年23元，到2022年62.7元，16年以來增加了172%。事實上，2022年領展街市和熟食檔位續租租金也增加，加幅19%，領展行政總裁王國龍於早前業績發布會上表示，因為租戶生意反彈，因此相信集團有空間調整租金。 東涌街坊Brenda認為，東涌買餸貴正是由於街市都屬私營，租金持續上升，令街市商販都要加價，「其實好希望有一個市政街市，我哋希望有多一個選擇。」她又說，街坊為買餸慳錢，不少都會跨區買餸，例如荃灣、深水埗、美孚，甚至西環都有。 團體指私營街市存在壟斷 監察公營街市發展聯盟發言人吳天楠於《一線搜查》中表示：「之前都有啲新聞話，管理商將租金提高，趕走小商戶，然後將自己『艇戶』加進去，所以一個壟斷情況同租金貴嘅情況，就會令到物價會高啲……有啲房署外判街市，可能幾個檔位都係同一個老細，係壟斷咗街市。」她補充，街市規模大小也影響價，以東涌富東街市為例，街市內只得40多檔，選擇少價格便貴，「如果公營街市好似荃灣咁，一個街市入面有百幾二百檔，競爭大啲，物價自然會低啲，東涌相對上選擇係少好多」。 公營街市未有落成日期 其實2017年《施政報告》中提出會於東涌區內興建公眾街市，2018年落實選址於東涌港鐵站旁，但至今2022年仍未有落成時間表。反觀同年宣布會興建的天水圍街市，則已有設計圖，預計2027年落成。政府曾解釋，因東涌街市選址港鐵旁，為免影響港鐵運作，因此要考慮因素較多。 面對東涌居民訴求，政府計劃於今年第4季於東涌開設臨時街市，但監察公營街市展聯盟發言人吳天楠以天水圍臨時街市為例，只有36檔，貨品並不齊存，「我哋做格價時發現，凍肉、急凍豬扒和雞翼都冇」。她擔心東涌臨時街市同樣攤檔少、貨品少，未能滿足街坊需要。有關東涌居民捱貴餸情況，可於網上重溫《一線搜查》。 免費電視77台《一線搜查》 播出日期 逢星期一至五 播出時間 20:00-20:30 （全文完） 推薦閱讀
- 大C
- 2022年08月31日
一線搜查｜荃灣流鶯湧現 鄰近街市學校 男街坊避開眼神接觸：買餸要耷低頭行
有荃灣街坊表示，河背街一帶流鶯問題越來越嚴重，不單入夜出沒，近期大白天都會到街上招客。免費電視77台節目《一線搜查》去到現場了解，不少街坊對流鶯問題感到無奈，採訪隊更跟隨其中一位流鶯上樓，即睇下文。 市民話見過問價 《一線搜查》採訪隊去到荃灣了解，由眾安街走到河背街，沿途見到至少7個疑似流鶯女士。她們有人打扮保守，穿上長衫長褲，但亦有人穿黑色透視衫。居住荃灣多年沈先生表示，早幾年流鶯晚上才出沒，但近一兩年白天都會站出來，「好果好天嘅話都會有8、9個企喺度」。他續稱：「我相信佢哋都知驚，有啲都唔敢太暴露，不過有部份人都會熱褲坦胸露臂。」 鄰近街市及學校 事實上，流鶯聚集地點鄰近街市，而且附近還有天佑小學同聖芳濟中學。沈先生表示，一方面擔心會影響學生心智發展，另一方面前往買餸也感到不便。他解釋：「如果去買餸，迎面而來，都會同我哋打下眼色。」他補充，男性街坊往往為避免與流鶯有眼神接觸，「要耷低頭行」或走出行人路。《一線搜查》在現場訪問了多位女街坊，她們有人認為流鶯會阻礙行人，有人則擔心疫情會因性接觸擴散。 「唔做一樣要俾錢」 《一線搜查》採訪隊一名男成員嘗試以路人身份與流鶯搭話，有人警覺性非常高，有人則主動帶採訪隊男成員上樓入到室內單位，然後便叫男成員躺下，當男成員提出要先沖涼時，她說：「我呢度係快餐，唔係一樓一。」她強調毋需沖涼，又說：「你要做就做，唔做一樣要俾錢！」 律師：問價即違法 流鶯在大街大巷招客會否觸犯法例？律師林志宇表示，任何人在公眾地方唆使他人作不道德行為便屬違法，不論是女方主動提出價格，或男方主動問價，都有可能觸犯法例。根據刑事罪行條例中的《為不道德目的而唆使他人》，一經定罪，最高罰款1萬港元及監禁6個月。 寶琳有個荒廢籃球場？ 香港明明地少人多，康樂設施長期爆滿，但將軍澳寶琳一個停車場天台，卻有大大個籃球場荒廢，為何鄰近居民都不知道或不願意上去打籃球？即睇《一線搜查》。 免費電視77台《一線搜查》 播出日期 逢星期一至五 播出時間 20:00-20:30 （全文完） 推薦閱讀
- PL
- 2022年08月11日
荃灣「楊屋道吳彥祖」樣貌曝光 網民讚好Charm 有人話更似房祖名｜附18區街市靚仔
荃灣豬肉檔威威有勁敵了！最新有女網民貼出「楊屋道吳彥祖」側面照，更大讚他好Charm：「唔知佢有經理人未」。帖文一出，隨時引起其他網民起哄，有人認為這位街市「新星」可以與威威一起出道，不過也不少人認為他更似房祖名，又或者韓星阿Rain。 繼豬肉檔威威（劉宋威）爆紅後，荃灣區街市再有「隱世靚仔」出沒。上周六（8月6日）有女網民在facebook群組「扮工室Online」出Post指：「今日發現，楊屋道吳彥祖，好charm！靚仔過豬肉威，唔知佢有經理人未。」該照片雖然只是曝露了當時人側臉，但已成為網民討論焦點。 據照片所見，楊屋道吳彥祖的身材尚算高挑，執起大魚的時候Show出「麒麟臂」，相當有睇頭。 網民：一山還有一山高 照片傳出後，多個facebook群組都熱烈討論，不少網民都讚他「幾靚仔」、「大隻仔」、「一山還有一山高」，身材樣貌可與威威匹敵。不過也有網民不苟同：「都係普通一個人。」、「好似喎！都有手有腳！」有人更認為他的樣貌更似房祖名，又或者韓星阿Rain。 除了威威及楊屋道吳彥祖，全港18區其實也出過不少街市靚仔，一齊睇睇！ 黃大仙有禮菜檔小鮮肉 早前有網民在「黃大仙區友」群組貼出照片，留言「阿媽分享：牛池灣街市菜檔哥仔都唔差」。從圖可見，該菜檔男子身穿黑色背心，皮膚白皙，一頭啡色齊瀏海，眼大有神，吸引一眾網民留言大讚「小鮮肉」、「真係唔差」、「對眼好靚」等。亦有多名街坊認得該店員，表示他有禮，「佢唔止靚仔，仲非常之有禮貌。」、「呢個哥仔好有禮貌！」結果引來這位「靚仔小鮮肉」現身，回覆表示「多謝大家」。 黃大仙魚檔紋身猛男 除了黃大仙區，前港姐冠軍陳庭欣亦在IG分享，指荃灣街市仲有另一名靚仔，她寫道：「據知情人士報料，除咗豬肉檔，有檔賣海鮮嘅都好『值得』去幫襯。」並貼出兩張照片，表示過兩日會親自去證實一下。雖然照片只見側面和背面，未能清楚看到樣貌，但這位海鮮檔店員與阿威一樣手臂有紋身，穿上一件貼身背心，用強勁的麒麟臂舉起魚檔巨桶，身材確實吸睛。有網民更形容「猶如漆黑中嘅螢火蟲一樣咁鮮明，咁出眾。」 屯門海鮮Tyson Yoshi 另外，「元朗生活誌」專頁亦分享了一名位於屯門新墟街市的「屯門海鮮Tyson Yoshi」，寫道：「肉粉唔洗（使）去荃灣咁遠，屯門都有新貨到！」從相中可見，該海鮮檔店員身材高大，一頭俐落短髮。有網民認為相比起Tyson Yoshi，他更似周柏豪，又有人指是「屯門古天樂」。 （全文完）
- 雪翎
- 2022年06月25日
港男FB呻$660買死蟹被搵笨 荃灣楊屋道街市老闆千字文回應：絕無欺詐
不少港人都是海鮮愛好者，喜歡時常到街市購買新鮮海鮮烹調，近日有港男在Facebook群組出文控訴荃灣楊屋道街市某檔口出售發霉死蟹，卻被不少網民反嘲他「貪平就係咁㗎喇」，檔口老闆收到指控後，立即以千字文回應事件，並說自己打到眼濕濕。 「滿膏滿肉好鮮甜多汁」 事主在Facebook群組「香港街市魚類海鮮研究社」出文表示，自己在荃灣楊屋道街市某老字號檔口以$660購買長腳蟹，從圖中可見，長腳蟹蟹肉非常霉爛，與新鮮活蟹的一絲絲質地相比是完全不同，而事主在帖文中就反嘲長腳蟹品質「滿膏滿肉好鮮甜多汁」。 事主續指，檔口老闆當時說長腳蟹「啱啱死抵食」，因為活蟹價格比死蟹貴，所以事主就決定以$660買下「啱啱死」的長腳蟹，怎知進食時才發現蟹肉霉爛不能入口，更指：「六、七舊水買教訓，後生仔唔識揀千祈唔好買死蟹，隨時俾人搵笨血本無歸，分享經驗希望少啲人中伏。」 老闆千字文回應指控 檔口老闆得知事主的指控後，以文字作出了公開回應，指自己連日來飽受壓力，店員當時已說明長腳蟹已死，不存在欺詐行為，而且肉質會受天氣、路程、處理手法等多個因素影響。不過他們願意向事主作出賠償，並希望事主可以親臨檔口，他們會親自解釋，以及提供好折扣。最後檔主更表示自己「打到最後竟然眼濕濕」。 網民：自己攞嚟賤！ 帖文隨即引來大批網民回應，不少網民都嘲笑事主貪平惹禍，當交學費買教訓，又指：「明知死蟹仲買」、「你依啲咪以為自己好醒平少少」、「貪平咪上咗一課囉，海鮮海鮮，鮮咪就係要買生嘅咁解」、「貪平就係咁㗎喇，唔識嘅話又唔問」、「你大可以同舖頭啲人講我想食隻靚啲嘅蟹，人哋都唔會要你買隻死蟹啦，都係只怪貪平」。 亦有部份網民認為檔口做法有問題，指：「本應係掉落垃圾桶嘅嘢攞嚟賣俾客，客人未必有專業知識去分辨好壞，亦可能會貪平，但平唔代表要食根本唔食得嘅死蟹。店家完全有責任處理掉變壞／不新鮮／不適合食用嘅商品。」 （全文完） 常見問題： 問：死蟹活蟹有何分別？答：死蟹肉質霉爛，不能入口，但活蟹… 詳情請睇 問：蟹肉質地會受甚麼因素影響？答：肉質會受天氣、路程、處理手法等多個因素影響… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life