#荃灣豬肉檔AK
- JL
- 2022年06月28日
豬肉AK阿威否認吸毒、黑社會 揚言採取法律行動 劉宋威感謝威威豬鼓勵
「荃灣豬肉檔AK」阿威（劉宋威）爆紅後，成為師奶殺手兼KOL，工作量大增。不過正所謂「人紅事非多」，網上再次流傳出多張阿威的舊照，更有長文指阿威曾涉毒品派對、參與黑社會活動及欠債等。阿威昨晚（27日）發出澄清聲明，表示有關言論均屬捏造，並表示將採取進一步法律行動。 被指曾涉毒品派對、黑社會活動 阿威爆紅後，有粉絲為他開設Facebook群組「荃灣鮮肉威威應援團」，大力支持阿威。不過，近日在Facebook亦出現一個「除罩威威留餸區」專頁，短時間內已有逾9千名成員，每日都有人發帖「爆料」，又會分享阿威的舊照。近日則有人貼出阿威的紋身赤膊照、舞獅表演相片，表示阿威曾參與黑社會活動、毒品派對及欠債等，隨即引起很大迴響。 揚言會採取法律行動 而早前阿威已曾拍片哭訴自己並非黑社會，更謂：「點解有紋身就唔係好人！」事隔不久，又再次被網民攻擊，阿威似乎無法再忍受，昨日終在Facebook發聲明，表示相關言論已超出可接受範圍，並對他及其家庭構成傷害，現正尋求法律意見，並將採取進一步的法律行動。 阿威：熱愛舞獅表演及紋身藝術 阿威亦有澄清絕對沒有牽涉毒品派對、參與黑社會活動以及欠債等事件，並表示自己只是熱愛舞獅表演及紋身藝術，對於有人不停翻出舊照片穿鑿附會、大肆渲染，認為是網絡欺凌，對此深感無奈。另外，面對外界輿論，阿威又透露曾想過放棄，但粉絲及家人給予很大的鼓勵，令他有勇氣堅持下去，承諾會繼續做好自己，努力工作。 聲明全文： 近日網絡流傳有關我的失實言論及報導，包括曾涉及毒品派對、參與黑社會活動以及欠債等，均屬捏造及嚴重失實的指控，本人在此澄清我絕對沒有牽涉上述事件。相關言論已超出我可接受的範圍，並對我及我的家庭構成傷害，我正尋求法律意見，並將採取進一步的法律行動。 事實上，從一開始接受媒體採訪，我已主動向大家分享自己熱愛舞獅表演及紋身藝術，只是別有用心的人不停翻出我的舊照片穿鑿附會、大肆渲染，進行網絡欺凌。對此，我深感無奈。 其實早前我已拍片澄清，而心裏也確實曾想過放棄，但威威豬及家人給予我很大的鼓勵，很多威威豬更親自到舖頭為我打氣並送上心意咭，令我有勇氣堅持下去。我會繼續做好自己，努力工作。 最後，藉此感謝威威豬及家人對我的支持，沒有你們就沒有我。 劉宋威 2022年6月27日 （全文完） 常見問題 問：點解阿威會發聲明？答：近日有人在FB貼出阿威的紋身赤膊照、舞獅表演相片… 👉🏻 詳情按此 問：阿威啲Fans點支持佢？答：阿威指Fans給予他很大的鼓勵，很多人更親自到舖頭… 👉🏻 詳情按此 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年06月13日
Anson Lo新歌《King Kong》被威威豬TG狂踩 COLLAR、湯令山被鬧樣衰
MIRROR成員Anson Lo盧瀚霆新歌《King Kong》在6月8日首播，不少網民大讚曲風造型有驚喜。不過，YouTuber苦男Bitterboy近日就出片指，荃灣豬肉檔阿威粉絲「威威豬」突然在Telegram（TG）群組狂踩Anson Lo，連湯令山也中槍，一眾Anson Lo粉絲「神徒」入群組呼籲威威豬尊重別人。 「做得威嘅fans就要支持Gigi」 苦男在6月11日以「豬肉佬威威大罵Anson Lo!!」為題，出片指收到觀眾報料，一眾威威豬在TG群組「威威應援團（劉宋威）」中，突然大罵「MIRROR COLLAR fans全部傻X」，又說「Day一早畀韓國淘汰咗，有能力你估佢留低咩，Candy造星之前連fam j都不算」然後又再指Anson Lo新歌唱功沒進步「歌唔得，舞唔得，樣唔得」。甚至有威威豬說：「做得威嘅fans，唔該放下面子支持Gigi，都唔好支持Candy」。 「滿口英文accent都係低賤嘅味道」 威威豬續指，即使不談論Anson Lo的樣貌和身高，單說歌曲也很難聽，而且rap很尷尬：「英文唔好，真係唔好rap英文，只係一個local u嘅degree仔，滿口英文accent都係低賤嘅味道，聽到佢咁有自信咁rap出嚟，真係好尷尬」。同時，歌手湯令山也無辜中槍，被形容為「另一個樣衰歌手」。 苦男就指，自己剛剛拍完《King Kong》MV反應影片，覺得歌曲未至於難聽，Anson Lo英文還不錯，很疑惑何謂「滿口英文accent都係低賤嘅味道」，有感這個攻擊有點過份。另一名威威豬回覆指Anson Lo「作又唔掂，填又唔掂，天時地利造就呢個廢柴」。苦男就質疑：「威威咁紅，佢又有邊方面才能？」 神徒入群組呼籲威威豬尊重人 有神徒得知偶像被狂踩，就立即入群組說「喺呢個group嘅各位或者Admin可唔可以唔好咁低質，你可以唔鍾意人哋偶像，但你冇權去diss人哋」，但威威豬卻指「diss人係好正常嘅事」，還說「威威有個身份冇同你講，除咗係斬豬肉嘅，其實亦都係一個業餘Rapper」，令神徒不禁回應「等聽」。 「威威群組唔使尊重人」 神徒決意不再與威威豬交談，但威威豬再指「你哋都幾好笑，呢個係我威威嘅群組，入嚟同我講尊重其他人，喺呢個群組唱好anal即係等如入印度廟講聖經，自己諗下係邊個唔尊重邊個」。後來更說「好多失敗者敗退」。 「粉絲行為偶像埋單」 不少網民看完影片後，紛紛留言指「與其不斷批評別人抬高自己，不如實實際際做啲嘢得到人哋嘅認同好過啦」、「班人啲問題，第一唔尊重，第二你唔鍾意人可以唔睇唔理，冇必要去侮辱人㗎喎」、「Even唔係講緊Anson Lo，而係講緊其他明星都好唔應該，大家都要俾返啲尊重」。同時也有人質疑「可能係借anson去炒作」。 （全文完） 常見問題： 問：威威豬為何狂罵Anson Lo？答：Anson Lo新歌《King Kong》首播後… 詳情請睇 問：威威豬指阿威除了是豬肉檔職員，還有另一個職業？答：威威豬指：威威除咗係斬豬肉，其實亦係一個業餘Rapper… 詳情請睇 想回顧威威整個爆紅之路，以及其他趣事？即看下列文章！ 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企，淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 阿威接拍首個廣告：👉 荃灣靚仔豬肉檔AK阿威首接廣告 應援團粉絲：佢生硬嘅pose好可愛！ 網民列3點指阿威爆紅有人佈局：👉 荃灣豬肉檔AK連登流出除口罩新相 網民列3點指阿威爆紅有人佈局？ 荃灣豬肉檔威威生日會5大亮點： 👉 荃灣豬肉檔威威生日會5大亮點 薛影儀都係威威豬？阿威大爆被男粉絲熱情摸Pat 推薦閱讀： 盧瀚霆Anson Lo剖白入行三年辛酸 MIRROR成軍後常受謠言攻擊 終強大內心正面回應大眾 盤點MIRROR ERROR最新感情狀況 除Frankie外還有哪位成員回復單身？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年06月06日
荃灣豬肉檔威威生日會5大亮點 薛影儀都係威威豬？阿威大爆被男粉絲熱情摸Pat
「荃灣豬肉檔AK」劉宋威（威威）在6月5日於荃新天地舉辦生日會，慶祝6月8日35歲生日，活動吸引過百「威威豬（劉宋威粉絲名稱）」帶同禮物及應援牌到場支持，有威威豬在活動開始前不停高呼「威威生日快樂」、「我愛你」、「大隻仔」等為威威造勢。除了唱生日歌切蛋糕外，威威還不停向粉絲放電，難怪深到一眾威威豬歡心。 【1】成功收服印傭姐姐 生日會除了吸引不少媽媽粉帶同子女做應援外，還有86歲的長者到場支持，獲大會安排坐在前排位置，不過最令人驚喜的，莫過於連印傭姐姐也是威威豬。印傭姐姐阿D接受傳媒採訪時，表示自己連同友人提早四小時就到場等候，之前她已經與威威合照過兩次，又買了70至80元瘦肉，大讚阿威「好好笑容，好好人，總之好好。」笑指今天最想同威威合照及講聲「Happy birthday to you！」 【2】即場表演煎漢堡扒 自認是「煮家男」的威威即場示範香煎豬肉漢堡扒，大騷廚藝，令台下粉絲興奮雀躍，威威見狀不停感謝大家支持，並祝福各位身體健康。威威續指自己有意參與幕前工作，拍攝電影及電視劇，不過也不會放棄「豬肉切割員」事業，現在每天巡視業務，打點一切，疫情過後會以真面目見大家。 【3】薛影儀是威威豬？ 亞視一姐薛影儀也是威威生日會觀眾之一，更上載了現場片段到Instagram，說「今日在荃新天地見到威威豬肉佬」，帖文獲1萬讚好。有網民留言問影儀「阿儀你係咪暗戀佢？」、「阿儀你紅過佢啦！」，藝人黄榕亦有問影儀「佢見唔見到你呀？佢有冇走上來同你合照？」，不過影儀就未有回覆眾人提問，也沒有再上載生日會其他相片。 【4】感動落下男兒淚 當威威與粉絲大合照時，突然落下了男兒淚，事後威威接受訪問時表示自己是感動到喊，又指這次是第一次與威威豬近距離接觸，心情有點緊張。雖然當日威威老婆及女兒也有低調到場支持，不過威威沒有避嫌，豁出去同粉絲大玩遊戲，包括「對望」、「做運動」及「做心心」等，然後再大合唱生日歌和切蛋糕，相當熱鬧。 【5】曾被男粉絲熱情摸Pat 當威威被問到會否擔心粉絲有太熱情的過激行為時，他大爆試過與一名男粉絲合照時被摸Pat Pat，自己當時也呆了一呆，不過未有推開對方，相信對方只是太熱情而不是非禮，老婆知道自己被摸Pat只覺好笑。至於有記者問到威威有否試過被男人示愛時，他就稱沒有，指有粉絲曾要求繞手合照，但婉拒後也沒問題，平日都只是被要求擺甫士及單眼，不算太熱情。 （全文完） 想回顧威威整個爆紅之路，以及其他趣事？即看下列文章！ 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企，淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 阿威接拍首個廣告：👉 荃灣靚仔豬肉檔AK阿威首接廣告 應援團粉絲：佢生硬嘅pose好可愛！ 網民列3點指阿威爆紅有人佈局：👉 荃灣豬肉檔AK連登流出除口罩新相 網民列3點指阿威爆紅有人佈局？ 推薦閱讀： 荃灣豬肉檔阿威爆紅背後有人造勢？ 3位隱世靚女店員成名過程及近況 海鮮檔小鮮肉似陳柏宇？網民激讚：靚仔過荃灣豬肉檔AK！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月27日
唔止荃灣豬肉檔AK！網民捕獲兩餸飯Ali 少女極速被起底靚樣曝光
繼「荃灣豬肉檔AK」阿威、魚檔小鮮肉「賣魚MC」爆紅後，近日又有網民在一間兩餸飯店舖捕獲到一名靚女，有人大讚她似藝人李佳芯（Ali），封她為「兩餸飯Ali」。「兩餸飯Ali」被網民極速起底，不但令其靚樣曝光，更引來事主爆笑回應。 網民捕獲「兩餸飯Ali」 網民早前發掘了多位靚市靚仔，今次終於有靚女！有網民在網上討論區發帖，貼出兩張照片，並表示「呢間一定係全港最佳兩餸飯」。相中可見，一名年輕女子，束起頭髮、身穿貼身上衣，正在兩餸飯店舖添餸，引起大批網民迴響，更有不少人留言表示該店員似李佳芯（Ali），並表示「想即刻去幫襯」。 「兩餸飯Ali」現身爆笑回應 「兩餸飯Ali」被網民極速起底，她在社交平台回應：「唔係成日返鋪頭，但係竟然都比人影到。」又表示自己唔係靚女，認為網民將自己與Ali相比，實在誇大了，更搞笑地指自己：「戴口罩梗係好睇啦，除咗口罩就變莫文蔚。」 魚檔小鮮肉自認平凡 除了「兩餸飯Ali」，近日同樣被瘋傳的魚檔小鮮肉「賣魚MC」，皮膚白皙，一頭俐落短髮，亦非常受網民歡迎。惟他日前被傳媒追訪時，則表示自己只是平凡人，拒當明星，非常低調謙卑。 自從「荃灣豬肉檔AK」阿威爆紅後，不少市民現在去街市，都金睛火眼留意一下有無靚仔店員。早前有多名街坊「報料」各區街市都有靚仔，唔止賣豬肉，連賣菜、海鮮檔等都有！ 👉 海鮮檔小鮮肉似陳柏宇？網民激讚：靚仔過荃灣豬肉檔AK！ 👉全港18區街坊發掘街市靚仔 唔止荃灣豬肉佬 賣菜賣魚都有！ （全文完） 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月25日
荃灣豬肉檔阿威爆紅背後有人造勢？ 3位隱世靚女店員成名過程及近況
最近成為全城熱話的「荃灣豬肉檔AK」劉宋威（阿威），早前因為被街坊上載合照到Facebook群組而火速爆紅。但近日有網民指出事件背後疑似有集團幫手造勢，皆因阿威的出道影片被發現有幕後工作人員負責。其實除了阿威外，過去幾年都曾經有3位隱世靚女店員都被懷疑透過此途徑進入演藝圈，下文為大家回顧事件及3人近況。 回顧3位隱世靚女店員 除了阿威外，在過去幾年都有不少女生被意外發現，然後爆紅，其中包括2017年的惠康女收銀、KFC女經理、2021年的九巴女車長，而當中亦有網民懷疑背後是有人造勢，為她們進入演藝圈鋪路。不過說到對為人熟悉的就有鄧月平、羅拉，和李美琪。 【1】鄧月平 鄧月平在2016年因為在銅鑼灣一間食店做侍應，而被網民偷拍上載到高登討論區，隨即引起大批會員留意而極速爆紅，當時網民還稱她作「巨胸翠如」。同年鄧月平便參加了ViuTV節目《美選D.n.A》，被人質疑背後有團隊刻意經營。 現時鄧月平不但進軍了演藝圈，除了拍攝ViuTV及奇妙電視的節目外，還在電影中擔任重要角色，例如《墮胎師》的壞腦肥妹仔。 【2】朱芊佩 有「港版羅拉」之稱的送貨員朱芊佩，在2017年因為被網民拍下其工作照片而爆紅。當時多間媒體公司，甚至《東張西望》都對朱芊佩進行了採訪，又封她為「港版羅拉」、「運輸界羅拉」或「最美搬運工人」等，令她得到不少拍廣告機會。後來朱芊佩更北上發展，到大陸拍攝節目《送一百位女孩回家2》和《新相親大會》，不過拍攝完成後，朱芊佩就沒有出現在幕前。 不過有不少網民都報料指，見到朱芊佩正繼續從事送貨工作，並經常會在各區出沒，所以不難見到她。 【3】李亦喬（原名：李美琪） 李美琪在2015年憑元朗牛雜檔太子女身份而參加《2015年度香港小姐競選》，雖然其後落選，但仍然成功谷起人氣，進軍演藝圈，在微電影《紙說愛》中擔任女主角。 後來李美琪又參加了ViuTV的《美選D.n.A》，雖然仍然落選，但她成功以特約演員身份參與ViuTV及無綫電視劇集，包括《黑市 — 嚇親萬理通》、《愛·回家之開心速遞》、《換命真相》等。在2019年，李美琪已改名為李亦喬。 （全文完） 推薦閱讀： 《聲生不息》｜炎明熹母為女獻唱《月光光》 劉惜君曝合唱《念親恩》原因超感人 《聲生不息》曾比特紅遍中港 盤點5件你要知的事 成功入行全因郭偉亮 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年05月23日
海鮮檔小鮮肉似陳柏宇？網民激讚：靚仔過荃灣豬肉檔AK！
自從「荃灣豬肉檔AK」阿威爆紅後，不少街坊現在去買餸，都金睛火眼留意一下街市有無靚仔。早前《有線生活》為大家集合了多區街市的靚仔，近日又有網民發現街市海鮮檔有靚仔，更指他似歌手陳柏宇，又謂靚仔過「荃灣豬肉檔AK」。 網民大讚海鮮檔小鮮肉 有網民在社交平台分享了幾張照片，表示是海鮮檔的店員，直言靚仔過「荃灣豬肉檔AK」。從相中可見，該海鮮檔男子身穿藍色短袖上衣、防水圍裙，皮膚白皙，一頭俐落短髮，吸引大批網民留言激讚「小鮮肉」、「真係幾靚仔」、「呢個樣幾好」。 靚仔過「荃灣豬肉檔AK」？ 亦有不少人認同樓主，認為海鮮檔小鮮肉比「荃灣豬肉檔AK」阿威更靚仔，「我都覺得佢靚仔啲」、「呢個靚仔好多」、「嘩，這個好點」，亦有人認為不應比較，「各有各靚，唔好比較」。 另外，又有網民覺得似歌手陳柏宇，「海鮮檔陳柏宇」、「有啲似陳柏宇」。 「荃灣豬肉檔AK」冧爆Fans 而「荃灣豬肉檔AK」阿威，近日不止獲運動品牌垂青，接拍了他的首個廣告，更正式開設官方社交網及YouTube頻道。日前，他更新Instagram，上載了一張擺出愛心手勢的半身照，冧爆一眾粉絲「威威豬」，魅力確實不容小覷！ （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企 淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life