#西客
- 雪翎
- 2022年12月08日
一線搜查｜不滿的士司機無戴口罩 乘客爆粗狂罵：乞衣都不如 網民讚司機高EQ
的士司機無戴口罩被狂罵！近日網上流傳一條車Cam片段，有的士司機因為獨自在車廂駕駛時無戴口罩，被車上乘客大罵「乞衣都不如」，期間更教導身邊兒子「第時無嘢做都唔好揸的士」。片段惹來網民熱議，有人批評該名乘客是「西客」，亦有少數人力撐乘客有理，認為疫情下要時刻做好防疫。根據《預防及控制疾病（佩戴口罩）規例》條例，任何人士身處公共交通工具上時，均須一直佩戴口罩。 乘客上車即要求開窗：你除咗口罩啊嘛 有網民在Facebook群組「香港江湖日報之ON9限定 2.0」發布一條影片，從片中可見，有一家三口乘搭的士，男乘客上車即要求司機開窗：「開窗啦司機，你除咗口罩啊嘛！」司機解釋見到有客上車已戴回口罩，但男乘客續說：「你頭先咪除咗囉！」並要求司機再次開窗。 後來司機詢問乘客去哪裡，男乘客回答火炭，然後司機嘀咕：「好似搵交鬧咁。」乘客回答：「我唔係搵交鬧，我最憎人呢，開工時間嚟架嘛，你係有權要戴（口罩）㗎嘛！」司機回應指：「無人喺架車度我可以唔戴架喎。」男乘客就說：「你呢啲咪就賤格囉，我唔係搵交鬧，我係專登XX啲衰X人。」 司機被轟乞衣都不如 在兩人爭執之際，男乘客的兒子指：「老豆你扣錯咗我嗰個（安全帶）。」男乘客指責：「係咩？車都衰啲，人又衰。」然後教導兒子：「第時無嘢做都唔好揸的士。」司機說：「係啊，做乞衣好過。」男乘客回應：「係啊做乞衣啊，呢啲乞衣都不如。」 男乘客自稱「去過青山冧過幾個」 司機將乘客一家駛到迴旋處，但男乘客仍未說出自己想去哪裡：「唔知，再轉個圈。」女乘客隨即補充：「迴旋處轉右，我要去嗰個方向，我一陣間再話（目的地）畀你聽，好無？」司機指：「我都要知去邊度先揸到㗎。」男乘客說：「你聽X我哋指示啦！」 最後到達目的地時，男乘客說：「唔好畀錢佢啊，呢啲人咁賤格，畀2蚊佢好喇，認X住佢個X樣。」更表示自己曾殺過人：「我有精神病，我去X過青山冧X過幾個，你執X到啦。」最後影片結束。 網民：的士佬好波，EQ好高 片段惹來網民熱議，不少人都認為乘客是西客：「個仔唔好揸的士，唔通學你咁做西客好咩。」有人大讚的士司機EQ高「的士佬好波，EQ好高」、「好佩服個司機，好少可咁好EQ」。亦有一些網民力撐乘客，指疫情下要時刻做好防疫：「疫情反覆唔戴緊係驚」。 防疫條例：身處公共交通工具均須佩戴口罩 根據《預防及控制疾病（佩戴口罩）規例》（第599I章）下強制佩戴口罩要求，任何人登上或身處公共交通工具上時；或在進入或身處港鐵已付車費區域時；或進入或身處指明公眾地方時，均須一直佩戴口罩。 （全文完）
- 雪翎
- 2022年05月06日
Staycation｜酒店員工FB列7大血淚控訴 「食物要先影相但又投訴凍咗」籲客人高抬貴手
近兩年因為疫情關係，香港人不能外遊，不少人都會到酒店Staycation解渡假癮，同時經常出現客人與職員互相指控。最近就有名酒店從業員在Facebook發文，列出7大血淚控訴，指不少同事因為本地客人無理投訴，而被解僱。 該帖列文詳細列出了7項無理投訴的個案，籲客人能夠「高抬貴手」，不要再因一些小事而投訴。以下是《有線生活》編輯整理重點： 【1】拒絕付煮食費 「入住帶外來食物到酒店加熱，又唔捨得畀煮食費，又投訴。」 【2】要求零時零分送蛋糕 「要求自來蛋糕，特定時間送到房間，好可惜好多酒店住客要求同一時間零時零分送，試想一下通宵更嘅同事會有幾多人返工？（一間好啲酒店入住率坐底都有150間房，咁多人生日點樣送呢？？）」 【3】不接受送餐食物是會質素下降 「喺房入邊食餐，你地想啲食物有幾好質素？又唔係新鮮滾熱辣辣送到你面前，就投訴食物唔合格。」 【4】要求員工送外賣上房 不願收拾垃圾 「大家都明白疫情嘅關係，導致好多客人選擇喺房入面食嘢，叫咗foodpanda食物，請自行落大堂自取，而唔係叫房務部嘅同事入房執番外來食物嘅殘渣。」 【5】不諒解房務部辛酸 「叫酒店從業員做嘢唔係一個問題，但從來有冇諗過房務部嘅同事人工已經夠低，之前有外國旅客嚟到至少都會放低貼士，等我哋嘅同事都做得開心啲，而且真係幫補到唔少，貼士都係當人工。」 【6】影完相再投訴食物已放涼 「酒店食物送到房間請即刻進食，而唔係放喺度影完相，就再投訴話，啲食物凍曬，咁樣合唔合理呢？」 【7】不滿多人check in和check out 「因為唔少酒店都會出入住package，會包幾餐，價錢都十分商議，咁低嘅價錢入住酒店，自然入住率高，check in check out嘅時間大家都一樣，咁排隊等check in又有啲咩問題呢？？唔好因為條排隊龍長啲，就要投訴。」 網民：酒店無咁大個頭就唔好戴咁大頂帽 帖文隨即引起大批網民討論，有網民直指酒店管理出問題：「No.7 做唔到，無咁大個頭就唔好戴咁大頂帽」、「Check in時間要等得耐係合理？根本係酒店安排問題囉。做唔切咪唔好出咁平接咁多客」、「第5點咩料？要比貼士？人工太低同老闆講囉 又關d客事？ 再唔係辭職唔好做囉」。 亦有網民表示「香港的投訴文化也是世界第一」、「香港人質素仲衰過好多地方。比果少少錢，就要求多多。」、「香港西客投訴攞著數已世界聞名啦」。另外也有網民留言分享其他行業的投訴情況，不過認為疫情下有工作已經值得感恩。 推薦閱讀： 關詠荷胞弟墮坡亡 老公日夜陪伴照顧 相愛30年 一句話讓張家輝情定終身 《奇異博士2》網評係爛片？網民列10大伏位：諗清楚先入場 😊 為生活增值 Like👉有線生活facebook💪 睇健康貼士 Like👉有線健康facebook🔔 接收最新生活資訊 follow 👉 有線生活ig @icable.life