#親子熱話
- 雪翎
- 2022年05月26日
連登網民憶20年前母親送冷衫到學校 今母親患癌自己送褸到醫院 網民感動到喊
不知道大家覺得母親對你做過最窩心的事是甚麼，近日有網民在連登討論區出文分享自己與母親20年前的一段往事，到近日再因為母親的一句說話而嚎哭。不少網民都表示「睇到眼濕濕」，齊留言為事主打氣。 以下為連登網民「中野4葉」帖文： 「6歲時我一年班，冬天嗰陣有一次因為曳被老師罰企一個禮拜，早會同小息都要企特別隊，等全校都知我係曳學生。 所以開始罰嗰朝我扭計唔肯返學，呀媽同我講『做錯事就要承擔後果，你乖乖哋罰完之後就唔好咁曳』我被阿媽送咗上校巴，返到學就喊住咁企特別隊。 可能係我扭計攪到有啲混亂，我上咗校巴之後，呀媽先發現自己仲拎住我件冷衫。當我喊住咁罰企之際，突然見到呀媽拎住我件冷衫嚟咗學校。呢個畫面過咗廿年仲係歷歷在目。 佢幫我着咗件冷衫之後就走咗，而我都冇再喊，繼續罰企。」 子20年後為患癌母添衣 「廿年後，我26歲，而阿媽喺半年內因癌症而反覆入咗醫院幾次。有一朝，阿媽7點就打俾我：『阿仔，我好凍呀，你可唔可以早啲拎多件褸俾我？』 我個心好痛，因為喺呢兩個星期，我已經拎咗幾件褸去醫院俾佢，但佢虛弱到着哂都覺得凍。 嗰朝我拎住件褸去到醫院，求護士俾我早啲入去探佢。入到去，佢好攰咁坐喺床邊，見到我就微笑一下。我幫佢着咗件褸，洗面，餵佢食早餐。 我捉住佢隻凍冰冰嘅手，忍住眼淚同佢講『放心啦，我會努力承擔自己嘅人生，踏實咁生活落去。』佢冇出聲，只係擠出廿年如一嘅溫柔微笑。 而喺同一個晚上，我喺佢床邊，好似廿年前咁樣嚎哭。」 齊為事主打氣：巴打加油！ 帖文引來大批留言，讚好數量更高逾1.5萬，不少網民睇到眼濕濕、好心噏，紛紛表示：「巴打保重」、「要努力生活比媽咪見到你開心」、「你媽咪可以喺走嗰陣時，可以喺充滿着你嘅愛同埋關懷嘅底下離去，我諗得佢來講已經係最大嘅福氣。」，而事主就回覆說：「再次多謝咁多位嘅鼓勵，雖然我而家仲係好難過，有啲頹，但我需要啲時間去move on，希望過多一排我就做到對呀媽嘅承諾。」 網民分享自身故事盼事主保重 同時亦有網民分享自己與母親的往事：「我好細個都經歷過，但我媽好tough，佢應該係放心唔落我同我哥，最後捱過化+電療先好返。喺度都希望祝有奇蹟出現」、「睇到流咗眼淚，因為小弟嘅母親係一手湊大我同啊哥。老豆仲要爛賭爛飲包二奶。所以仲有家人嘅你一定要珍惜。同時樓主一定要加油」、「舊年呢個時候都係我老豆走嘅日子，同佢大半生都狗咬狗骨，到佢開始有老人癡呆症就明白，老豆係我將來嘅寫照，所以同佢享受人生，同佢清潔、推住輪椅冒著風雨去酒樓飲茶，有時去老人院陪下佢，好多時都好掛住佢，加油呀！」 （全文完） 推薦閱讀： 移民｜以移民為條件拍拖 港女IG呻男友臨出發反口 網民撐分手：一開始就呃緊你！ 《聲生不息》炎明熹衣錦還鄉與家人相擁而泣 母見獎座爆喊：我知道特別特別不容易 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月18日
張韋怡7歲兒子一週內第二次受校園暴力 IG出文怒訴：今日被拳打肋骨！
無綫（TVB）藝員張韋怡（GoGo）上星期五（5月13日）在IG直播哭訴7歲兒子Ashton受同班同學暴力對待，而昨日（5月18）GoGo在IG出文表示仔仔再次受到欺凌，被同學拳打肋骨，已陪同仔仔到醫院驗傷及報警處理。 仔仔曾被踢至倒地 GoGo日前在IG直播及發文表示仔仔在學校被同班同學踢頸至倒地，當時仔仔已向校方說感到「眼朦晒，心口痛、喉嚨好痛、想嘔」，但校方並沒有向她提及，事後當GoGo表示會追究事件時，校方才承認因為經過觀察覺得無事，所以沒有主動提及。 GoGo隨後更說仔仔是個肥仔，重120磅，所以沒想過會受到欺凌，但原來欺凌者只是一名身形瘦削的同齡同學，所以可以想像到對方有多大力，行為有多致命。 再受暴力對待 已去驗傷及報警處理 GoGo昨日再在IG上載仔仔被打的位置，說：「Again！今日被拳打肋骨！」，而GoGo接受傳媒訪問時詳細交代了事發經過，指校方當時聲稱仔仔排隊去洗手間時，對方拍了一拍他肋骨位，輔導員立即上前拉住，但對方爭脫。 而仔仔就說當時並沒有大人在場，對方是突然衝前一拳打去右邊肋骨位，仔仔感到好痛，於是扶住樓梯返課室向老師報告。現時已經到醫院驗傷及報警，等對方家長回應後再決定下一步行動。 欺凌者多次暴力對待其他同學 GoGo表示根據她了解，該欺凌者曾經將女同學推落樓梯，又兩次在其他同學皮鞋內小便，而她本人亦曾被欺凌者起飛腳攻擊，並說「you shut up」，當時她有立即叫司機拍片為證，以免對方將來反口不認。 不過校方卻堅稱以上所以個案都是「單一事件」，並叫她當對方是需要特殊照顧的小朋友來看待事件，令她感到校方在編造歪理，試圖合理化受害小朋友所受到的欺凌和攻擊。 袁偉豪及後在帖文留言「希望你孩子沒事」，其他網民亦向GoGo分享自己遇過的欺凌事件，建議她盡快幫仔仔轉校，GoGo回應指已帶仔仔看心理醫生，並決定完成本週測驗後就會轉校。 推薦閱讀： 《聲生不息》曾比特紅遍中港 盤點5件你要知的事 成功入行全因郭偉亮 《東張西望》主持利穎怡採訪老鼠屋業主被襲 盤點網民盛讚3大正義女神 😊為生活增值 Like👉 有線生活facebook💪睇健康貼士 Like👉 有線健康facebook🔔接收最新生活資訊 follow👉 有線生活ig @icable.life