#車cam
- JL
- 2023年01月31日
一線搜查｜ 中年漢人肉霸咪錶車位：你兜多個圈啦！ 私家車司機高EQ回應獲讚
香港地少車多，泊車車位一向供不應求，經常出現「有車無位泊」的情況。日前又再出現「人肉霸位」事件，網上流傳一段影片指，一名中年男子站在咪錶車位「人肉霸位」，拒絕讓私家車駛入，引起司機不滿理論，惟該男子仍拒絕離開，更表示「我架車喺後面」，要求司機「兜多個圈」。不少網民直斥該男子厚顏無恥，並且建議司機報警處理。 一名網民在Facebook群組「車cam L（香港群組）」上載一段影片，留言指「呢啲叫人肉霸位呀，你咁樣係唔啱㗎叔叔！」從片中可見，涉事地點疑為屯門黃金泳灘附近停車場，一名身穿藍灰色外套的中年男子站在咪錶車位，片中司機正與他理論，「人肉霸位啊叔叔你依家！係咪？你架車都未到，你明唔明啊？你話架車到咗，咁我泊咁我唔啱啦。」 男子：我架車就喺後面！ 該名中年男子則表示其車輛在後方，要求司機「兜多個圈」，「你…你…你兜多個圈啦，我架車就喺後面嚟，點樣嚟唔到啫？」司機不解：「點解我要兜多個圈啊？」男子續指，「架車喺度等就得，我個人喺到等唔得？」司機指出該男子做法不對，「個個喺度等緊㗎嘛叔叔，你明唔明啊？你唔啱啊叔叔」、「你架車都無到，你話喺後面塞緊，個個都喺後面塞緊㗎啦，你明唔明啊？你霸住個位唔啱㗎叔叔。」 男子否認人肉霸位：呢個位我㗎啦嘛 男子未有理會，更要求司機「行前少少」，「你行前少少啦，我架車已經到緊啦」，司機再次反問：「第幾架？邊架？喺邊度啊？你人肉霸位喎。」男子否認自己「人肉霸位」，並且反斥司機「塞住個位」，「依家咁多人喺度等緊，而家你架車喺嗰度，調返轉頭嚟塞住個位」，更強調此車位屬於他本人，「頭先個阿哥已經話畀我，畀我呢個位我㗎啦嘛，你而家仲喺度塞住架車」、「咁我係咪有權可以咁做啊？」 司機隨後將車輛駛前，惟該男子仍然未有離開，於是再次詢問男子車輛的去向，「你架車都未到，喺邊度呀？」而男子則大聲重複「咪喺後面囉，就喺你後面咋嘛」，影片至此結束。 網民：真係可以無賴到咁 不少網民直斥該男子「人肉霸位」行為十分無恥，、「人無恥，便無敵」、「咁大個人都唔覺得肉酸」、「強詞奪理，無得救了，這個是車位，不是人位，明白嗎」。亦有網民大讚片主有EQ高、有耐性，建議遇上「人肉霸位」情況，直接報警處理。 根據《簡易程序治罪條例》4A條，任何人無合法權限或解釋而陳列或留下，或導致陳列或留下任何物品或東西，而這些物品或東西對在公眾地方的人或車輛造成阻礙、不便或危害者，或可能對在公眾地方的人或車輛造成阻礙、不便或危害者，可處罰款5,000港元或監禁3個月。 （全文完） 免費電視77台《一線搜查》 播出日期：逢星期一至五 播出時間：20:00-20:30 WhatsApp報料熱線：68960931 節目重溫請＜按此＞
- JL
- 2023年01月12日
一線搜查｜港爸拖3女兒過馬路衝紅燈 車Cam片揭兩度險撞 網民：生仔真係要考牌
馬路如虎口，胡亂過馬路隨時出意外！網上流傳一段心驚膽顫的「車CAM（行車記錄器）」片段，一名父親帶著3名女兒衝紅燈，衝過兩條馬路，兩度險被車撞，幸好的士司機及時煞車，再加上有車主響咹，才未有造成意外。不少網民表示「生仔真係要考牌」，又直斥「趕時間到命都唔要」、「咁樣過馬路真係害死啲仔女」。 昨日（11日）YouTube頻道「車CAM特警」上載了一段「車CAM」片段，題為「爸爸一拖三亂過馬路，連續兩次險生意外」。片主表示，當時自己的車輛完全遮擋了左線左轉司機和行人的視線，幸好自己響咹提醒其他司機，才沒有釀成意外。他續指，「三個女嘅好爸爸，一朝早你好好彩已經兩次，唔知下次你仲係唔係咁好彩」。 片中可見，「車CAM」片段的拍攝時間為1月11日早上7時左右。當時正下著雨，一名父親撐著雨傘，帶著3名身穿校服的女兒衝紅燈直行，過完第一條馬路後，突然右轉想跑到對角馬路，而其中2名女兒更走在前方，另1女兒則獨自尾隨。此時一輛的士正轉彎駛近，幸好司機及時煞車，未有撞到他們。 拍片者響咹警告 避過意外發生 的士煞停後，他們並未有因此停低，一直繼續向前衝紅燈過馬路，的士司機見狀亦不禁打開車窗伸手指罵。結果4人衝到馬路中間時，拍片者突然響咹，提醒正駛近的七人車停下，而4人聽到聲響，亦一度停下來，其中1名女兒更嚇得跑回安全島位置，父親隨即繼續帶著另外2名女兒，衝過最後一小段馬路，而另1名女兒亦再次衝燈追上父親，一輛七人車則等4人橫過馬路後才開車，過程驚險。 網民斥：唔好害啲司機 大批網民直斥該父親帶女兒衝燈的行為離譜，「生仔真係要考牌」、「趕時間到命都唔要」、「做爸爸應身教子女依（照）紅綠燈過馬路，唔係後悔已遲」、「不知所謂的老豆，唔該唔好害啲司機」、「有冇咁趕時間啊！？第一次衰X咗，仲要過第二次？」另外，亦有人讚片主響咹提醒其他司機的做法，「片主真有心，好人有好報」。 根據《道路交通（交通管制）規例》，在交通燈控制的過路處，行人必須遵從交通燈指示，當交通燈亮起紅色燈號時，行人不得在有關過路處橫過或開始橫過車路，如無合理辯解，即屬犯罪，可處罰款$2,000。 （全文完） 免費電視77台《一線搜查》 播出日期：逢星期一至五 播出時間：20:00-20:30 WhatsApp報料熱線：68960931 節目重溫請＜按此＞
- 雪翎
- 2022年12月08日
一線搜查｜不滿的士司機無戴口罩 乘客爆粗狂罵：乞衣都不如 網民讚司機高EQ
的士司機無戴口罩被狂罵！近日網上流傳一條車Cam片段，有的士司機因為獨自在車廂駕駛時無戴口罩，被車上乘客大罵「乞衣都不如」，期間更教導身邊兒子「第時無嘢做都唔好揸的士」。片段惹來網民熱議，有人批評該名乘客是「西客」，亦有少數人力撐乘客有理，認為疫情下要時刻做好防疫。根據《預防及控制疾病（佩戴口罩）規例》條例，任何人士身處公共交通工具上時，均須一直佩戴口罩。 乘客上車即要求開窗：你除咗口罩啊嘛 有網民在Facebook群組「香港江湖日報之ON9限定 2.0」發布一條影片，從片中可見，有一家三口乘搭的士，男乘客上車即要求司機開窗：「開窗啦司機，你除咗口罩啊嘛！」司機解釋見到有客上車已戴回口罩，但男乘客續說：「你頭先咪除咗囉！」並要求司機再次開窗。 後來司機詢問乘客去哪裡，男乘客回答火炭，然後司機嘀咕：「好似搵交鬧咁。」乘客回答：「我唔係搵交鬧，我最憎人呢，開工時間嚟架嘛，你係有權要戴（口罩）㗎嘛！」司機回應指：「無人喺架車度我可以唔戴架喎。」男乘客就說：「你呢啲咪就賤格囉，我唔係搵交鬧，我係專登XX啲衰X人。」 司機被轟乞衣都不如 在兩人爭執之際，男乘客的兒子指：「老豆你扣錯咗我嗰個（安全帶）。」男乘客指責：「係咩？車都衰啲，人又衰。」然後教導兒子：「第時無嘢做都唔好揸的士。」司機說：「係啊，做乞衣好過。」男乘客回應：「係啊做乞衣啊，呢啲乞衣都不如。」 男乘客自稱「去過青山冧過幾個」 司機將乘客一家駛到迴旋處，但男乘客仍未說出自己想去哪裡：「唔知，再轉個圈。」女乘客隨即補充：「迴旋處轉右，我要去嗰個方向，我一陣間再話（目的地）畀你聽，好無？」司機指：「我都要知去邊度先揸到㗎。」男乘客說：「你聽X我哋指示啦！」 最後到達目的地時，男乘客說：「唔好畀錢佢啊，呢啲人咁賤格，畀2蚊佢好喇，認X住佢個X樣。」更表示自己曾殺過人：「我有精神病，我去X過青山冧X過幾個，你執X到啦。」最後影片結束。 網民：的士佬好波，EQ好高 片段惹來網民熱議，不少人都認為乘客是西客：「個仔唔好揸的士，唔通學你咁做西客好咩。」有人大讚的士司機EQ高「的士佬好波，EQ好高」、「好佩服個司機，好少可咁好EQ」。亦有一些網民力撐乘客，指疫情下要時刻做好防疫：「疫情反覆唔戴緊係驚」。 防疫條例：身處公共交通工具均須佩戴口罩 根據《預防及控制疾病（佩戴口罩）規例》（第599I章）下強制佩戴口罩要求，任何人登上或身處公共交通工具上時；或在進入或身處港鐵已付車費區域時；或進入或身處指明公眾地方時，均須一直佩戴口罩。 （全文完）
- Cory
- 2022年11月17日
一線搜查｜深水埗馬路駕風火輪攝車罅 男子遭的士開門擊中倒地 網民不同情：報警拉自己
風火輪攝車罅釀意外！近日，有網民在社交平台上分享了一段車Cam片，並寫道：「完美K.O」。片中見到一名男子在馬路上，踏著俗稱「風火輪」的電動單輪車，於車與車之間穿梭之際，剛好被的士乘客開門擊中，男子立即被撞至倒地。片段引起網民熱議，紛紛認為男子自討苦吃，不值得同情。 攝車罅遭的士客開門擊中 11月15日，有網民在Facebook群組「車cam L（香港群組）」分享了一段車Cam片，並寫道：「完美K.O」。片段顯示11月14日下午約3時，一名男子踏著「風火輪」於深水埗欽州街行駛，他當時與身後一輛電單車的車速相約。 直至去到黃金數碼廣場附近，由於前面塞車，男子欲攝入兩部的士之間穿過去，卻沒留意到右邊的士上有乘客準備下車，剛好就被打開的的士門擊中，男子隨即倒地。幸好，他並無大礙，影片最後見他已自行爬起。 網民批男子無牌駕駛 片段引起網民熱議，很多人都表示不同情，更嘲諷涉事男子留言道：「睇到拍哂手呀」；亦有網民認為是他自討苦吃：「條車隙又窄又有人都要攝埋去」；更有人說：「建議風火輪報警拉自己先」，揶揄男子無牌駕駛，又沒有第三者保險，即使出事也不能報警求助，十分理虧。 風火輪行馬路 隨時違法 根據《道路交通條例》（香港法例第374章），電動滑板及電動單輪車等電動可移動工具，均屬「汽車」。運輸署網站顯示，在行車道、行人路及單車徑上使用「電動可移動工具」，例如電動滑板車、電動單輪車、電動單車等，均可能違反《道路交通條例》及其附屬法例，以及其他相關法例。 此外，運輸署指基於道路安全，電動移動工具不宜與一般汽車共用馬路，且不適合在行人道上使用，亦不會獲發牌照。在本港道路／私家路上駕駛未領牌的電動可移動工具，有機會觸犯《道路交通條例》第52條所訂的罪行，初犯者可被判罰款5,000港元及入獄3個月。 （全文完） 免費電視77台《一線搜查》 播出日期：逢星期一至五 播出時間：20:00-20:30 WhatsApp報料熱線：68960931 節目重溫請＜按此＞
- JL
- 2022年11月14日
一線搜查｜港女搭的士稱無錢 爭執後爆粗詛咒司機：轉頭撞車死 業界拆解應對方法
網上近日流傳一段車Cam影片，指一名女乘客到達目的地後，無錢支付車資，表示要下車回家取錢，司機則要求對方著家人前來代為支付，引起一場爭執，女子其後更稱被司機非禮、強姦，司機最終報警處理。汽車交通運輸業總工會九龍分會副主任杜燊裳接受《一線搜查》訪問時表示，如乘客只欠少量車資，司機多數會酌情處理，但若果乘客有心「走數」，司機應要報警處理。 女乘客：你唔好玩我啦 一名疑似的士司機的網民，近日在Facebook群組《的士司機資訊網 Taxi》發文，分享了兩段車Cam影片，並留言呼籲「各位行家小心」。影片長近7分鐘，從片中可見，事發日子為11月12日早上8時許，坐在後座的女乘客向司機表示，「你唔好玩我啦，好冇呀？」。司機則回應：「我無玩你過你呀，你自己清醒回吓帶，睇吓你自己做過啲咩先啦」、「咁我問你畀錢，你無錢畀我，我唔報警，我玩你咩呢」、「又話我非禮，又話我強姦你，又脅持，咁樣叫我玩你」、「唔緊要㗎，依家報咗警，咁你無錢畀，我唔報警可以點？」 而女乘客則表示「慢慢等囉」，司機續指：「大家講道理㗎嘛，你去玩求開心，我做生意，咁我無錢收咁點呀」、「我頭先喺你屋企門口㗎，咁你無錢畀我話返上屋企，咁如果個個客咁樣，咁我唔使做啦，返咗屋企我去邊度搵你呀？我又無你電話、身份證。」 女乘客啜泣：我每個月搭一萬蚊的士 隨後多名警員到場，女乘客在車上以哭泣神情向警員表示，「我每一日都Call車㗎，你可以Check任何一個的士台，我每一個月係搭一萬蚊的士…成個的士司機、成個台，無一個唔知道我叫咩名，我係今日先撞正呢個瘟神，我真係日日都搭的士。」 網民：大把支付工具啦 警員聽罷安慰女乘客：「香港好多的士司機，佢唔認識你都好正常」，並且要求她支付車資。女乘客則不滿地表示「仲要畀佢呀？」而女乘客父親代為付錢後，女乘客下車時更以粗口指罵司機，「X街，你轉頭撞車死呀。」影片引起熱議，不少網民留言批評女乘客，「點解佢覺得最後都係應該唔使畀錢？」、「佢係咪唔想俾錢想搭霸王的？」、「咩年代呀，大把支付工具啦」。 業界：若乘客有心走數應報警 汽車交通運輸業總工會九龍分會副主任杜燊裳接受訪問時，分享乘客無錢或不夠錢付車資的應對方法。他指，如果乘客只欠少量車資，司機多數不會過份執著；乘客如果身上的現金不足，可用其他支付工具，例如銀行轉帳、支付寶、八達通等支付車資。 杜燊裳續指，「最主要係睇個乘客係咪真係有心走數，有心走數，作為一個司機係應該要報警。但如果係唔夠錢，可能有好多因素，例如塞車呢啲導致唔夠錢畀，我哋就希望啲司機算啦，無謂話因為依啲事情而搞到咁大陣仗，而事實上（報警）亦都對司機無利，開工係爭分奪秒，免得因小失大。」 （全文完） 免費電視77台《一線搜查》 播出日期：逢星期一至五 播出時間：20:00-20:30 WhatsApp報料熱線：68960931 節目重溫請＜按此＞