#連登
- 大C
- 2022年06月22日
元朗大停電冇開冷氣都瞓得着 連登網民感嘆：林超英係啱的
「我用咗10年或以上時間去證明，唔開冷氣呢，人係唔會死嘅！」《有線新聞》6月21日播出天文台前台長林超英訪問，他繼續鼓勵港人少開冷氣。同日晚上元朗天水圍大停電，有網民因此過了沒冷氣機的一夜，感嘆原來沒冷氣都睡得着，「停咗一晚電，發現林超英係啱的！」 「原來係風扇都唔使開」 元朗朗屏站對出電纜橋發生大火，導致元朗、天水圍及屯門大停電，至6月22日仍未全面恢復供電，多達16萬戶家庭受影響，不少人渡過了無冷氣的一晚。連登討論區網民「食骸甲」表示：「停咗一晚電，發現林超英係啱的！」他解釋：「開晒窗開曬門，唔冚被唔著衫，原來係風扇都唔使開，平時都唔使沖涼，原來用濕毛布抺一抺已經好舒服。」 「真係唔覺得熱」 該位網民更表示：「你唔愛大自然，大自然係會反撲的，大家都要一齊愛護環境喔，我決定以後都唔開冷氣風扇同唔沖涼了！」看來這位網民經過一夜「自然風」洗禮後，對保護環境有了新看法。有網民留言附和表示：「真係唔覺得熱，夜晚好大風好涼。」也有人理性分析指「其實主要係因為成幢樓開唔到冷氣」。 林超英：不開冷氣不會死 天文台前台長林超英近日接受訪問時，再次呼籲港人少開冷氣，「如果想對地球有貢獻，就要用少啲電，最主要係用少啲冷氣機……我都用咗10年或以上時間去證明，唔開冷氣呢，人係唔會死嘅！」2021年是香港有紀錄以來最暖一年，有61晚屬於「熱夜」，比1997年的12晚多了四倍。林超英表示，熱夜急升主要是由於全球暖化加上香港住屋密度高。他又指，氣候變化問題已非常明顯，「好多香港年輕人由出世到而家，都未見過一個本來正常嘅世界，就好容易當咗呢個現在情況係正常，但其實而家呢個情況係非常不正常」。 （全文完） 常見問題 問：林超英為何不開冷氣？ 答：林超英建議保護地球，因此減少用電，尤其減少開冷氣👉🏻詳情請看 問：林超英認為氣候問題嚴重嗎？ 答：林超英認為氣候問題已非常嚴重，只是年輕人感覺不到…👉🏻詳情請看 推薦閱讀： 元朗大停電｜網民瘋傳李丞責貼中虎年電力出事 教3招趨吉避凶 元朗大停電｜街坊幫消防車開路 救護員抬擔架行上40樓 網民感動：香港好彩有你哋 元朗大停電雪櫃食物怎處理？ 食安中心提醒：不要打開雪櫃門！ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年06月08日
單親母做10年地盤工養家 港男試工一日即愧疚落淚：我以前睇唔起地盤佬
近日有網民在連登討論區以「今日第一日跟老母做地盤，食飯嘅時候我喊X咗」為題，出帖分享自己首次與母親到地盤工作，事主本以為自己健身兩年，能夠輕鬆應付，但沒想到原來連3包水泥也推不動，最後午飯時更因為媽媽一句說話愧疚落淚，感動不少網民。 以下為連登網民「會員破樸吧」原文： 拒做廢青決定跟母做地盤 「我老豆老母喺我好細個嘅時候就離咗婚，我自細就跟老母生活，老母讀書唔多，一直都只能做藍領，例如保安，仲要係十二碼嗰啲，我未起身佢已經出門，到我放學放工佢都未收工。 一次機緣巧合，佢識人介紹做地盤，一做就做咗十年，係就係搵多咗工作時間又少咗，但就經常聽到佢抱怨呢度痛果到痛。 至於我畢業後，就一直打份hea工，返工就係上連登果種，直至疫情失業日日做廢青，當積蓄都洗晒美股輸晒，我終於決定跟我老母做地盤。」 健身兩年連3包英泥也推不動 「今日係第一日，老母一早起身煮好飯裝好畀我帶，我問佢點解唔夜晚果餐煮多啲，佢話隔夜唔好食，想畀我食好啲。 終於出門，未去到地盤我已經出晒汗，到做嘅時候仲辛苦，我自問做gym兩年都頂唔順，一包英泥40kg我一次一包咁抬上架一個轆嘅雞公車，總共三包。 當我想推嘅時候，X你老母推唔郁，我調整下姿勢，降低重心再推，X你老母成車反咗，最後都要我老母走過嚟幫我。」 一句「夠唔夠食」令事主落淚 「終於熬到12點食飯，我哋搵咗個位坐低，我諗起我以前睇唔起地盤佬，而我依家好似個乞衣咁坐喺地下食飯。 我望一望我老母，佢問我夠唔夠食，唔知點解我嘅眼淚突然湧出嚟，我即刻低頭望住個飯，係咁眨眼，試圖將眼淚擠返入去：『夠呀 你食啦…』」 網民：你識咁諗證明你喺正途上 帖文獲近7千讚好，不少網民被事主故事感動，留言叫事主要好好體諒母親辛酸：「啱啦，等你呢啲自以為高高在上嘅人感受下你老母湊大你條契弟係幾咁辛酸」、「女人喺地盤成日畀人呼呼喝喝，如果係真嘅你真係要孝順你老母」、「真正愛自己細路嘅父母，動力係好大，你識咁講證明你仲細。你識咁諗證明你喺正途上」。 亦有網民給了忠告：「體力勞動最忌用死力夾硬頂，多多都唔夠你傷（尤其係腰），睇吓有冇人教到你點樣慳力／避免受傷」、「雞公車唔係推， 係逗，紮好馬步，伸直微曲逗高，貢桿原理，尾高過頭自然帶到架車仔行。」、「先學為主，人地動作係點你跟足慢慢嚟，唔係好易整傷」。 （全文完） 常見問題 問：為何男事主會跟媽媽去做地盤工？ 答：因為男事主失業後花光積蓄及炒燶美股…👉🏻詳情請看 問：網民如何評論事？ 答：網民多留言鼓勵事主要孝順母親…👉🏻詳情請看 推薦閱讀： 移民｜以移民為條件拍拖 港女IG呻男友臨出發反口 網民撐分手：一開始就呃緊你！ 連登網民憶20年前母親送冷衫到學校 今母親患癌自己送褸到醫院 網民感動到喊 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年05月26日
連登網民憶20年前母親送冷衫到學校 今母親患癌自己送褸到醫院 網民感動到喊
不知道大家覺得母親對你做過最窩心的事是甚麼，近日有網民在連登討論區出文分享自己與母親20年前的一段往事，到近日再因為母親的一句說話而嚎哭。不少網民都表示「睇到眼濕濕」，齊留言為事主打氣。 以下為連登網民「中野4葉」帖文： 「6歲時我一年班，冬天嗰陣有一次因為曳被老師罰企一個禮拜，早會同小息都要企特別隊，等全校都知我係曳學生。 所以開始罰嗰朝我扭計唔肯返學，呀媽同我講『做錯事就要承擔後果，你乖乖哋罰完之後就唔好咁曳』我被阿媽送咗上校巴，返到學就喊住咁企特別隊。 可能係我扭計攪到有啲混亂，我上咗校巴之後，呀媽先發現自己仲拎住我件冷衫。當我喊住咁罰企之際，突然見到呀媽拎住我件冷衫嚟咗學校。呢個畫面過咗廿年仲係歷歷在目。 佢幫我着咗件冷衫之後就走咗，而我都冇再喊，繼續罰企。」 子20年後為患癌母添衣 「廿年後，我26歲，而阿媽喺半年內因癌症而反覆入咗醫院幾次。有一朝，阿媽7點就打俾我：『阿仔，我好凍呀，你可唔可以早啲拎多件褸俾我？』 我個心好痛，因為喺呢兩個星期，我已經拎咗幾件褸去醫院俾佢，但佢虛弱到着哂都覺得凍。 嗰朝我拎住件褸去到醫院，求護士俾我早啲入去探佢。入到去，佢好攰咁坐喺床邊，見到我就微笑一下。我幫佢着咗件褸，洗面，餵佢食早餐。 我捉住佢隻凍冰冰嘅手，忍住眼淚同佢講『放心啦，我會努力承擔自己嘅人生，踏實咁生活落去。』佢冇出聲，只係擠出廿年如一嘅溫柔微笑。 而喺同一個晚上，我喺佢床邊，好似廿年前咁樣嚎哭。」 齊為事主打氣：巴打加油！ 帖文引來大批留言，讚好數量更高逾1.5萬，不少網民睇到眼濕濕、好心噏，紛紛表示：「巴打保重」、「要努力生活比媽咪見到你開心」、「你媽咪可以喺走嗰陣時，可以喺充滿着你嘅愛同埋關懷嘅底下離去，我諗得佢來講已經係最大嘅福氣。」，而事主就回覆說：「再次多謝咁多位嘅鼓勵，雖然我而家仲係好難過，有啲頹，但我需要啲時間去move on，希望過多一排我就做到對呀媽嘅承諾。」 網民分享自身故事盼事主保重 同時亦有網民分享自己與母親的往事：「我好細個都經歷過，但我媽好tough，佢應該係放心唔落我同我哥，最後捱過化+電療先好返。喺度都希望祝有奇蹟出現」、「睇到流咗眼淚，因為小弟嘅母親係一手湊大我同啊哥。老豆仲要爛賭爛飲包二奶。所以仲有家人嘅你一定要珍惜。同時樓主一定要加油」、「舊年呢個時候都係我老豆走嘅日子，同佢大半生都狗咬狗骨，到佢開始有老人癡呆症就明白，老豆係我將來嘅寫照，所以同佢享受人生，同佢清潔、推住輪椅冒著風雨去酒樓飲茶，有時去老人院陪下佢，好多時都好掛住佢，加油呀！」 （全文完） 推薦閱讀： 移民｜以移民為條件拍拖 港女IG呻男友臨出發反口 網民撐分手：一開始就呃緊你！ 《聲生不息》炎明熹衣錦還鄉與家人相擁而泣 母見獎座爆喊：我知道特別特別不容易 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life