#陳柏宇
- 雪翎
- 2022年10月25日
陳柏宇專訪｜做歌手為利不為名？回望初出道樣貌：想大巴煎落自己度
77台HOY TV首個選秀節目《就是青春》已開播，今個星期六（10月29日），將會有更多機會見到擔任「YOUnion」召集人的Jason陳柏宇出場，聯同葉巧琳、曾樂彤及黃靜藍帶領一眾學員唱歌跳舞，分享心得和經驗。《有線娛樂》專訪Jason一探他出道16年的音樂之路，Jason表示：「睇返以前啱啱出道嘅相，就想大巴大巴煎落自己度，完全唔明白點解有人覺得型。」他又直言其實不是太喜歡唱情歌，究竟原因何在？立即睇吓Jason點講！ https://www.facebook.com/icable.ent/videos/1140370193570651/ 入行3大必要條件 入行16年的Jason，見盡不少歌手的事業起跌，想要成功，除了運氣，究竟有哪3項條件是現今入行必備？Jason直言：「人緣、外表、技巧！我覺得能力係死，畢竟香港音樂娛樂事業往往都唔係由純能力行先，靚仔靚女一定有少少幫助。」 至於自己是否齊集以上3項條件？Jason先講外表，笑指好想大巴打自己：「好似老咗之後，個樣愈嚟愈好，多咗成熟嘅感覺，順眼咗。睇返以前啱啱出道嘅相，就想大巴大巴煎落自己度，真係完全唔明白點解有人覺得型。」大家有聽Jason唱歌，都知道他有一定實力，不過講到技巧，Jason反而謙虛說：「我嘅能力就點都有啲，當然亦有後天努力，入行十幾年，一直繼續學唱歌，係因為承認自己歌唱能力唔足夠。」 不會改變自己遷就觀眾 出道至今，Jason好像一直順風順水，事實上，他直認有遇過低潮期：「不過我唔會畀低潮去定義我嘅經歷，所以都叫做冇低潮過。但如果低潮係啲人唔鍾意聽我唱歌，我就睇下有咩可以進步，反省歌唱能力。」 Jason一直都有自己一套歌手定義，曾自嘲不計較流行榜、不理MV點擊、不經營粉絲流量的他，直言不會為遷就觀眾而改變做人方向和性格：「如果純粹係觀眾唔喜歡我，咁就點變都冇得搞㗎喎！如果我要改變，就即係唔需要有『我』嘅存在，係人都可以取代我嘅位置。」 做歌手不為名只為出糧 Jason多次表示過不想大紅大紫，現在有甚麼原因令他仍然留在樂壇？「我嘅職業係歌手，唱歌係我嘅工作，亦都係擅長同喜歡做嘅一樣嘢。當然，我仲有觀眾喜歡，仲有機會繼續喺呢行發展，我又好鍾意唱歌，就好順利成章繼續做歌手。坦白講，唔係下下為名嘅，利就點都有啲㗎喇，返工都要出糧。」 最後，透過試音入行的Jason被問到，如果初出道的他參加《就是青春》比賽，會是贏還是輸？Jason秒答：「輸呀！我覺得我會輸！因為我喺有壓力嘅情況下表演都係比較差。」不過 Jason表示很開心今次可以與一眾年輕參賽者合作及分享，亦希望觀眾可以多多支持參賽者們，一齊看他們在比賽過程中的成長。 （全文完） 免費電視77台《就是青春》 播出日期：逢星期六 播出時間：20:00-21:25 重溫：＜按此＞
- 雪翎
- 2022年09月06日
就是青春｜4位星級YOUnion曝光 陳柏宇自嘲「宇叔」 甜美模特兒被稱「嫩版林志玲」
昨日（9月5日），開電視首個選秀節目《就是青春》進行開廠拜神儀式，由陳柏宇、葉巧琳、曾樂彤、黃靜藍4人組成的團隊「YOUnion」，將會帶領一眾學員練習唱歌跳舞，另外還會分享心得和經驗，陪伴學員共同成長，想去下文看導師介紹！ 陳柏宇自嘲「宇叔」 想出錢出力幫學員 作為前輩的Jason陳柏宇早在2005年就以歌手身份出道，2008年憑派台歌《你瞞我瞞》爆紅，獲「叱咤十大專業推介第三位」及「我最喜愛歌曲五強」。後來Jason一直努力創作音樂，尤其以《回眸一笑》和《別來無恙》最備受好評，有網民甚至以「樂壇隱世高手」為名，在討論區開帖文議論Jason，從此Jason就多了個「隱世高手」稱號。 在《就是青春》開廠拜神當日，Jason向各學員分享心得，又嘲笑自己叫「宇叔」，直言最喜歡做體力勞動工作，例如下廚和出錢出力等，最後Jason不忘叫學員：「想飲咩講就得！」 《造星3》葉巧琳升呢做導師 在ViuTV選秀節目《全民造星III》奪第五名的Mischa葉巧琳，今次以導師身份來到《就是青春》舞台，令人十分驚喜。其實Mischa在2013年就以歌手身份出道，其中憑單曲《神把眼淚都留給了人》最為人所知，可惜Mischa一直發展平平，直到2020年參與《全民造星III》，才終於令一眾評判觀眾認識她，後來，Mischa陸續推出歌曲《浸浴》和《難道我還未夠難》等，都獲得相當好的成績。 雖然今次Mischa缺席《就是青春》開廠拜神，但相信同樣經歷過選秀比賽的她，一定能幫助學員突破自己。 曾樂彤負責陪伴及減壓工作 2018年出道的曾樂彤，最初以網上教授化妝技巧為主，後來簽約英皇娛樂成為歌手，推出作品《單身旅遊日誌》。另外，曾樂彤參與過不同電視劇和電影拍攝，包括ViuTV 《熟女強人》和《阿媽有咗第二個》等，全力向歌影視三棲發展。 曾樂彤表示，因為自己性格比較活潑，所以希望在《就是青春》比賽中，可以向學員分享入行經驗，另外亦想負責陪伴及減壓工作，帶學員出去遊玩。 黃靜藍做「樹窿擔當」解決學員煩惱 2017年出道的黃靜藍是一名模特兒，有「嫩版林志玲」之稱，同時她也是藝人李日朗的女朋友。近年，黃靜藍開始投入拍攝工作，除了擔任有線電視節目《靚女掃貨團》主持外，還負責開電視節目《疫境中的餐桌》主持，積極向電視圈發展。 黃靜藍自言今次會做「樹窿擔當」，學員有任何情感煩惱都可以找她傾訴，就算是受到節目組欺壓也不怕，她會為大家爭取。 （全文完）
- JL
- 2022年05月23日
海鮮檔小鮮肉似陳柏宇？網民激讚：靚仔過荃灣豬肉檔AK！
自從「荃灣豬肉檔AK」阿威爆紅後，不少街坊現在去買餸，都金睛火眼留意一下街市有無靚仔。早前《有線生活》為大家集合了多區街市的靚仔，近日又有網民發現街市海鮮檔有靚仔，更指他似歌手陳柏宇，又謂靚仔過「荃灣豬肉檔AK」。 網民大讚海鮮檔小鮮肉 有網民在社交平台分享了幾張照片，表示是海鮮檔的店員，直言靚仔過「荃灣豬肉檔AK」。從相中可見，該海鮮檔男子身穿藍色短袖上衣、防水圍裙，皮膚白皙，一頭俐落短髮，吸引大批網民留言激讚「小鮮肉」、「真係幾靚仔」、「呢個樣幾好」。 靚仔過「荃灣豬肉檔AK」？ 亦有不少人認同樓主，認為海鮮檔小鮮肉比「荃灣豬肉檔AK」阿威更靚仔，「我都覺得佢靚仔啲」、「呢個靚仔好多」、「嘩，這個好點」，亦有人認為不應比較，「各有各靚，唔好比較」。 另外，又有網民覺得似歌手陳柏宇，「海鮮檔陳柏宇」、「有啲似陳柏宇」。 「荃灣豬肉檔AK」冧爆Fans 而「荃灣豬肉檔AK」阿威，近日不止獲運動品牌垂青，接拍了他的首個廣告，更正式開設官方社交網及YouTube頻道。日前，他更新Instagram，上載了一張擺出愛心手勢的半身照，冧爆一眾粉絲「威威豬」，魅力確實不容小覷！ （全文完） 阿威如何突然成為網絡紅人 變身「師奶殺手」？👉 荃灣豬肉佬AK應援團突破6千成員 再有新相流出 網民:加返口罩好啲 阿威人氣高企 淘寶上更出現其攬枕！👉 荃灣靚仔豬肉佬阿威攬枕驚現淘寶 最貴售¥188 還有兩個另類紅星都出過攬枕 除了「鮮肉威威」 網民報料多區街市都有隱世小鮮肉：👉 全港18區街坊發掘街市靚仔 唔止荃灣豬肉佬 賣菜賣魚都有！ 街坊野生捕獲阿威便服Look：👉 荃灣靚仔豬肉檔AK阿威便服Look曝光 網民：原來條圍裙係遮肚腩 推薦閱讀： 《尋人記2》｜投訴王安仔5大威水史！揚言林鄭、彭定康都識佢？ 家庭主婦若有糧出 年薪可達$100萬 19項家務 人工最高係呢樣？ 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life