9月中何文田一棵鳳凰木倒塌壓毀四輛車，包括一輛校巴，司機大難不死。沙田顯徑邨近日就大舉鋸樹，有街坊估計是受到何文田塌樹事件影響，邨內多棵大樹的樹幹都被修剪，街坊形容慘不忍睹。免費電視77台節目《一線搜查》訪問有「樹博士」之稱的教育大學地理及環境科學研究講座教授詹志勇，他直指顯徑邨剪樹方法明顯錯誤、不專業，表示： 「做乜咁害佢（樹）先得㗎！」 街坊：原先豐豐盛盛 顯徑街坊譚先生向《一線搜查》表示，邨內近日有多棵大樹無故被修剪，破壞了原有的生機，他說：「早兩日起勢係咁鋸鋸鋸……原先豐豐盛盛、茂茂實實好健康，而家鋸到你慘不忍睹、不知所謂。」譚先生認為，鋸樹並沒有必要，因為樹木原本狀態很好，是「啲大樹好高嘅，又係俾人剪到枝葉疏落，真係好過份，原來好多雀仔㗎裏面」。 詹志勇指鋸樹荒謬 顯徑邨鋸樹行動是否合理？人稱「樹博士」的學者詹志勇表示：「你斬出嚟嘅枝葉，睇下接口有冇爛、有冇樹洞，冇吖嘛，你依家切口好整齊好靚，嗰啲靚木嚟！」對於顯徑邨大舉鋸樹，詹志勇直指荒謬，「好木你做乜鋸佢先得㗎，荒謬！荒謬！……你覺得佢哋係咪驚弓之鳥，驚弓之鳥都要睇到個弓吖嘛…̷
