秋天是行山季節，同時也是蛇加緊覓食準備過冬的活躍期。早前有網民表示放狗時遇到蛇，語帶自豪地表示：「見到雪糕筒就手筒死佢！」免費電視77台節目《一線搜查》訪問香港兩棲及爬蟲協會領養部幹事黃朗研Victor，他表示很多人對蛇有誤解，其實遇見蛇只要靜待牠走過即可，隨意攻擊蛇不但為自身帶來危險，更可能觸犯《防止殘酷對待動物》條例。 逞英雄心態不可取 「其實用磚去掟佢哋又好，用物件鏟死佢哋都係好，其實呢個係一個弱虐待行為，甚至而家見到一個趨勢係，好多人會覺得呢個係逞英雄心態，整死佢（蛇）擺上網。」黃朗研表示，從圖片所見，該條蛇只是「BB仔」，不會主動攻擊，即使大條都不會。過去亦試過有人目擊一條大蛇經過，便「飛磚」攻擊蛇，黃朗研表示：「其實呢件事非常之悲哀，因為條蛇只係夜晚出嚟行過，但就遇到你，點知俾你整死咗。」 蛇不會主動攻擊人 很多人見到蛇會感到驚慌，又認為蛇有毒，被咬後果不堪設想，於是便主動攻擊蛇。黃朗研形容普遍人對蛇有誤解而攻擊蛇，「呢個危險係你自己帶俾自己」。他解釋，大部份蛇都沒有毒，即使是毒蛇，其毒液都非常珍貴，除非受到威脅，否則不會攻擊人，濫用毒液，「你喺街度見到其實唔使咁擔心，佢哋
