#Edan
- 雪翎
- 2022年08月01日
MIRROR演唱會｜Anson Lo、Edan執生能力超強 Jer、Frankie險跌機關靠「神隊友」救返
男團MIRROR紅館演唱會《MIRROR.WE.ARE LIVE CONCERT 2022》在7月28日晚第4場發生嚴重事故，舞蹈員李啟言（阿Mo）在呂爵安（Edan）及盧瀚霆（Anson Lo）演唱《Elevator》時，被一幅巨型屏幕墮下壓傷。不少網民事後責罵Edan及Anson Lo見死不救，認為兩人在發生意外後仍繼續跳唱，十分冷血。不過，日前有多名現場觀眾紛紛上載影片為兩人平反，更力指他們是「神隊友」。 【神隊友事跡1】Jer險跌機關橋 Anson Lo伸手拯救 從YouTube片段可見，在第1場12子演唱《Ignited》時，機關橋開始慢慢升起，同時像「搖搖板」般不停搖晃，雖然當時Anson Lo正與邱傲然（Tiger）互動，但見到站在最外面的柳應廷（Jer）興奮跳動，加上前後欄杆極矮，缺乏防跌作用，所以即意識到他有機會跌落橋下，於是馬上走過去伸手將Jer拉回橋中間，救Jer一命。 【神隊友事跡2】Frankie險跌2米機關 Anson Lo、Edan即托住 在第2場陳瑞輝（Frankie）演講時，他不慎跌到台下擦傷，但從另一角度的新片段可見，Frankie當時其實就快跌落2米深的機關，幸好有一對持咪高峰的手，合力在台下將他托起，才令Frankie僅只是擦傷。經網民細心研究，發現Frankie跌落的機關位置，正是Anson Lo和Edan準備升上台的位置，加上托起Frankie雙手的衣袖，與兩人的衣著吻合，所以可證實兩人拯救了Frankie。 【神隊友事跡3】Jer險跣倒地上 Anson Lo伸手扶實 在第3場Anson Lo及Jer同台演唱《蒙著嘴說愛你》時，Jer因為太大動作而幾乎跣倒地上，幸好Anson Lo見狀即伸手扶實Jer，才令Jer沒有受傷。隨後，Anson Lo見Jer無事才繼續唱歌。 【神隊友事跡4】為保Dancers安全 Anson Lo即改舞步 在第4場Anson Lo獨唱《KING KONG》時，舞台機關因為失靈而不能正常升降，在狹小平台上，所有Dancers都做好準備，撐起Anson Lo做腳部舞步，但最後Anson Lo決定放棄原定舞台效果，選擇只做手部動作，保護一眾Dancers。 23位舞蹈員、張繼聰發聲撐12子 有見網民對Anson Lo、Edan指控，23名舞蹈員於7月31日發表聯合聲明指：「MIRROR 12子與我們均賣力演出，此刻與我們一起共渡難關，請勿將責任歸咎於該演唱會任何一位表演者。」藝人張繼聰亦表示：「大眾唔會明我哋喺個台經歷緊啲乜嘢，普通市民睇到呢條片，係會知道5秒後發生咩事，但佢哋喺現場嘅時候，就算一個普通嘅觀眾，都未必即時反應到。」又說：「作為一個同行，我只係覺得佢哋好慘，呢一種執生係超越咗我哋平時可以執生嗰種，去到咁大件事，點會反應到？」 （全文完） 常見問題： 問：如何證明是Anson Lo、Edan救起Frankie？答：經網民細心研究，發現Frankie跌落的機關位置… 詳情請睇 問：為什麼Anson Lo、Edan會被網民責罵？答：網民認為兩人在發生意外後仍繼續跳唱… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年07月25日
《闔家辣》票房破$1700萬 Edan呂爵安上載爆笑花絮 與小如豬相殺相愛日常超Sweet
由鄭晉軒執導，吳君如監製，鄭中基、吳君如、梁詠琪及呂爵安（Edan）主演的賀歲電影《闔家辣》上映9日，票房已破$1700萬！日前，主角之一的Edan在YouTube上載了爆笑幕後花絮，其中亮點就是妹妹小如豬到場探班做助手，兩人相殺相愛日常Sweet到爆，羨煞旁人。 真人真事改編 還原導演創業故事 《闔家辣》是改編自導演鄭晉軒（Coba）在疫情期間創業賣辣椒醬的真實故事，Coba這個角色就是由Edan飾演，而這次亦是Edan第一次拍攝電影，令大批粉絲超級期待。 出名人緣好，多前輩愛錫的Edan一入片場即時乖巧地和工作人員打招呼，然後就向大家介紹Coba家中環境，將大家在劇中所見的客廳、廚房、主人房等逐一展示出來。Edan一邊拍攝，一邊大讚家中環境漂亮，還特別叫大家一齊欣賞美術指導的佈置。最後，晨早到場開工的Edan即時攤在床上睡覺補眠，唞足精神等導演開機。 小如豬化身小助手現身 身為「妹控」的Edan，在午飯時間立即出片場迎接妹妹「小如豬」，Edan一見妹妹就立即變聲，語氣溫柔地介紹：「神秘助手到，Hello，呢個咪鼎鼎大名嘅小如豬？」然後又摸妹妹臉頰。正當兩兄妹大晒恩愛之際，小如豬就立即表示是被迫探哥哥班，然後推開Edan手掌，兩人相愛相殺日常又溫馨又搞笑。 期後，小如豬化身Edan助手，調皮地影低哥哥醜態和怪表情，又向前輩鄭中基大爆哥哥在家中不做家務。當Edan問小如豬今日表現如何時，小如豬即答：「一般般啦」，然後Edan問到自己演戲有沒有驚喜時，小如豬絕情回答：「無呀」。兄妹二人相殺過後，又馬上溫馨對望，原來小如豬一直留在片場等Edan收工回家，而且還在鏡頭前向哥哥打氣，兄妹感情好得令人羨慕。 最後，小如豬表示拍攝真的很累，即使在場外觀看4小時已經很辛苦，但相信兩人看到《闔家辣》得到好成績時，一定會覺得付出是值得的。 （全文完） 常見問題： 問：《闔家辣》票房有幾多？答：《闔家辣》上映9日票房已破$1700萬… 詳情請睇 問：《闔家辣》幕後有甚麼好笑花絮？答：小如豬向前輩鄭中基大爆Edan… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年07月19日
DSE放榜｜10個DSE高分藝人 Anson Lo、Edan係MIRROR高材生 COLLAR邊個讀書最勁？
2022中學文憑試（DSE）7月20日放榜了，你還在討論E-Kids會考加起來不多於5分？不如今年搞搞新意，看看哪些藝人曾在DSE考獲不錯成績，當人有位圈中人的大學學生照，更被學校用來作生招牌，相當威水。《有線娛樂》為大家盤點10個高分藝人，即看他們當時入到甚麼學科吧！ 【1】Edan＠MIRROR MIRROR成員Edan（呂爵安）就讀荃灣區band1中學：可風中學，DSE考獲最佳五科25分的成績，成功入讀香港大學工商管理系（資訊系統），他是MIRROR中最高分的成員，而Edan的大學照更被港大用來當作生招牌！不過自言選錯科的他，形容能如期畢業是奇蹟。 【2】Anson Lo@MIRROR MIRROR成員Anson Lo（盧瀚霆）就讀葵青區band1中學：保良局羅傑承（一九八三）中學，DSE考獲最佳五科23分，包括中文5*、英文5，其餘科目為4，成功入讀香港城市大學工商管理學（商業分析），是MIRROR中第二高分的成員！不過立志成為跳舞老師的他，入讀不久就決定退學做Dancer。 【3】游嘉欣 藝人游嘉欣中學就讀博愛醫院歷屆總理聯誼會梁省德中學，DSE考獲最佳五科約20分，其中經濟科及地理科達5級，成功入讀香港城市大學市場管理系。 【4】何依婷 2017年香港小姐亞軍何依婷中學就讀佛教孔仙洲紀念中學，DSE考獲最佳五科27分，成功入讀香港城市大學商學院資訊系統學系（環球商業系統管理），副修心理學。何依婷在學期間GPA高達3.5以上，最後以一級榮譽成績畢業。 【5】陳曉華 2018年香港小姐冠軍陳曉華中學就讀傳統名校真光女書院，DSE考獲最佳五科27分，成功入讀香港中文大學護理系，並曾在2016至2017年的第一學期獲頒發「鄭棟材獎學金」。 【6】鄧卓殷 2018年香港小姐亞軍鄧卓殷中學就讀傳統名校協恩中學，DSE考獲最佳五科33分，其中更有4科取得5**佳績，成功入讀香港大學建築系。鄧卓殷在《2017年度亞洲建設大獎評選》的學生界別中贏得優異獎，最後以一級榮譽成績畢業，是歷屆港姐中最高分的一名！ 【7】馮盈盈 2016年香港小姐冠軍馮盈盈中學就讀深水埗區band1中學：寶血會上智英文書院，DSE考獲最佳五科28分，成功入讀香港大學食品及營養學系，以二級榮譽乙等成績畢業。她最近更在IG宣布，成功通過CFA Level 1考試 (金融投資從業者專業資格認證）測試。 【8】沈殷怡 ViuTV人氣女神沈殷怡中學就讀傳統名校聖保羅男女中學，雖然她沒有公開DSE最佳五科的成績，但就有透露考獲4科5**佳績，即至少28分，後來她更成功獲全額獎學金入讀上海復旦大學法律系，回港後再報讀香港中文大學法律系碩士。 【9】Ivy So@COLLAR COLLAR成員Ivy So（蘇雅琳）中學就讀藍田聖保祿中學，DSE考獲最佳五科21分，入讀香港專上學院，後來再成功考入香港中文大學護理系，不過因為參加ViuTV選秀節目《全民造星IV》而決定中途退學。 【10】Candy@COLLAR COLLAR成員Candy（王家晴）中學就讀香港神託會培基書院，DSE考獲最佳五科24分，其中數學科及經濟科取得5*佳績，成功入讀香港城市大學心理學系，是COLLAR成員中最高分的一位！ 學友社就預計，今年最佳5科成績達20分即可穩入8間資助大學，希望各位考生有緣做各位藝人的師弟師妹。 （全文完） 常見問題： 問：幾多分可以入讀大學？答：學友社預計今年最佳5科成績達20分即可穩入8間資助大學… 詳情請睇 問：誰是歷屆港姐中成績最好？答：鄧卓殷… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- 雪翎
- 2022年07月13日
毛舜筠邀Edan、Jer回家煮飯 1,700萬大埔獨立屋自嘲「寒舍」 廚房內部裝潢曝光
毛舜筠（毛姐）與MIRROR成員柳應廷（Jer）和呂爵安（Edan）因合作拍攝電影《阿媽有咗第二個》和《死屍死時四十四》而結緣成為「母子」。日前，毛姐邀請了兩位「阿仔」到價值$1,700萬的大埔康樂園獨立屋一齊煮飯，令豪宅內部意外曝光。 Edan：你呢個都係寒舍，我嗰啲係狗屋 毛姐在個人YouTube頻道上載了一段名為「阿仔返阿媽屋企食飯」的影片，毛姐一開頭便親自擔遮到門口迎接Jer和Edan，短短幾秒已經見到毛姐前院有私人泊車位和不同盆栽擺設，設計實而不華。入到門口即見到左邊有木製樓梯通往2樓，而右邊則通往客飯廳，配合暖色燈光，氣氛好溫馨。 毛姐見到兩個「阿仔」時，立即搞笑話：「寒舍啊，寒舍啊」，Edan回應：「阿媽你呢個都係寒舍，我嗰啲係狗屋。」毛姐聽後立即爆笑。眾人入屋後，毛姐就向兩人介紹老公區丁平做「老竇」。 特大開放式廚房 入屋後，Jer和Edan跟隨毛姐到特大廚房學煮飯，從片中可見，毛姐廚房為開放式廚房，空間感十足，就算枱面放滿廚具、調味料、食材都仍然有很多空位剩，牆上亦設有2個入牆式焗爐，整體設計以木色和白色為主，又簡潔又溫馨，相信這個廚房絕對是各位女士的Dream kitchen！ Jer大爆擇偶條件 煮食期間，毛姐立即捉緊機會問Jer：「如果第日結咗婚，老婆使唔使識煮嘢食？」Jer回答：「一齊學！因為我地呢一行好難出街，多啲喺屋企有啲活動一齊玩下，識煮食係bonus，性格夾最重要。」他又表示自己好追求與另一半有共同興趣，因為自己很鍾意藝術，如果對方與自己相似就會更好。毛姐期後大讚Jer好「多情」，毛姐解釋：「多情係指一愛就好愛。」 巨型客廳、私人健身室 毛姐在IG不時會分享生活近況，熱愛下廚的她除了有特大開放式廚房外，還有超大客廳，方便宴請好友食飯相聚。另外屋內亦設有私人健身室，入面有齊瑜伽墊和健身器材等，又有巨型客廳和室外大花園，可以一邊望住美景一邊吃早餐嘆茶，超級寫意。 61歲的毛姐是圈內有名的物業投資高手，自89年起便先後擁有十個單位，30年來在物業市場從未失手，低買高賣共賺3,000多萬，蔡少芬向毛姐請教賣樓心得後，亦即賺一百多萬，十分犀利！ （全文完） 常見問題： 問：毛姐幾時同Jer和Edan結緣？答：三人因合作拍攝電影《阿媽有咗第二個》和… 詳情請睇 問：毛姐物業投資高手有幾勁？答：蔡少芬向毛姐請教賣樓心得後，立即… 詳情請睇 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年07月13日
I SWIM｜Jeffrey魏浚笙6件事 靚仔似陳冠希全因媽媽強大基因！28歲女朋友有「神秘身份」
Jeffrey係咪真係咁完美？ViuTV劇集《I SWIM》播出兩集，除了兩位MIRROR成員呂爵安（Edan）及邱士縉（Stanley）外，飾演余浪沖的魏浚笙（Jeffrey）同樣成為城中熱話。今年24歲的Jeffrey其實早在ViuTV電視節目《調教你男友》中，已憑著混血靚仔外表備受大眾關注。而現實中的Jeffrey不但靚仔，被封為年輕版陳冠希，而且更是專一好男人，立即了解一下這位新晉男神！ 1. Jeffrey6件事｜被封為年輕版「陳冠希」 Jeffrey因拍攝ViuTV電視節目《調教你男友》而走紅，當時他一登場，不少人已被他深邃的五官吸引，更大讚他有年輕版「陳冠希」的影子。其實Jeffrey是個混血兒，家族擁有荷蘭和印尼血統。他曾在Instagram分享媽媽年輕時的照片，相中可見，媽媽相貌標緻，散發清純氣質，可見基因十分強大。 不過，Jeffrey曾在訪問中坦言不覺得自己靚仔：「我覺得自己幾Cute，Sorry，有啲嘔心！」又謂通常都是去街市時，才被稱為靚仔：「啲姨姨叔叔成日話『靚仔，要唔要』」認真幽默。 2. Jeffrey6件事｜長情專一 與女友拍拖6年 Jeffrey除了外表俊俏，更是深情專一的好男人。Jeffrey與比他大4年的女友陳芷欣（Evelyn）拍拖6年，他指當初是被女友的內涵吸引，而且是一見鍾情，他大讚：「覺得佢好叻，出口成文，用成語溝通，嗰時諗佢係咪老師，教中文。」又謂自己花了兩個月時間才追到Evelyn。而由於兩人年紀有差距，這對姊弟戀花了逾半年才逐漸穩定。Jeffrey又為了拉近雙方之間的距離，經常都會提醒自己要努力上進，彼此坦誠相對，任何事都與Evelyn商量。 Jeffrey從一開始已大方認愛，表示不擔心公開戀情會影響事業，更謂當初未曾想過會入行，因此從沒打算要避忌，又霸氣地指：「就算避忌都冇用，大家都一定知。而且要對另一半有承諾，冇人想做另一半要做到匿匿埋埋。身為一個男人，要公開同保護。」而女友更是Jeffrey的經理人，兩人亦會不時以情侶檔身份工作、接拍廣告。 3. Jeffrey6件事｜預告3年內封盤 Jeffrey與女友拍拖多年，甜蜜無比，早已認定女友為終身伴侶，更坦言渴望結婚：「一直都想結婚，我想喺佢30歲前結婚，但佢覺得好早，佢唔想咁快，希望我做好工作先。」Jeffrey連求婚亦已有計劃：「我諗過要做到好驚喜，去外國拍紀錄片，睇返會好開心，但婚禮就唔會大搞，應該係屋企人、相熟朋友食飯就算，但求婚嗰啲就要浪漫啲。」 4. Jeffrey6件事｜190磅肥仔變男神 擁有模特兒身形的Jeffrey，以前其實是一名肥仔，他曾自爆兒時喜歡食甜食、零食等，高峰期體重更達190磅。後來下定決心減肥，不但勤做運動和控制飲食，又曾奉行16/8飲食法及飲咖啡去水腫，177cm高的Jeffrey現時體重一直維持於68公斤左右。 5. Jeffrey6件事｜天然呆性格 無偶像包袱 Jeffrey在ViuTV綜藝節目《膠戰》中，以無厘頭、天然呆性格俘虜不少觀眾心。不少人本來以為Jeffrey一副靚仔外貌，似乎是有偶像包袱，不過他卻毫無保留地於鏡頭面前呈現自己最真的一面。Jeffrey在節目上，亦不時講錯中文，例如曾將「煨」番薯講成「餵」番薯，而被人笑稱做煨Sir，非常搞笑。Jeffrey表示，做自己最重要，不想刻意營造一副討好的樣子，「我唔會特登做一個假象出嚟，因為咁樣好唔長久，唔想人哋覺得我望落同實質上有好大出入。」 6. Jeffrey6件事｜唱得之人 Jeffrey除了拍劇拍節目，其實更是唱得之人。他曾多次表示自己熱愛唱歌，「起身又唱，沖涼又唱」，更大爆平日經常在家播著網上片段，大聲跟著唱作為練習。早前，Jeffrey與呂爵安（Edan）、劉沛蘅（Hillary）和阿正一同去唱K，並在Instagram上載影片，寫道：「唱歌還是我的最愛，不開心的時候就唱唱歌。」不少網民聽完，大感驚喜，讚他唱得不錯：「原來你唱歌咁好聽！」、「又唱得又睇得，玩曬喇煨Sir」。連阿正亦忍不住留言大讚Jeffrey：「完美Package」。 （全文完） 常見問題 問：Jeffrey喜歡女朋友甚麼？答：Jeffrey與女友Evelyn拍拖6年，他指當初是被女友的內涵吸引… 👉🏻 詳情按此 問：Jeffrey如何減肥？答：Jeffrey體重曾達190磅，後來下定決心減肥，不但勤做運動… 👉🏻 詳情按此 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年06月30日
Edan公開Anson Lo睡相賀《大叔的愛》1周年 鄭欣宜向「田牧」示愛
由MIRROR成員呂爵安（Edan）、盧瀚霆（Anson Lo）及黃德斌主演的ViuTV劇集《大叔的愛》，大受歡迎，其中Edan與Anson Lo合演的「田牧」組合，更加深入民心。原來該劇不經不覺已經播出一周年，Edan藉此在Instagram上載多張「田牧」合照，當中更不乏對方的睡相，連鄭欣宜都忍不住留言向「田牧」示愛。 Edan感恩遇上《大叔的愛》 適逢《大叔的愛》播出一周年，Edan貼出多張與Anson Lo的合照，並撰長文表示很感恩遇上「田一雄」這個角色，令更多人認識他而成為「爵屎」（粉絲暱稱）。他指：「聽講今日係《大叔的愛》播出一周年，出個po賀賀佢先！知道好多朋友都係因為呢套劇集先認識我，甚至成為爵屎，感恩可以遇上呢套劇，多謝你啊田一雄！仲記得當初就出街嘅時候嗰種既緊張又期待，喺到諗大家會咩反應，估大家會唔會鍾意。事隔一年，咁啱得咁橋，我上一年參演嘅作品又準備要陸續同大家見面了。」 Edan：盡全力，對得住自己就夠 踏入7月，Edan將陸續推出不同作品，包括ViuTV劇集《i.SWIM》、電影《闔家辣》等，同時亦在準備MIRROR演唱會。Edan提到比起上年《大叔的愛》播出時少了一份慌張：「今年嘅心情其實同上年都係差不多，又期待又緊張，不過唔同嘅可能係少咗份慌張。因為明白到其實好多嘢都係控制唔到，亦不能預測，所以做嘅時候用盡全力，對得住自己就夠了。」又表示希望接下來的作品能讓大家看到與上年不同的Edan。 公開睡相 Fans大讚好Sweet Edan分享感言的同時，亦不忘大派福利，一連貼出10張與Anson Lo的合照，當中有多張睡覺照片，二人的睡相一覽無遺，引起一眾粉絲迴響，「好掛住田田同阿牧呀」、「希望你哋快啲合體再拍劇」、「點解可以咁sweet」，亦有粉絲忍不住問：「你收埋幾多絕密相！」而Anson Lo亦回覆了拳頭加愛心符號，另外鄭欣宜都有留言向「老公」Anson Lo及Edan示愛：「omg I love u tintin and mokmok」，十分有愛。 （全文完） 常見問題 問：Edan拍《大叔的愛》有咩得著？答：Edan指，知道很多人都是因為《大叔的愛》才認識我自己，甚至成為爵屎… 👉🏻 詳情按此 問：Edan嚟緊有咩新作品？答：踏入7月，Edan將陸續推出不同作品，包括ViuTV劇集《i.SWIM》、電影… 👉🏻 詳情按此 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life
- JL
- 2022年06月08日
大叔的愛｜呂爵安隔空嘴黃德斌 IG被咒睇MIRROR死全家 Edan高EQ回覆獲讚
MIRROR成員呂爵安（Edan）、盧瀚霆（Anson Lo）及黃德斌去年主演的《大叔的愛》，大受歡迎，惟大家之後各有各忙，未有機會再度合作。轉眼已經一年，日前，Edan在社交網站上載多張與德斌的合照，表示工作期間偶遇到「KK」，隨即引起大批網民迴響，高呼「好掛住田田同KK」，亦有一位Haters留言：「睇MIRROR死全家」，結果Edan高EQ回應，被「爵屎」大讚超有型！ 大叔CP重逢 在《大叔的愛》飾演「田田」的Edan，在社交網站上載4張與「KK」德斌的合照，更搞笑地嘟嘴隔空錫KK，Edan寫道：「前排做嘢撞到哩位人兄，嘩！咁似同我一年前拍《大叔的愛》嗰個KK嘅！既然咁似樣，緊係即刻集返個郵先啦。I miss u ah KK」，並Hashtag好耐冇見、KK仲係咁有型、都幾掛住嗰陣拍大叔嘅時光、期待再合作啊！而德斌亦有留言：「真係有啲似田田」，網民隨即表示：「個留言有聲」，非常搞笑！ 粉絲超興奮 合照一出，隨即引來極大迴響，不少網民看到KK、田田重逢，表示超興奮：「係田田同KK呀」、「好想再睇你哋合作」、「好掛住大叔的愛」、「一年後田田同KK都後生咗、靚仔咗好多」。 遭Haters詛咒 Edan高EQ回應 不過亦有Haters搞事，留言指「睇mirror，collar死全家！！！一定會！！！」Edan眼見粉絲的家人被詛咒，於是留言回應：「咁如果唔會呢」，並加上三個流淚表情符號，大批「爵屎」見到Edan的回覆，都大讚偶像高EQ、十分有型、好有霸氣等，亦有人大讚Edan有膽識：「得你先夠膽咁樣覆」。 未知該位Haters，是否因為買不到MIRROR演唱會門票，所以如此激動呢？早前MIRROR演唱會公開發售，大批粉絲表示售票網站死機，未能進入，導致撲飛失敗，詳情：MIRROR演唱會實名制賣飛超慢 兩小時僅售出2成門票 大量網民呻買唔到 雖然MIRROR演唱會最後採取實名制，不過似乎未能杜絕「黃牛」，更反而令門票炒價急升，網上有人將門票炒至「天價」460萬一，非常誇張！難怪粉絲表示絕望！詳情：MIRROR演唱會實名制難阻炒風？2個原因反令黃牛飛價格暴升 （全文完） 推薦閱讀： 飛蟻入屋丨打風落雨飛蟻來襲！滅蟲專家教6招應對 原來一個水盆搞掂？ 雞蛋放雪櫃門原來一直做錯？5大正確保存法 不易變壞、不易滋生細菌 😊 為生活增值 Like 👉有線生活FB💪 睇健康貼士 Like 👉有線健康FB🔔 接收最新生活資訊 follow 👉 有線生活IG @icable.life